انڈیا کا نیٹ رن ریٹ مثبت ہو گیا، افغانستان کو 66 رنز سے شکست

لائیو کوریج

1. 3 نومبر 2021انڈیا اور افغانستان کی ٹیموں میں کون کون شامل ہے؟

   افغانستان نے اپنی ٹیم میں ایک تبدیلی کی ہے۔ گذشتہ میچ میں اصغر افغان ریٹائر ہو گئے تھے، جن کی جگہ ٹیم میں شریف الدین اشرف آئے ہیں۔

   انڈیا کی ٹیم میں اشان کشن کی جگہ سوریا کمار یادو کی واپسی ہوئی ہے جبکہ روی ایشون بھی ٹیم میں شامل کیے گئے ہیں۔

   انڈیا کی ٹیم: روہت شرما، کے ایل راہول، وراٹ کوہلی، سوریا کمار یادو، رشبھ پنت، ہارڈک پانڈیا، رویندرا جڈیجا، شردل ٹھاکر، محمد شامی، روی ایشون، جسپریت بمرا۔

   افغانستان کی ٹیم: حضرت اللہ زازئی، محمد شہزاد، رحمت اللہ گرباز، نجیب اللہ زدران، محمد نبی، شریف الدین اشرف، گلبدین نائب، راشد خان، کریم جنت، نوین الحق، حامد حسن۔

2. 3 نومبر 2021بریکنگ, افغانستان کا انڈیا کے خلاف ٹاس جیت کر پہلے فیلڈنگ کا فیصلہ

   افغانستان نے انڈیا کے خلاف ٹاس جیت کر پہلے فیلڈنگ کا فیصلہ کیا ہے۔ یہ فیصلہ کچھ افراد کے لیے اس لیے حیران کن ہے کیونکہ اب تک ٹورنامنٹ میں افغانستان نے ٹاس جیت کر پہلے بیٹنگ کا فیصلہ ہی کیا ہے۔

   ٹاس پر بات کرتے ہوئے محمد نبی کا کہنا تھا کہ وہ ٹاس جیت کر بولنگ اس لیے کرنا چاہتے تھے کیونکہ یہ پچ پہلے بولنگ کے لیے بہتر ہے۔

   دوسری جانب وراٹ کوہلی کا کہنا تھا کہ وہ خود بھی پہلے فیلڈنگ ہی کرنا چاہتے تھے، لیکن یہ بھی بہتر ہو گا کہ اگر افغانستان جو اس ٹورنامنٹ میں پہلے بیٹنگ کرتے آ رہے ہیں، وہ اب پہلے فیلڈنگ کریں تو ان کے پلانز کو دھچکا لگ سکتا ہے۔

3. 3 نومبر 2021انڈیا، نیوزی لینڈ اور افغانستان کو سیمی فائنل تک رسائی کے لیے کیا کرنا ہو گا؟

   اکثر مداح یہ پوچھ رہے ہیں کہ بالخصوص انڈیا اور افغانستان اور نیوزی لینڈ کے اس ٹورنامنٹ کے سیمی فائنل تک رسائی کے امکانات کتنے روشن ہیں اور اس کے لیے انھیں آنے والے میچوں میں کیا کرنا ہو گا؟

   اس ٹورنامنٹ کے مراحل ایسے ہیں کہ دو گروپس میں سرِ فہرست رہنے والی دو ٹیموں کی اگلے مرحلے تک رسائی حاصل ہو گی۔ ایسے میں اس وقت سیمی فائنل کے لیے ایک جگہ ہے جسے حاصل کرنے کے لیے تین ٹیمیں کوشاں ہیں۔

   اس گروپ کے حوالے سے اندازے لگانا قدرے آسان اس لیے بھی ہے کیونکہ اس میں دو اسوسی ایٹ ٹیمز شامل ہیں جن کے نیوزی لینڈ، پاکستان اور انڈیا کو اپ سیٹ کرنے کے امکانات انتہائی کم ہیں اور وہ پہلے ہی افغانستان سے شکست کھا چکی ہیں۔

   مزید پڑھیے

4. 3 نومبر 2021سوشل میڈیا پر انڈیا اور نیوزی لینڈ کے میچ کے بارے میں پاکستان میں کیا بات ہو رہی ہے؟

   انڈیا اور پاکستان درمیان کرکٹ کے موضوع پر اکثر اسی طرح کا شدید ردعمل نظر آتا ہے جیسا کہ دونوں ممالک کے درمیان سیاست میں نظر آتا رہا ہے۔ عام طور پر یہ دونوں ممالک کے رشتوں میں تلخی کا باعث ہوتا ہے لیکن بعض اوقات یہ تفریح اور ذہنی بالیدگی کا بھی ثبوت فراہم کرتا ہے جس کی مثال دونوں ٹیموں کے شائقین کے درمیان سوشل میڈیا پر ہونے والے ردعمل کی صورت میں نظر آرہا ہے۔

   بہر حال بعض انڈین اگر چہ ٹیم کی خراب کارکردگی پر غصہ اور ناراضگی کا اظہار کر رہے ہیں تو کچھ ایسے بھی ہیں جو اس سے لطف اندوز ہو رہے ہیں۔ انڈین ٹیم کی کارکردگی نے پاکستانی شائقین کو بھی تفریح ​​کا موقع فراہم کیا ہے۔

   مزید پڑھیے

5. 3 نومبر 2021ٹی ٹوئنٹی ورلڈکپ: انڈیا بمقابلہ افغانستان, بی بی سی اردو کی خصوصی لائیو کوریج میں خوش آمدید

   ٹی ٹوئنٹی ورلڈ کپ کے 33ویں میچ میں آج افغانستان اور انڈیا کی ٹیمیں ابوظہبی کے میدان پر مدِ مقابل ہیں۔

   انڈیا کے لیے یہ میچ جیتنا انتہائی ضروری ہو چکا ہے کیونکہ اسے سپر 12 مرحلے کے پہلے دو میچوں میں شکست کا سامنا کرنا پڑا ہے۔ دوسری جانب افغانستان کی ٹیم بہتر نیٹ رن ریٹ کے باعث گروپ میں دوسرے نمبر پر موجود ہے۔