آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
نیوزی لینڈ ٹی 20 ورلڈ کپ کے سیمی فائنل میں، افغانستان کے ساتھ ساتھ انڈیا کا سفر بھی تمام ہوا
ٹی ٹوئنٹی ورلڈ کپ میں گروپ ٹو میں سپر 12 مرحلے کے اہم میچ میں نیوزی لینڈ نے افغانستان کو آٹھ وکٹوں سے شکست دے کر سیمی فائنل میں جگہ بنا لی ہے۔ نیوزی لینڈ کی اس فتح نے نہ صرف افغانستان بلکہ انڈیا کا بھی اس ٹورنامنٹ میں سفر تمام کر دیا ہے اور گروپ ٹو سے سیمی فائنل کھیلنے والی ٹیمیں نیوزی لینڈ اور پاکستان بن گئی ہیں۔
لائیو کوریج
بریکنگ, مجیب الرحمان کی کامیابی! ڈیرل مچل آؤٹ, نیوزی لینڈ کا سکور: 30/1، چار اوور مکمل
دو میچوں کے بعد واپس آنے والے مجیب الرحمان نے اپنے دوسرے اوور میں دکھا دیا کہ افغانستان کی ان کو کتنی ضرورت ہے۔
اپنے دوسرے اوور کی پہلی گیند پر ہی انھوں نے ڈیرل مچل کو کیرم بال کے ذریعے بیٹ کیا اور گیند بلے کا باہری کنارہ لیتے ہوئے کیپر شہزاد کے ہاتھوں میں چلی گئی۔ مچل نے 17 رنز بنائے۔
اوور کی باقی پانچ گیندوں پر کیویز نے چار رنز حاصل کیے۔
نیوزی لینڈ اگر یہ میچ جیت جائے تو سیمی فائنل میں پاکستان اکلوتی ایشیائی ٹیم ہو گی!
نوین الحق بولنگ کے لیے متعارف، مچل اور گپٹل کے زوردار چوکے!, نیوزی لینڈ کا سکور: 26/0، تین اوور مکمل
نیوزی لینڈ کے اوپنرز نے 125 کے تعاقب میں اچھی شروعات کی ہیں اور نوین الحق کے پہلے اوور میں ڈیرل مچل اور مارٹن گپٹل دونوں نے ایک ایک چوکے لگا دیے۔
دو میچوں کے بعد مجیب الرحمان کی بولنگ میں واپسی، اوور میں ایک چوکا, نیوزی لینڈ کا سکور: 15/0، دو اوور مکمل
کیوی بلے بازوں نے دو میچوں میں انجری کے باعث شرکت نہ کرنے والے مجیب الرحمان کے پہلے اوور میں ایک چوکے کی مدد سے مزید آٹھ رنز حاصل کر لیے۔
اننگز بریک پر نیوزی لینڈ کا جیت کا 79 فیصد امکان!
نیوزی لینڈ کا محتاط آغاز, نیوزی لینڈ کا سکور: 7/0، ایک اوور مکمل
نیوزی لینڈ کی جانب سے گپٹل اور ڈیرل مچل نے اننگز کا شروعات کی اور محمد نبی کے اوور میں انھوں نے ڈیرل مچل کے ایک چوکے کی مدد سے سات رنز بنائے۔
نیوزی لینڈ نے اس میچ کے بارے میں کی جانے والی باتوں کے بارے میں زیادہ نہیں سوچا!
’جمی نیشم نے آخری اوور میں بہترین بولنگ کا مظاہرہ کیا‘
بریکنگ, نیوزی لینڈ کی عمدہ بولنگ پرفارمنس، نجیب اللہ کی نصف سنچری، سیمی فائنل 125 رنز کی دوری پر
نیوزی لینڈ نے بہترین بولنگ کا مظاہرہ کرتے ہوئے افغانستان کو صرف 124 رنز پر روک لیا ہے۔ خیال رہے کہ اگر نیوزی لینڈ یہ میچ جیت جاتا ہے تو یہ سیمی فائنل کے لیے کوالیفائی کر جائے گا۔
کیویز کی جانب سے بولٹ سب سے عمدہ بولر رہے اور انھوں نے تین وکٹیں حاصل کیں۔
ان کے علاوہ ساؤتھی نے دو جبکہ ملنے، نیشم اور سودھی نے ایک ایک وکٹ لی۔
افغانستان کی جانب سے نجیب اللہ زادران ان کی اننگز کے لیے گوند کی مانند ثابت ہوئے اور انھوں نے گلبدین نائب اور کپتان محمد نبی کے ساتھ نصف سنچری کی شراکت قائم کی۔
نجیب اللہ زدرارن کی اچھی اننگز کا اختتام!
