جنوبی افریقہ نے بنگلہ دیش کو چھ وکٹوں سے شکست دے دی

لائیو کوریج

1. 2 نومبر 2021لائیو پیج کی اپ ڈیٹ ختم لیکن ورلڈ کپ کی کوریج جاری!

   اس لائیو پیج کو اب مزید اپ ڈیٹ نہیں کیا جا رہا ہے لیکن ورلڈ کپ کی کوریج جاری رہے گی۔ آپ پاکستان اور نمیبیا کے درمیان میچ کی اپ ڈیٹس یہاں دیکھ سکتے ہیں۔

2. 2 نومبر 2021انگلینڈ کے خلاف میچ بہت اہم ہے: جنوبی افریقی کپتان

   جنوبی افریقہ کے کپتان ٹیمبا بووما نے کہا کہ ’آغاز میں وکٹ میں بہت کچھ تھا لیکن میں کریڈٹ دینا چاہوں گا ربادا اور نورکیا کو جنھوں نے اس کا فائدہ اٹھایا۔ بطور بلے باز جب ایک بولر 150 کی رفتار سے بولنگ کر رہا ہو اور دوسرا وکٹ کا فائدہ اٹھا رہا ہو تو اس سے مشکل کچھ نہیں ہو سکتا۔

   ’انگلینڈ کا میچ بڑا ہے، انھوں نے حال ہی میں ہمارے خلاف بہترین کارکردگی دکھائی ہے اور ہمیں یہ بدلنا ہو گا۔‘

   ادھر بنگلہ دیشی کپتان محمود اللہ کا کہنا تھا کہ ’میرے خیال میں وکٹ پہلے بولنگ کے لیے موزوں تھی لیکن ہم نے بہت بری بیٹنگ کا مظاہرہ کیا۔ تسکن اس ٹورنامنٹ میں اچھی بولنگ کر رہے ہیں۔ ہمارے لیے یہ انتہائی مایوس کن ہے کہ ہم دو میچ جیت سکتے تھے، اگر ہم وہ میچ جیت جاتے تو کہانی مختلف ہوتی۔‘

3. 2 نومبر 2021کگیسو ربادا بہترین بولنگ کارکردی پر پلیئر آف دی میچ قرار پائے

   کگیسو ربادا کو بہترین سپیل کروانے پر پلیئر آف دی میچ کا ایوارڈ دیا گیا ہے۔

   انھوں نے ایوارڈ لیتے ہوئے بتایا کہ ’وکٹ سیمرز کے لیے موزوں تھی اور مجھے خوشی ہے کہ آج میرا دن تھا۔ جب بھی ہمیں پریکٹس کرنے کا موقع ملتا ہے ہم وہ کرنے کی کوشش کرتے ہیں جو ہمارے لیے کام کر سکتا ہے۔ ہم ٹریننگ میں محنت کرتے ہیں اور آج اس کا پھل ہمیں مل گیا۔‘

4. 2 نومبر 2021گروپ 1 میں پوائنٹس ٹیبل کی صورتحال!

   اس وقت جنوبی افریقہ گروپ 1 میں دوسرے نمبر پر ہے اور اس کا نیٹ رن ریٹ پازیٹو میں ہے۔ اب جنوبی افریقہ کا آخری میچ انگلینڈ کے خلاف ہے جو اب تک ٹورنامنٹ میں ناقابلِ تسخیر ہے۔

   اب آسٹریلیا کے لیے اہم یہ ہے کہ وہ نہ صرف اپنے بقیہ میچ جیتے بلکہ اس کا نیٹ رن ریٹ بھی جنوبی افریقہ سے بہتر ہو۔ ویسٹ انڈیز کے پاس بھی اپنے بقیہ میچ بڑے مارجن سے جیت کر کوالیفائی کرنے کا چانس ہے لیکن اس کے لیے جنوبی افریقہ کو اپنا آخری میچ ہارنا ہو گا۔

5. 2 نومبر 2021بریکنگ, جنوبی افریقہ کی بنگلہ دیش پر چھ وکٹوں سے فتح

   ڈیوڈ ملر نے مہدی حسن کو چوکا لگا کر ہدف کا کامیابی سے تعاقب کر لیا ہے۔ جنوبی افریقہ نے 85 رنز کا ہدف چار وکٹوں کے نقصان پر حاصل کیا ہے۔

6. 2 نومبر 2021بریکنگ, محمد نسوم کے مہنگا اوور کے آخر میں وکٹ، جنوبی افریقہ فتح سے پانچ رنز دور

   محمد نسوم کا اوور خاصا مہنگا جا رہا تھا اور وہ اب تک 13 رنز دے چکے تھے جب راسی وینڈر ڈوسن نے انھیں چھکا لگانے کی کوشش کی لیکن شریف الحسین نے مڈ آف پر ان کا عمدہ کیچ کر لیا۔

7. 2 نومبر 2021’نیٹ رن ریٹ کے لیے وکٹیں نہیں بقیہ اوورز اہم‘

8. 2 نومبر 2021جنوبی افریقہ کی جیت یقینی لیکن نیٹ رن ریٹ اہم!

