ایڈم ملنے بولنگ کے لیے واپس, افغانستان کا سکور: 61/4، 11 اوور مکمل
ایڈم ملنے اننگز کے 11ویں اوور کے لیے آئے اور اس میں انھوں نے پانچ رنز دیے۔
گلدبین کے آؤٹ ہونے کے بعد کپتان محمد نبی بیٹنگ کے لیے آئے ہیں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
نیوزی لینڈ ٹی 20 ورلڈ کپ کے سیمی فائنل میں، افغانستان کے ساتھ ساتھ انڈیا کا سفر بھی تمام ہوا
ٹی ٹوئنٹی ورلڈ کپ میں گروپ ٹو میں سپر 12 مرحلے کے اہم میچ میں نیوزی لینڈ نے افغانستان کو آٹھ وکٹوں سے شکست دے کر سیمی فائنل میں جگہ بنا لی ہے۔ نیوزی لینڈ کی اس فتح نے نہ صرف افغانستان بلکہ انڈیا کا بھی اس ٹورنامنٹ میں سفر تمام کر دیا ہے اور گروپ ٹو سے سیمی فائنل کھیلنے والی ٹیمیں نیوزی لینڈ اور پاکستان بن گئی ہیں۔
لائیو کوریج
بریکنگ, نجیب اللہ زادران کا ایک اور چوکا، لیکن آخری گیند پر گلبدین آؤٹ!, افغانستان کا سکور: 56/4، دس اوور مکمل
اش سودھی اننگز کا دسواں اوور کرانے آئے تو نجیب اللہ زادران نے ان کو بھی چوکا مارا اور گلبدین کے ساتھ اچھی شراکت قائم کرتے نظر آئے۔
لیکن اوور کی آخری گیند پر گلبدین نائب بدقسمت رہے کہ ایک انتہائی باہر جاتی گیند پر انھوں نے شاٹ مارا اور گیند بلے کا اندرونی کنارہ لیتے ہوئے وکٹوں پر لگ گئی اور وہ 15 رنز پر آؤٹ۔
نجیب اللہ اور گلبدین افغانستان کی اننگز جو سہارا دیتے ہوئے, افغانستان کا سکور: 48/3، نو اوور مکمل
افغانستان کی جانب سے نجیب اللہ زادران نے گلبدین نائب کے ساتھ مل کر اپنی اننگز کو سہارا دیے اور جمی نیشم کے اوور میں انھوں نے دو قیمتی چوکے حاصل کیے۔
ایک چوکا انتہائی دلکش شاٹ کی مدد سے سیدھا کھیل کر حاصل کیا جبکہ دوسرا چوکا خوش قسمتی سے حاصل کیا۔
وہ اب 21 رنز پر کھیل رہے ہیں۔
نیوزی لینڈ کی جانب سے سپن متعارف، سانٹر کے پاس گیند, افغانستان کا سکور: 36/3، آٹھ اوور مکمل
مچل سانٹنر اننگز کا آٹھواں اوور کرانے آئے جس میں انھوں نے تین گیندوں پر سنگل دیے اور چوتھی گیند پر نجیب اللہ زادران نے چوتھی گیند پر ان کو چوکا مارا جو کہ افغآنستان کی 20 گیندوں بعد پہلی باؤنڈری تھی۔
پاور پلے کے بعد کا پہلا اوور جمی نیشم کا, افغانستان کا سکور: 28/3، سات اوور مکمل
پاور پلے کے بعد کے پہلے اوور میں جمی نیشم کو بولنگ کے لیے لایا گیا تو انھوں نے پانچ رنز مزید دیہ اور اب افغانستان کی رن بنانے کی اوسط چار ہو چکی ہے۔
بریکنگ, افغانستان کا ٹاپ آرڈر پویلین واپس، ساؤتھی کی بھی وکٹ, افغانستان کا سکور: 23/3، چھ اوور مکمل
