آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ٹی ٹوئنٹی ورلڈ کپ کے 33ویں میچ میں انڈیا نے افغانستان کو 66 رنز سے شکست دے کر ٹورنامنٹ میں اپنا پہلا میچ جیت لیا ہے۔ انڈیا کی جانب سے روہت شرما اپنے جارحانہ 74 رنز کے باعث پلیئر آف دا میچ قرار پائے۔
گلبدین نائب نے اپنے اوور میں بیک آف لینتھ بولنگ کروا کر انڈین بلے بازوں کو پریشان کیے رکھا لیکن پھر ایک گیند انھوں نے باؤنسر کروانے کی کوشش کی تو شرما نے اسے لیٹ کٹ مارتے ہوئے کیپر کے ساتھ سے نکال دیا۔
انڈیا کے اوپنرز اب راشد خان کو بھی خاصی اچھی تکنیک سے کھیل رہے ہیں اور ان کے دوسرے اوور میں 11 رنز بنے ہیں۔
انڈیا نے پہلے 10 اوورز میں بہترین بیٹنگ کا مظاہرہ کرتے ہوئے 85 رنز بنا دیے ہیں اور دونوں اوپنرز سپنرز کے خلاف خاصے پرسکون انداز سے کھیل رہے ہیں۔
کیا افغانستان کے بولرز باقی 10 اوورز میں انڈین بلے بازوں پر دباؤ ڈال پائے گا؟
انڈیا کے اوپنرز نے بہترین بیٹنگ کا مظاہرہ کرتے ہوئے دباؤ میں اضافہ نہیں ہونے دیا اور شریف الدین کی ناتجربہ کاری کا خوب فائدہ اٹھایا ہے۔
راہول ان کے اوور میں سویپ شاٹ پر انحصار کیا ہے۔
پاور پلے میں عمدہ بیٹنگ کے بعد اب افغانستان کے بولرز نے دوبارہ نپی تلی بولنگ کی ہے اور گلبدین جنھیں اس ٹورنامنٹ میں زیادہ بولنگ نہیں دی گئی تھی، ان کے پہلے اوور میں صرف چھ رنز بنے ہیں۔
انڈیا کے اوپنرز روہت شرما اور راہول آج خاصے جارحانہ موڈ میں نظر آ رہے ہیں۔
ایک طرف روہت شرما نے 34 گیندوں پر 34 رنز بنا رکھے ہیں، تو دوسری جانب راہول نے 13 گیندو ںپر 18 رنز بنائے ہیں۔
کیا انڈیا اس اچھی بنیاد پر ایک بڑا ٹوٹل کھڑا کرنے میں کامیاب ہو پائے گا؟
جہاں باقی تمام بولرز مہنگے ثابت ہوئے ہیں حامد حسن نے پاور پلے میں اپنے دونوں اوورز میں بہترین بولنگ کا مظاہرہ کیا ہے۔
پاور پلے کے آخری اوور میں انھوں نے صرف ایک رن دیا۔
روہت شرما آج ایک مختلف موڈ میں دکھائی دے رہے ہیں اور وہ آغاز میں ہی جارحانہ انداز اپنا کے افغان بولرز پر دباؤ بڑھا رہے ہیں۔
نوین الحق کے اوور میں پہلے روہت نے چوکا مارا، پھر مڈ آف کے اوپر سے ایک خوبصورت چھکا لگایا اور پھر اگلی ہی گیند پر قدموں کا استعمال کیا اور کور کے اوپر سے چوکا مار دیا۔
حامد حسن نے اپنے اوور میں صرف پانچ رنز دیے ہیں۔ انھیں پچھلے میچ میں مجیب الرحمان کی جگہ ٹیم میں شامل کیا گیا تھا۔
حامد حسن کے اوور میں پانچ سنگلز بنے اور انھوں نے اچھے یارکرز اور سلو بالز کروائیں۔
افغانستان کی جانب سے تیسرے اوور میں فاسٹ بولر نوین الحق کو لایا گیا۔
افغانستان کے سپنرز کو پہلے دو اوورز 23 سکور پڑا ہے جس کے بعد اب فاسٹ بولرز کی مدد لی گئی ہے۔
نوین کے پہلے اوور میں صرف سات رنز ہی بنے لیکن ایک چوکا بھی پڑا ہے۔ انڈیا اس وقت 10 کی اوسط سے سکور کر رہا ہے۔
افغانستان کی جانب سے آج جو تبدیلی کی گئی ہے وہ اصغر افغان کی جگہ شریف الدین کو شامل کیا گیا ہے۔
وہ ایک لیفٹ آرم سپنر ہیں، لیکن ان کے آتے ہی پہلے روہت شرما نے انھیں ایک چوکا مارا، اور پھر راہول نے انھیں مڈان کے اوپر سے پہلے چھکا اور پھر چوکا جڑ دیا۔
انڈیا نے اپنی اننگز کا جارحانہ آغاز کر دیا ہے۔
انڈیا کی طرف سے آج پھر بیٹنگ اوپن کرنے کے لیے روہت شرما اور کے ایل راہول آئے ہیں۔ جبکہ افغانستان نے مجیب الرحمان کی غیر موجودگی میں محمد نبی سے بولنگ شروع کروانے کا فیصلہ کیا ہے۔
محمد نبی کا پہلا اوور مجموعی طور پر تو اچھا رہا، لیکن اوور کی آخری گیند پر روہت شرما نے انھیں ایکسٹرا کور کے اوپر سے چوکا مار دیا۔
متحدہ عرب امارات میں جاری ٹی ٹوئنٹی کرکٹ ورلڈ کپ مقابلے میں انڈیا اور پاکستان کے پہلے میچ کے دوران دنیا بھر کے لاکھوں لوگوں کی طرح نفیسہ عطاری بھی ٹی وی سکرین پر آنکھیں جمائے بیٹھیں تھیں۔
شمالی انڈیا کے شہر ادے پور سے تعلق رکھنے والی سکول ٹیچر نفیسہ نے پاکستان کو انتہائی ماہرانہ اور زبردست انداز میں 10 وکٹوں سے انڈیا کو شکست دیتے دیکھا۔
مگر اس میچ کے کچھ دن بعد انھیں پولیس تحویل میں لے لیا گیا۔ اُن کا جرم ان کا واٹس ایپ سٹیٹس تھا جس میں انھوں نے پاکستانی ٹیم کی شاندار پرفارمنس کا جشن منایا تھا۔
نفیسہ عطاری نے اپنے واٹس ایپ سٹیٹس میں ٹیم کے کچھ کھلاڑیوں کی تصویر پر 'جیت گئے۔۔۔ ہم جیت گئے' لکھا تھا۔
وہ انڈیا کے ان بہت سے مسلمانوں میں شامل ہیں جنھیں انڈیا، پاکستان میچ کے بعد پاکستان کی مبینہ حمایت کرنے پر گرفتار کیا گیا ہے۔ اس نوعیت کی گرفتاریوں کے بعد دنیا کی سب سے بڑی جمہوریت کی دعویدار ریاست یعنی انڈیا میں اظہار رائے کی آزادی کے بارے میں نئی تشویش پیدا ہوئی ہے۔