آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ٹی ٹوئنٹی ورلڈ کپ کے 33ویں میچ میں انڈیا نے افغانستان کو 66 رنز سے شکست دے کر ٹورنامنٹ میں اپنا پہلا میچ جیت لیا ہے۔ انڈیا کی جانب سے روہت شرما اپنے جارحانہ 74 رنز کے باعث پلیئر آف دا میچ قرار پائے۔
جب یہ محسوس ہو رہا تھا کہ افغان بلے باز اچھی بیٹنگ کر رہے ہیں، جدیجا نے عمدہ بولنگ کا مظاہرہ کیا اور دباؤ بڑھایا اور یوں آخری گیند پر رحمان اللہ نے بڑی شاٹ مارنے کی کوشش کی اور اس دوران پانڈیا نے مڈوکٹ باؤنڈری پر عمدہ کیچ پکڑ لیا۔
پانڈیا کے اوور میں گلبدین نائب نے دو چوکے مار کر اوور میں 9 رنز بنائے ہیں۔
یہ پاور پلے میں افغانستان کا اچھا سکور ہے لیکن کیا سپنرز کے سامنے افغان بلے باز بہتر کارکردگی دکھا پائیں گے؟
رحمان اللہ گرباز نے محمد شامی کے اوور میں دو چھکے اور چوکا لگایا ہے۔ اس اوور میں مجموعی طور پر 21 رنز بنے ہیں۔
افغانستان کے گلبدین نائب کو آج بیٹنگ میں پروموٹ کیا گیا ہے۔
انڈیا نے افغانستان کو پہلے پہاڑ جیسا ہدف دیا اور اب اس کے اوپنرز کو پویلین کی راہ دکھا دی ہے۔
انڈیا کے بولرز کی عمدہ بولنگ جاری ہے اور پہلے شامی اور بمراہ نے افغان اوپنر آؤٹ کیا ہے۔
حضرت اللہ زازئی نے پچھلے اوور میں بمراہ کو چھکا مارا تھا، لیکن اس اوور میں وہ صرف ان کی سلو گیند کو مڈ وکٹ تک ہی پہنچا سکے۔
افغانستان کی اننگز کا آغاز خاصا ملا جلا رہا ہے۔ زازئی نے ایک چھکا اور چوکا تو مارا ہے لیکن انڈین فاسٹ بولرز نے عمدہ بولنگ کا مظاہرہ کیا ہے۔
شامی نے شہزاد کو مڈ آف پر کھڑے فیلڈر کے ہاتھوں کیچ کروایا ہے۔ انڈیا اس وقت پوری طرح میچ پر حاوی ہے۔
حضرت اللہ زازئی اس وقت گیند کو بہترین انداز میں ٹائم کر رہے ہیں اور انطوں نے بمراہ کو مڈوکٹ پر چھکا مارا ہے۔
لیکن افغانستان نے اس اوور میں بھی اس باؤنڈری کے علاوہ صرف ایک ہی رن بنایا۔
افغانستان کی جانب سے بیٹنگ کا آغاز محمد شہزاد اور حضرت اللہ زازئی کر رہے ہیں۔
زازئی نے شامی کو پوائنٹ باؤنڈری پر ایک چوکا مارا، لیکن مجموعی طور پر شامی کا یہ اوور بہت اچھا رہا، اور اس کے علاوہ صرف ایک رن بنا۔
انڈیا نے آخری چار اوورز میں 74 رنز بنائے اور دھواں دار بیٹنگ کرتے ہوئے اس ٹورنامنٹ کا سب سے بڑا ٹوٹل بنا دیا۔
رشبھ پنت اور ہارڈک پانڈیا کی عمدہ شراکت میں 21 گیندوں پر 63 رنز بنے اور اس میں پانچ چھکے اور پانچ چوکے لگے۔
ہارڈک پانڈیا کا آسان کیچ لانگ آف پر کھڑے نجیب اللہ نے ڈراپ کر دیا اور اس کے کچھ ہی گیندوں بعد پانڈیا نے انھیں دو چھکے مار دیے۔
19ویں اوور میں انھوں نے نوین الحق کے اوور میں 19 رنز بنائے۔
انڈیا کی جانب سے ہارڈک پانڈیا کو پروموٹ کرنے فیصلہ بھی اچھا ثابت ہوا ہے اور اب تک انھوں نے تین چوکے مار دیے ہیں۔
انھوں نے حامد حسن کے اوور میں تین چوکے مارے اور یوں انڈیا کا سکور 175 تک جا پہنچا۔
انڈیا نے آج رشبھ پنت کو وراٹ کوہلی کی جگہ بھیجا ہے اور انھوں نے اس فیصلے کو صحیح ثابت کیا ہے۔
انھوں نے آغاز میں کچھ گیندوں کو دیکھ کر کھیلا اور پھر گلبدین نائب کے اوور میں دو چھکے جڑ دیے اور دنوں ہی انھوں نے ایک ہی ہاتھ سے مارے۔
روہت شرما کے جاتے ہی راہول بھی آؤٹ ہو گئے ہیں لیکن وراٹ کوہلی کی جگہ پہلے رشبھ پنت اور اب ہارڈک پانڈیا کریز پر آئے ہیں۔
راہول نے 48 گیندوں پر 69 رنز سکور کیے اور ان کی اننگز میں چھ چوکے اور دو چھکے شامل تھے۔
افغانستان کو بالآخر روہت شرما کی وکٹ مل گئی ہے۔ روہت شرما نے صرف 47 گیندوں پر 74 رنز بنائے تھے جس میں آٹھ چوکے اور تین چھکے شامل تھے۔
روہت شرما نے راشد خان کے اوور میں پہلے تو سنگلز ہی لیں، لیکن پھر آخری دو گیندوں پر دو خوبصورت چھکے مار کر اس بات کو یقینی بنایا کہ انڈیا بڑے ہدف کی جانب گامزن رہے۔
راہول نے آج روہت کے مقابلے میں وکٹ کو سمجھنے میں تھوڑا وقت لیا، لیکن پھر وہ بھی سپنرز اور فاسٹ بولرز دونوں کو ہی چھکے چوکے مارتے دکھائی دیے۔
انھوں نے اپنی نصف سنچری صرف 35 گیندوں پر مکمل کی ہے۔ اس میں چار چوکے اور دو چھکے شامل تھے۔
روہت شرما ٹی ٹوئنٹی انٹرنینشلز میں اپنی 23ویں نصف سنچری مکمل کر چکے ہیں۔ انھوں نے اپنی نصف سنچری 36 گیندوں پر مکمل کی ہے۔
دوسری جانب نوین الحق خاصے مہنگے ثابت ہو رہے ہیں۔ انھوں نے دیگر میچوں میں عمدہ بولنگ کا مظاہرہ کیا ہے، لیکن آج انھیں اپنے تین اوورز میں 40 رنز پڑ چکے ہیں۔
ان کے تیسرے اوور میں دو چوکے اور ایک چھکا لگا، اور کل 16 رنز بنے۔