ٹم ساؤتھی نے پاور پلے کا آخری اوور کرایا اور اس میں ان کو ایک اور کامیابی ملی جب رحمان اللہ گرباز کو انھوں نے ایل بی ڈبلیو کر دیا۔
اوور کی باقی گیندوں پر انھوں نے چار رنز دیے۔
ایڈم ملنے کا ایک اورعمدہ اوور, افغانستان کا سکور: 19/2، پانچ اوور مکمل
ایڈم ملنے نے اپنی برق رفتار گیندوں کے ساتھ ایک اور اچھا اوور پھینکا جس میں انھوں نے صرف تین رنز اور دیے۔
بریکنگ, نیوزی لینڈ کی دوسری کامیابی، حضرت اللہ زازئی بھی آؤٹ!, افغانستان کا سکور: 16/2، چار اوور مکمل
ٹرینٹ بولٹ اپنا دوسرا اوور کرانے آئے اور پہلی ہی گیند پر انھوں نے حضرت اللہ زازئی کی قیمتی وکٹ حاصل کر لی۔
زازئی نے شارٹ بال روکنے کی کوشش کی لیکن گیند نے ان کے بلے کا کنارہ لیا اور مڈ آن پر مچل سانٹنر نے کیچ پکڑ لیا۔
البتہ اوور کی آخری گیند پر گلبدین نائب گیند کو ہُک کرنے گئے اور کنارہ لیتے ہوئے بال کیپر کے پیچھے سے ہوتے ہوئے باؤنڈری کراس کر گئی۔
بریکنگ, نیوزی لینڈ کی پہلی کامیابی! محمد شہزاد کیچ آؤٹ, افغانستان کا سکور: 12/1، تین اوور مکمل
ایڈم ملنے اننگز کا تیسرا اوور کرانے آئے اور اس میں محمد شہزاد نے ایک شارٹ گیند کو آف سائیڈ پر کھیلنے کی کوشش کی لیکن ان کے بیٹ کے کنارے سے گیند لگ کر پیچھے گئی جہاں کیپر ڈیون کون وے نے نہایت عمدہ کیچ پکڑ لیا۔ شہزاد نے چار رنز بنائے تھے۔
نئے آنے والے باصلاحیت بلے باز رحمان اللہ گرباز نے اوور میں ایک چوکا لگایا۔
دوسرے اینڈ سے ٹرینٹ بولٹ کی بولنگ, افغانستان کا سکور: 7/0، دو اوور مکمل
نیوزی لینڈ کی جانب سے ٹرینٹ بولٹ نے اننگز کا دوسرا اوور کرایا اور اس میں انھوں نے صرف ایک رن دیا۔
افغانستان کا پہلے ہی اوور میں چوکا!, افغانستان کا سکور: 6/0، ایک اوور مکمل
افغانستان کی جانب سے محمد شہزاد نے پہلے اوور میں ٹم ساؤتھی کے خلاف ایک چوکا لگایا اور دو سنگل کی مدد سے ان کی ٹیم نے چھ رنز حاصل کیے۔
افغانستان اور نیوزی لینڈ کا پہلا ٹی ٹوئنٹی میچ، گپٹل کے علاوہ دیگر کیوی بلے بازوں کا کم سٹرائیک ریٹ
افغانستان اور نیوزی لینڈ نے آج تک کوئی ٹی ٹوئنٹی میچ نہیں کھیلا ہے۔ البتہ ایک روزہ میچوں میں ان دونوں ٹیموں نے دو بار سامنا کیا ہے۔
دونوں میچ عالمی مقابلوں میں ہوئے تھے اور 2015 اور 2019، دونوں بار نیوزی لینڈ کی ٹیم فاتح رہی تھی۔
ادھر افغانستان کے لیے خوش آئند بات یہ ہے کہ ٹورنامنٹ میں اب تک نیوزی لینڈ کے مارٹن گپٹل کے علاوہ دیگر کیوی بلے بازوں نے 111 یا اس سے کم کے سٹرائیک ریٹ پر بیٹنگ کی ہے اور افغانستان کے پاس راشد خان، مجیب الرحمان اور محمد نبی کی شکل میں تین بہت عمدہ سپنرز موجود ہیں۔