   اسی موقع پر بنگلہ دیش کی ٹیم کے 40 رنز پر پانچ کھلاڑی پویلین لوٹ چکے تھے۔ یہاں جنوبی افریقہ کی جیت تو یقینی ہے لیکن اہم یہ ہے کہ یہ رنز کتنے اوورز میں مکمل ہوتے ہیں۔

9. 2 نومبر 2021جنوبی افریقہ کو جیت کے لیے 35 رنز درکار

   حالانکہ تسکن احمد نے بنگلہ دیش کو عمدہ آغاز فراہم کر دیا ہے لیکن جنوبی افریقہ کو جیت کے لیے صرف 35 رنز درکار ہیں۔

   جنوبی افریقہ کے لیے اہم بات یہ ہے کہ وہ یہ ٹوٹل کتنے اوورز میں مکمل کرتے ہیں۔ وہ جتنا جلدی ہدف کی تکمیل کریں گے، اتنا ہی ان کے نیٹ رن ریٹ کو فائدہ ہو گا۔

10. 2 نومبر 2021’پورے ٹورنامنٹ میں گیند اتنی سوئنگ نہیں ہوئی‘

11. 2 نومبر 2021بریکنگ, تسکن احمد کی عمد بولنگ جاری، مارکرم بھی آؤٹ

    تسکن احمد کی گیند باتیں کر رہی ہے۔ انھوں نے ایڈن مارکرم کو عمدہ گیند کروا کر سلپ میں کیچ کروا دیا ہے۔ اب جنوبی افریقہ کو جیت کے لیے 48 رنز درکار ہیں لیکن یہاں رنز سے زیادہ بات وکٹوں کی ہے۔

12. 2 نومبر 2021بریکنگ, لگاتار دو چوکے لگانے کے بعد ڈی کاک بولڈ ہو گئے, جنوبی افریقہ پانچ اوورز کے اختتام پر 28/2

    ڈی کاک نے مہدی حسن کے پہلے اوور میں لگاتار دو گیندوں پر دو چوکے لگائے لیکن پھر مہدی حسن نے اچھا کم بیک کیا اور انھیں بولڈ کر دیا۔

    ڈی کاک نے 15 گیندوں پر 16 رنز بنائے تھے۔

13. 2 نومبر 2021جنوبی افریقہ جارحانہ انداز کیوں نہیں اپنا رہی؟

14. 2 نومبر 2021تین اوورز کے اختتام پر جنوبی افریقہ کے 16 رنز, جنوبی افریقہ تین اوورز کے اختتام پر 16/1

    جنوبی افریقہ کو آغاز میں نقصان تو ہوا لیکن کوئنٹن ڈی کاک گیند کو مڈل بھی کر رہے ہیں اور انھوں نے تسکن احمد کے دوسرے اوور کی آخری گیند پر خوبصورت چوکا بھی لگایا ہے۔

15. 2 نومبر 2021بریکنگ, بنگلہ دیش کو آغاز میں کامیابی، ریزا ہینڈرکس پہلے ہی اوور میں آؤٹ

    بنگلہ دیش کی جانب سے بولنگ کا آغاز کرنے والے تسکن احمد نے ہینڈرکس کو ایل بی ڈبلیو کر دیا ہے۔ ان کی گیند پڑ کر اندر آئی اور ہینڈرکس پلمب ایل بی ڈبلیو ہو گئے۔

16. 2 نومبر 2021جنوبی افریقہ کی جانب سے ڈی کاک اور ہینڈرکس اننگز کی شروعات کریں گے

    تسکن احمد اور ریزا ہینڈرکس جنوبی افریقہ کی جانب سے اننگز کا آغاز کر رہے ہیں جبکہ بنگلہ دیش کی طرف سے تسکن احمد بولنگ کی شروعات کر رہے ہیں۔

17. 2 نومبر 2021جنوبی افریقہ کے پاس نیٹ رن ریٹ بہتر کرنے کا سنہری موقع

    جنوبی افریقی بولرز کی عمدہ بولنگ کے باعث اب جنوبی افریقہ کے پاس اپنا نیٹ رن ریٹ بہتر کرنے کا موقع آ گیا ہے۔

    جنوبی افریقہ اس وقت پوائنٹس ٹیبل میں دوسرے نمبر پر ہے اور اپنا ریٹ بہتر کر سکتا ہے۔

18. 2 نومبر 2021بریکنگ, بنگلہ دیش کی پوری ٹیم 84 رنز بنا کر آؤٹ

    نورکیا نے اپنے آخری اوور کی پہلی دو گینوں پر ہی بنگلہ دیش کی بیٹنگ کا قصہ تمام کر دیا۔

19. 2 نومبر 2021بریکنگ, نورکیا کی دوسری وکٹ، بنگلہ دیش نے نو کھلاڑی پویلین لوٹ گئے

20. 2 نومبر 2021بریکنگ, ٹیمبا بووما کی عمدہ فیلڈنگ، تسکن احمد رن آؤٹ, بنگلہ دیش کا سکور: 17 اوورز کے بعد 77/8

    اگر سپنرز اور فاسٹ بولرز کی عمدہ بولنگ ہی کافی نہیں تھی، تو جنوبی افریقہ کے فیلڈرز نے بھی اپنا حصہ ڈال دیا ہے۔ ’

    ٹیمبا بووما نے تسکن احمد کو رن آؤٹ کر دیا ہے۔