بابر اور رضوان کی پانچویں سنچری شراکت!
بابر اعظم اور محمد رضوان نے اس سال کی شروعات میں ہی ٹی ٹوئنٹی انٹرنیشنل میں اوپننگ کرنا شروع کی تھی۔ اور صرف 19 اننگز میں دونوں نے پانچ سنچری شراکت بنا لی ہیں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
رضوان، بابر کی سنچری شراکت، نمیبیا کی شکست کے ساتھ پاکستان سیمی فائنل میں پہنچ گیا
ٹی ٹوئنٹی ورلڈ کپ میں منگل کو دن کے دوسرے میچ میں گروپ ٹو کی سرفہرست ٹیم پاکستان نے نمیبیا کو 45 رنز سے شکست دے کر ورلڈ کپ کے سیمی فائنل میں کوالی فائی کر لیا ہے۔ پاکستان کی جانب سے محمد رضوان اور بابر اعظم نے نصف سنچریاں بنائیں۔ اس سے قبل دن کے پہلے مقابلے میں جنوبی افریقہ نے باآسانی بنگلہ دیش کو چھ وکٹوں سے شکست دے دی۔
لائیو کوریج
محمد صہیب
پاکستانی بلے بازوں نے آخر کار جارحانہ انداز اپنا لیا!
پہلے آٹھ اوورز میں پاکستان نے 48 فیصد جارحانہ شاٹس کھیلیں تھیں، تاہم اگلے تین اوورز میں 63 فیصد شاٹس جارحانہ رہی ہیں۔
بریکنگ, محمد رضوان کا دوسرا چھکا، پاکستان کے سو رنز مکمل!, پاکستان کا سکور: 101/0، 13 اوور مکمل
لوفٹی ایٹون کے دوسرے اوور میں بھی پاکستان نے تیز کھیلنے کا سلسلہ جاری رکھا اور محمد رضوان نے بلند و بالا چھکا مارا اور اس اوور میں بھی پاکستان نے 12 رنز حاصل کیے۔
’پاکستان ٹورنامنٹ میں پہلے دس اوورز میں سب سے دیر سے وکٹیں کھونے والی ٹیم‘
اس ٹورنامنٹ میں پاکستان نے پہلے دس اوورز میں 77 گیندوں بعد ایک وکٹ کھوئی ہے جو اس ٹورنامنٹ میں سب سے زیادہ ہے۔
اس کے بعد جس ٹیم کی باری آتی ہے وہ نیوزی لینڈ ہے جس نے پہلے دس اوورز میں 30 گیندوں وکٹ کھوئی ہے۔
بریکنگ, پاکستانی اننگز کا پہلا چھکا رضوان کے بلے سے! بابر کی نصف سنچری مکمل, پاکستان کا سکور: 89/0، 12 اوور مکمل
پاکستان نے اننگز کے 12ویں اوور میں نمیبیا کے سب سے عمدہ بولر روبن ٹرمپلمین کو نشانہ بنایا اور پہلے رضوان نے پہلی گیند پر انھیں زوردار چھکا مارا اور پھر اوور میں بابر اعظم نے ایک چوکا لگا کر ٹورنامنٹ میں اپنی تیسری نصف سنچری مکمل کر لی۔
پاکستان کو اس اوور میں 18 رنز حاصل ہوئے اور اب ان کی رن بنانے کی اوسط ایک دم سے 7.41 ہو گئی ہے۔
محمد رضوان کا دوسرا چوکا!, پاکستان کا سکور:71/0، 11 اوور مکمل
پاکستان کی جانب سے محمد رضوان اور بابر اعظم نے ایک ایک چوکا حاصل کر کے اسے پاکستان کے لیے اننگز کا سب سے سودمند اوور بنا دیا جس میں انھیں 12 رنز ملے۔
’پاکستان ممکنہ طور پر بڑے ہدف تک پہنچ جائے گا‘
صحافی ایاز میمن کہتے ہیں کہ ’نمیبیا کے بولرز کی پاکستانی اوپنرز سے اس طرح کی پٹائی نہیں ہو رہی جیسے پیشگوئی کی جا رہی تھی۔ تاہم پاکستان نے کیونکہ اب تک کوئی وکٹ نہیں کھوئی جس کی وجہ سے پاکستان ممکنہ طور پر بڑے سکور تک پہنچنے میں کامیاب ہو جائے گا۔‘
پاکستان کی بالآخر ایک اور باؤنڈری!, پاکستان کا سکور: 59/0، دس اوور مکمل
نمیبیا کی جانب سے ان کے سپنر یان نکول لوفٹی ایٹون بولنگ کے لیے آئے تو کپتان بابر اعظم نے ان پر جارحانہ انداز اپنانے کی کوشش کی اور پاکستان کے لیے ایک چوکا مارا۔
اس کے بعد اوور کی بقیہ گیندوں پر پانچ رنز حاصل کیے گئے تاہم پاکستان کی رن بنانے کی اوسط ابھی بھی چھ سے کم ہے۔
پاکستان کے بغیر کسی نقصان کے 59 رنز