نیوزی لینڈ کی ٹیم میں کوئی تبدیلی نہیں
نیوزی لینڈ کے کپتان کین ولیمسن نے ٹاس ہارنے کے بعد کہا کہ وہ بھی پہلے ہی بیٹنگ کرنے کے خواہشمند تھے کیونکہ یہ استعمال شدہ پچ ہے۔
ان کی ٹیم میں آج کوئی تبدیلی نہیں ہے۔
مارٹن گپٹل
ڈیرل مچل
کین ولیمسن (کپتان)
ڈیون کون وے (وکٹ کیپر)
گلین فلپس
جیمز نیشم
مچل سانٹنر
ایڈم ملنے
ٹم ساؤتھی
اش سودھی
ٹرینٹ بولٹ
بریکنگ, افغانستان کی ٹیم میں ایک تبدیلی جس کا انھیں شدت سے انتظار تھا، مجیب دو میچ کے بعد واپس
افغانستان کی ٹیم نے صرف ایک تبدیلی کی ہے لیکن وہ تبدیلی ان کے لیے، اور شاید انڈیا کے لیے سب سے اہم ہے۔
ان کے سپنر مجیب الرحمان دو میچوں میں انجری کے باعث نہ کھیل سکے لیکن اب وہ آج کے لیے تیار ہیں۔
حضرت اللہ زازئی
محمد شہزاد (وکٹ کیپر)
رحمان اللہ گرباز
نجیب اللہ زادران
محمد نبی (کپتان)
گلبدین نائب
کریم جنت
راشد خان
نوین الحق
حامد حسن
مجیب الرحمان
بریکنگ, افغانستان کے محمد نبی نے ٹاس جیت لیا، پہلے بیٹنگ کا فیصلہ
افغانستان کے لیے ٹاس اچھا ثابت ہوا اور کپتان محمد نبی نے پہلے بیٹنگ کا فیصلہ کیا ہے۔
افغانستان نے جس میچ میں ٹاس جیتا اس میں وہ پہلے بیٹنگ کرتے چلے آئے ہیں اور یہی ان کی واضح حکمت عملی رہی ہے۔
البتہ صرف ایک میچ میں انھوں نے مخالف ٹیم کو بیٹنگ کی دعوت دی تھی اور وہ میچ انڈیا کے خلاف تھا۔
انڈین اوپنرز نے سنچری کی شراکت کی اور افغانستان کے خلاف 210 رنز بنا کر ٹورنامنٹ کا سب سے بڑا سکور کھڑا کر دیا تھا۔
نیوزی لینڈ بمقابلہ افغانستان، کیا کین ولیمسن اپنی ٹیم کو سیمی فائنل تک پہنچا پائیں گے؟
دن کے پہلے میچ میں بی بی سی اردو کی لائیو کوریج میں خوش آمدید!
ابو ظہبی کے میدان میں افغانستان اور نیوزی لینڈ دن کا پہلا میچ کھیل رہے ہیں جو دونوں ٹیموں کا آخری میچ ہے اور اسی میں ان کی ٹورنامنٹ میں تقدیر کا فیصلہ ہوگا۔
نیوزی لینڈ کے لیے حساب بہت سادہ ہے۔ میچ جیتنے کی صورت میں سیمی فائنل، شکست کی صورت میں گھر واپسی۔
افغانستان کے لیے معاملہ تھوڑا پیچیدہ ہے۔ وہ گرچہ ابھی بھی سیمی فائنل کی دوڑ میں شامل ہیں لیکن انھیں نہ صرف آج نیوزی لینڈ کو بڑے مارجن سے ہرانا ہوگا بلکہ یہ بھی امید کرنی ہوگی کہ نمیبیا کل انڈیا کو ہرا دے۔
اب سے کچھ دیر بعد ٹاس ہونا ہے اور ہم آپ کو اس میچ کی لمحہ با لمحہ صورتحال سے آگاہ کرتے رہیں گے۔