بریکنگ, نجیب اللہ زادران کی عمدہ اننگز کا خاتمہ، کریم جنت بھی آؤٹ, افغانستان کا سکور: 122/7، 19 اوور مکمل
ٹرینٹ بولٹ کی عمدہ بولنگ کا سلسلہ جاری رہا اور اننگز کے 19ویں اوور میں انھوں نے پہلی بال پر چوکا کھانے کے بعد نجیب اللہ کو 73 کے سکور پر آؤٹ کر دیا جن کا جمی نیشم نے انتہائی شاندار کیچ پکڑ لیا۔
اوور کی چوتھی گیند پر بولٹ نے نئے بلے باز کریم جنت کو بھی سودھی کے ہاتھوں کیچ کروا دیا اور اپنے چار اوور کے سپیل میں 17 رنز دے کر تین وکٹیں لیں۔
افغانستان نے اس ٹورنامنٹ میں آخری پانچ اوورز میں اچھا سکور کیا ہے!
اس ٹورنامنٹ میں افغانستان نے آخری پانچ اوورز میں 10 کی اوسط سے سکور کیا ہے، لیکن ابھی پہلے دو اوورز میں کل 10 رنز بنے ہیں۔
نجیب اللہ زادران کا ساؤتھی کو زبردست چھکا! افغانستان کے لیے اہم اوور لیکن نبی آؤٹ, افغانستان کا سکور: 115/5، 18 اوور مکمل
نجیب اللہ زادران کی شاندار بیٹنگ جاری رہی اور انھوں نے ساؤتھی کو ایک چھکا اور چوکا لگایا لیکن اوور کی آخری گیند پر وہ 14 رنز بنا کر ساؤتھی کے ہاتھوں کیچ ہو گئے۔
افغانستان کے اننگز کی سنچری مکمل ، تین اوور باقی, افغانستان کا سکور: 101/4، 17 اوور مکمل
افغانستان کی اننگز کے سو رنز بولٹ کی جانب سے پھینک گئے 17ویں اوور میں مکمل ہوئے۔
اب وہ وقت آ گیا ہے کہ افغان بلے باز تیز کھیلنے کی کوشش کریں لیکن کیوی بولرز ابھی بھی ان کو کڑا وقت دے رہے ہیں۔
جمی نیشم 16ویں اوور کے لیے واپس, افغانستان کا سکور: 96/4، 16 اوور مکمل
جمی نیشم 16واں اوور کرانے کے لیے آئے جس میں انھوں نے رنز دیے۔
میچ اس وقت ایک نازک موڑ پر ہے اور افغانستان کو امید ہوگی کہ اگلے چار اوورز میں وہ کسی طرح سے سکور کو 140 سے اوپر لے جائیں لیکن اس کے لیے ان دونوں بلے بازوں کا کریز پر رہنا ضروری ہوگا۔
نجیب اللہ کی شاندار بیٹنگ، نصف سنچری مکمل!, افغانستان کا سکور: 91/4، 15 اوور مکمل
ایڈم ملنے اننگز کا 15واں اوور کرانے واپس آئے جس میں نجیب اللہ زادران نے اپنی عمدہ نصف سنچری مکمل کر لی جس کے لیے انھوں نے 33 گیندوں کا سامنا کیا۔
انھوں نے چار چوکا اور دو چھکے لگائے۔
ملنے کے اس اوور میں پانچ رنز بنے ہیں۔
نجیب اللہ زادران کے سانٹنر کو دو چھکے!, افغانستان کا سکور: 87/4، 14 اوور مکمل
نجیب اللہ زادران نے مچل سانٹنر کی بولنگ کا نشانہ بنایا اور ان کے اوور میں افغان اننگز کے پہلے دو چھکے رسید کیے۔
یہ افغانستان کی اننگز کا سب سے اچھا اوور گیا جس میں انھوں نے 19 رنز حاصل کیے۔
ساؤتھی کا بھی ایک اچھا اوور!, افغانستان کا سکور: 68/4، 13 اوور مکمل
ٹم ساؤتھی کو بولنگ کے لیے واپس لایا گیا تو انھوں نے افغان بلہ بازوں کو باندھے رکھا اور صرف دو رنز دیےگ
نجیب اللہ پر افغانستان کی اننگز کا دار و مدار, افغانستان کا سکور: 66/4، 12 اوور مکمل
نجیب اللہ زادران اس وقت 25 گیندوں پر 31 رنز بنا کر کھیل رہے ہیں اور ان کی کپتان محمد نبی کے ساتھ یہ شراکت افغانستان کے لیے بڑا سکور کرنے کے لیے اہم ترین شراکت ہے۔
سودھی نے اس اوور میں بھی پانچ رنز دیے۔