پاکستان نے پانی کے وقفے تک بغیر کسی نقصان کے 59 رنز بنائے ہیں۔ پہلے دس اوورز میں یہ رن ریٹ کے اعتبار سے خاصے کم ہیں اور دیکھنا یہ ہو گا کیا پاکستان آنے والے اوورز میں جارحانہ بیٹنگ کر پائے گا یا نہیں۔
یہ پچ فاسٹ بولرز کی مدد بھی کر رہی ہے اور دوسری اننگز میں اوس پڑنے کے باعث پاکستانی بورلز مشکلات کا شکار بھی ہو سکتے ہیں۔
بیس گیندوں سے کوئی باؤنڈری نہیں لیکن ٹیم کی ففٹی مکمل !, پاکستان کا سکور: 50/0، نو اوور مکمل
پاکستانی اوپنرز نے جے جے سمٹ کے اوور میں پانچ مزید سنگل لیے اور ٹیم کی نصف سنچری مکمل کر لی۔
لیکن پاکستان نے اننگز کی آخری باؤنڈری چھٹے اوور کی چوتھی گیند پر ماری تھی اور انھیں رن ریٹ بنانے کے لیے اب کوشش کرنی ہوگی۔
ٹرمپلمین کون ہیں؟
ٹرمپلمین اب ٹی ٹوئنٹی انٹرنیشنل میچوں میں 10 وکٹیں حاصل کر چکے ہیں۔ ان کا اکانومی ریٹ صرف چھ اعشاریہ چھ کا ہے۔ بائیں ہاتھ کے فاسٹ بولر نے اس ورلڈ کپ میں نمیبیا کو بولنگ میں بہترین آغاز دیا ہے۔ دیکھنا ہو گا کہ کیا وہ اپنے آخری دو اوورز میں بھی ایسی ہی کارکردگی دکھا پائیں گے یا نہیں؟
رن بنانے کی اوسط ابھی بھی چھ رنز سے کم, پاکستان کا سکور: 45/0، آٹھ اوور مکمل
پاکستان کی جانب سے اس اوور میں سنگل ڈبل کی مدد سے نو رنز حاصل کیے گئے لیکن ابھی تک پاکستان نے صرف نو باؤنڈری لگائی ہیں۔
رضوان کی بیٹنگ میں ابھی بھی تسلسل کی کمی, پاکستان کا سکور: 36/0، سات اوور مکمل
پاکستان کی جانب سے ابھی بھی سکورنگ کی رفتار کم ہے اور نمیبیا کے بولرز عمدہ بولنگ کا مظاہرہ کر رہے ہیں۔
محمد رضوان کو اس اوور میں ایک گیند پل کرتے ہوئے گیند پر بھی لگی۔
پاور پلے کا اختتام لیکن پاکستان کا رن ریٹ صرف 4.83 رنز فی اوور
مداحوں کے رضوان کی شاٹ سلیکشن پر سوالات، لیکن ریویو لینے پر تعریف بھی
محمد رضوان نے سمٹ کی پہلی ہی گیند پر سویپ کرنے کی کوشش کی اور انھیں امپائر نے آوٹ دے دیے، لیکن رضوان نے فوری طور پر ریویو لیا اور اس دوران یہ معلوم ہوا کہ گیند آوٹ سائڈ لیگ پچ ہوئی تھی۔
رضوان کی شاٹ سلیکشن پر کچھ سوالات اٹھا رہے ہیں، لیکن پھر فوری ریویو پر شاباش بھی دے رہے ہیں۔ دیکھنا یہ ہو گا، کہ رضوان جو 17 گیندوں پر آٹھ رنز بنا چکے ہیں، کیا جارحانہ انداز اپنا پائیں گے؟
پاور پلے کا آخری اوور، بابر اعظم کا چوکا!
پاور پلے کے آخری اوور میں پاکستانی کپتان بابر اعظم نے یان فرائی لنک کو ایک خوبصورت چوکا لگایا اور چھ رنز حاصل کیے۔
چھ اوورز کے بعد پاکستان کی رن بنانے کی اوسط اب 4.83 ہے۔
جے جے سمٹ کا اچھا پہلا اوور، لیکن رضوان کا ایک چوکا!
جے جے سمٹ بائیں ہاتھ کے ایک اور فاسٹ بولر ہیں اور انھوں نے اپنے پہلے اوور میں اچھی شروعات کی اور رضوان کے خلاف ایل بی ڈبلیو کی زوردار اپیل کی اور انھیں اپمائر نے آؤٹ قرار دے دیا۔
لیکن رضوان ے بروقت ریویو لیا اور معلم ہوا کے گیند لیگ پر پچ ہوئی تھی۔
اس کے بعد اگلی گیند پر انھوں نے لیگ سائیڈ پر چوکا مار دیا اور اوور میں 10 رنز حاصل کیے۔
رضوان کی مشکلات کی وجہ بولر ہیں یا پچ؟
بریکنگ, رضوان ریویو پر بچ گئے!
اس ٹورنامنٹ میں تین بولرز نے میڈن اوورز کروائے آئے ہیں!
اس ٹورنامنٹ میں تین بولرز نے میڈن اوورز کراوئے ہیں جن میں بلال خان نے پی این جی، شاہین شاہ آفریدی نے نیوزی لینڈ کے خلاف اور آج ٹرمپلمین نے پاکستان کے خلاف۔