ٹی ٹوئنٹی ورلڈ کپ میں دن کے پہلے میچ میں نیوزی لینڈ نے نمیبیا کو 52 رنز سے شکست دے دی ہے اور اب سیمی فائنل کی پوزیشن حتمی بنانے کے لیے انھیں افغانستان کو شکست دینا ہوگی۔ دن کا دوسرا میچ انڈیا اور سکاٹ لینڈ کا ہے۔
،تصویر کا ذریعہGetty Images
ٹرمپلمین نے پاور پلے کا آخری اوور کرایا جس میں انھوں نے صرف سات رنز دیے جس میں ڈیرل مچل کا ایک چوکا شامل تھا۔
پہلے چھ اوورز میں نیوزی لینڈ نے ایک مناسب آغاز کیا ہے لیکن نمیبیا کی جانب سے بھی عمدہ بولنگ کا مظاہرہ دیکھنے میں آیا ہے۔
،تصویر کا ذریعہGetty Images
ڈیوڈ ویزے نے اپنا دوسرا اوور کرایا تو انھوں نے اپنی ٹیم کو انتہائی اہم کامیابی دلائی جب مارٹن گپٹل 18 رنز بنا کر کیچ آؤٹ ہو گئے۔
اوور کی اگلی چار گیندیں ویزے نے بہت اچھی کرائیں لیکن آخری گیند پر کپتان ولیمسن نے اپنا جوہر دکھایا اور خوبصورتی سے آف سائیڈ پر چار رنز حاصل کیے۔
،تصویر کا ذریعہGetty Images
چوتھے اوور کے لیے بھی نمیبیا کے کپتان نے نیا بولر لایا جب گیند جے جے سمٹ کو دی گئی۔
اس اوور میں گپٹل نے جارحانہ انداز اپنایا لیکن خوش قسمت بھی رہے کہ کوور پوزیشن پر ان کا انتہائی زوردار شاٹ ڈراپ ہو گیا۔
اگلی ہی گیند پر البتہ ڈیرل مچل نے چوکا لگا دیا۔
،تصویر کا ذریعہGetty Images
نمیبیا کی جانب سے مسلسل تیسرے اوور میں بھی نیا بولر متعارف کرایا گیا جب ڈیوڈ ویزے کو بال دی گئی۔
اس اوور میں کیوی اوپنرز نے ہر گیند پر رن حاصل کیا۔
،تصویر کا ذریعہGetty Images
نمیبیا کی جانب سے دوسرا اوور ان کے سب سے اہم بولر روبن ٹرمپلمین نے کرایا جس میں مارٹن گپٹل نے ایک زوردار چوکا لگایا۔
،تصویر کا ذریعہGetty Images
نیوزی لینڈ نے گروپ ٹو کے اپنے چوتھے میچ کا اچھا آغاز کیا اور برنارڈ شولٹز کے پہلے اوور میں مارٹن گپٹل نے ایک چھکا لگایا اور اوور میں نو رنز حاصل کیے۔
،تصویر کا ذریعہGetty Images
سکاٹ لینڈ کے خلاف میچ جیت جانے سے ابھی بھی نمیبیا کے پاس عددی اعتبار سے یہ موقع ہے کہ وہ سیمی فائنل کے لیے کوالی فائی کر جائیں لیکن اس کے لیے ضروری ہوگا کہ نہ صرف وہ آج نیوزی لینڈ بلکہ اس کے بعد اپنے آخری میچ میں انڈیا کو بھی بھاری مارجن سے شکست دیں۔
آج انھوں نے اپنے ٹیم میں دو تبدیلیاں کی ہیں۔
سٹیفن بارڈ
مائیکل وان لنگن
کریگ ولیمز
گرہارڈ ایراسمس (کپتان)
ڈیوڈ ویزے
جے جے سمٹ
یان نکول لوفٹی ایٹون
زانے گرین (وکٹ کیپر)
کارل برکن سٹاک
روبن ٹرمپلمین
برنارڈ شولٹز
،تصویر کا ذریعہGetty Images
آج کے اس اہم میچ میں نیوزی لینڈ نے ٹیم میں کوئی تبدیلی نہیں کی ہے۔ ان کو سیمی فائنل میچ پہنچنے کے لیے اپنے دونوں میچز جیتنے ضروری ہیں اور بغیر کسی اور کی مدد یا نیٹ رن ریٹ کے دیکھے وہ اس گروپ کی دوسری پوزیشن حاصل کر سکتے ہیں۔
مارٹن گپٹل
ڈیرل مچل
کین ولیمسن (کپتان)
ڈیون کون وے (وکٹ کیپر)
گلین فلپس
جمی نیشم
مچل سانٹنر
ایڈم ملنے
ٹم ساؤتھی
اش سودھی
ٹرینٹ بولٹ
،تصویر کا ذریعہBBCc
نمیبیا کے کپتان گرہارڈ ایراسمس نے ٹاس جیت کر نیوزی لینڈ کو پہلے بیٹنگ کی دعوت دی ہے۔
،تصویر کا ذریعہGetty Images
ٹی ٹوئنٹی ورلڈ کپ میں جمعے کو دو میچ کھیلے جائیں گے۔ دن کے پہلے میچ میں نیوزی لینڈ کا سامنا نمیبیا سے ہوگا جبکہ دوسرا میچ انڈیا اور سکاٹ لینڈ کا ہے۔
نیوزی لینڈ کو سیمی فائنل میں جگہ بنانے کے لیے اپنے آخِری دونوں میچز جیتنے ہیں جبکہ انڈیا کو نہ صرف دونوں میں جیت حاصل کرنی ہے بلکہ نیوزی لینڈ کی شکست بھی ان کے لیے ضروری ہے۔
