جنوبی افریقہ نے بنگلہ دیش کو چھ وکٹوں سے شکست دے دی

لائیو کوریج

1. 2 نومبر 2021بریکنگ, شمسی کی دوسری وکٹ، شمیم حسین بھی آؤٹ

   فاسٹ بولرز کی عمدہ بولنگ کے بعد اب تبریض شمسی نے بھی عمدہ بولنگ کا مظاہرہ کرتے ہوئے شمیم حسین کو آؤٹ کر دیا ہے۔ یہ ان کی تین اوورز کے دوران دوسری وکٹ تھی۔

2. 2 نومبر 2021ربادا کی بولنگ میں واپسی!, بنگلہ دیش کا سکور 15 اوورز کے بعد 62/6

   آغاز میں ہی تین وکٹیں حاصل کرنے والے کگیسو ربادا اب اپنا آخری اوور کروانے آئے ہیں۔ انھوں نے اپنے اوور میں صرف چھ رنز دیے جن میں ایک وائڈ اور ایک نوبال شامل تھی۔

   ربادا نے اپنے چار اوورز میں صرف 20 رنز دیے اور تین کھلاڑی آؤٹ بھی کیے۔

3. 2 نومبر 2021فاسٹ بولرز کے بعد سپنرز کی باری!, بنگلہ دیش کا سکور: 14 اوورز کے بعد 56/6

   جنوبی افریقہ کے فاسٹ بولرز نے عمدہ بولنگ کا مظاہرہ کرتے ہوئے پہلے دس اوورز میں پانچ آؤٹ کیے تھے۔ تاہم اب سپنرز نے صورتحال اپنے ہاتھ میں لیتے ہوئے نپی تلی گیند بازی جاری رکھی ہوئی ہے۔

   شمسی کے دو اوورز میں اب تک صرف پانچ رنز بنے ہیں اور انھوں نے ایک کھلاڑی کو آؤٹ بھی کیا ہے۔

4. 2 نومبر 2021’ویسٹ انڈیز اور آسٹریلیا کے لیے خطرے کی گھنٹیاں‘

5. 2 نومبر 2021بریکنگ, شمسی کی گیند پر لٹن داس ایل بی ڈبلیو, بنگلہ دیش 12 اوورز کے اختتام پر 46/6

   لٹن داس اب تک دوسرے اینڈ پر کھڑے وکٹیں گرتے دیکھ رہے تھے لیکن اب وہ اگر فاسٹ بولرز سے آؤٹ نہیں ہوئے تو انھیں تبریض شمسی نے آؤٹ کر دیا ہے۔

   لٹن داس نے ریویو بھی لیا، لیکن اس کا بھی کوئی فائد نہیں ہوا۔

6. 2 نومبر 2021مہراج کی نپی تلی بولنگ جاری، اوور میں صرف تین رنز, بنگلہ دیش 11 اوورز میں 43/2

   فاسٹ بولرز تو اپنا کام کر ہی رہے ہیں لیکن اب سپنرز کی باری ہے اور کیشو مہراج نے اپنے تیسرے اوور میں تین رن دیے ہیں۔

7. 2 نومبر 2021ابوظہبی کی پچ ڈربن کی لگنے لگی، 10 اوورز میں صرف 40 رنز, بنگلہ دیش 10 اوورز کے اختتام پر: 40/5

   کگیسو ربادا نے تین اوورز میں صرف 14 رنز دے کر تین کھلاڑیوں کو آؤٹ کیا اور یہ یقینی بنا دیا کہ بنگلہ دیش بڑے ہدف تک نہ پہنچ پائے۔

   لیکن ان کے بعد پہلے اینرک نورکیا اور پھر ڈوین پریٹوریئس نے عمدہ بولنگ کا مظاہرہ کیا اور ایک ایک وکٹ لے کر بنگلہ دیشی بیٹنگ کے لیے رنز بنانا دو بھر کر دیا۔

8. 2 نومبر 2021جنوبی افریقی بولرز کی ’تیز رفتار گیندیں، باؤنس، جارحانہ انداز‘

   صحافی ٹم وگمور کہتے ہیں کہ کوئی بھی ٹیم ناک آؤٹ میچوں میں اس جنوبی افریقی فاسٹ بولنگ کا مقابلہ نہیں کرنا چاہے گی، خاص طور پر اگر پچ میں ہلکی سے بھی جان ہوئی۔

9. 2 نومبر 2021بریکنگ, بنگلہ دیش کی نصف ٹیم پویلین میں، عفیف حسین بولڈ ہو گئے, بنگلہ دیش نو اوورز کے اختتام پر 36/5

   بنگلہ دیش کی نصف ٹیم پویلین لوٹ چکی ہے اور اب عفیف حسین کو ڈوین پریٹوریئس نے بولڈ کر دیا ہے۔

   بنگلہ دیش کی بیٹنگ اس وقت شدید مشکلات کا شکار ہے اور اس وقت ایک رن بنانا بھی مشکل ہو چکا ہے۔

10. 2 نومبر 2021بریکنگ, نورکیا کے باؤنسر پر کپتان محمود اللہ بھی آؤٹ

    اگر آپ ربادا سے بچ جائیں گے تو نورکیا آپ کو آؤٹ کر دیں گے۔

    اس وقت جنوبی افریقہ کے فاسٹ بولر بنگلہ دیشی بلے بازوں پر پوری طرح حاوی ہیں۔ اور پہلے آٹھ اوورز میں چار کھلاڑی پویلین لوٹ چکے ہیں۔

11. 2 نومبر 2021بنگلہ دیش ایک مرتبہ پھر آغاز میں ہی مشکلات کا شکار!, بنگلہ دیش سات اوورز میں 31/3

    بنگلہ دیش کی ٹیم پاور پلے میں ایک بار پھر بہتر کارکردگی دکھانے میں ناکام رہی ہے۔ اس مرتبہ ان کا سامنے ربادا سے ہوا ہے جنھوں نے بترین فاسٹ بولنگ کا مظاہرہ کیا ہے۔

    اب بنگلہ دیش محتاط انداز بھی اپنائے ہوئے ہے اور کوشش کر رہی ہے کہ اب مزید وکٹیں کھوئے بغیر اچھا ہدف بنایا جائے۔

    سات اوورز میں بنگلہ دیش کا رن ریٹ پانچ سے بھی کم ہے اور اسے اس وقت ایک مضبوط شراکت درکار ہے۔

12. 2 نومبر 2021’ربادا نے پہلے تین اوورز اتنی وکٹیں لیں، جتنی انھوں نے پچھلے چھ میچوں میں لی تھیں‘

13. 2 نومبر 2021بنگلہ دیشی بلے باز ربادا کے سامنے بے بس

14. 2 نومبر 2021بریکنگ, ربادا کی تیسری وکٹ، مشفیق الرحیم بھی آؤٹ, بنگلہ دیش باور پلے کے اختتام پر 28/3

    ربادا اس وقت بنگلہ دیشی بلے بازوں پر بھاری پڑتے جا رہے ہیں۔ ان کے اوور کی پہلی دو گیندوں پر کوئی رن نہیں بنا اور پھر تیسری گیند پر انھوں نے مشفیق الرحیم کو پویلین کی راہ دکھا دی۔

    یہاں ہمیں جنوبی افریقی کپتان ٹیمبا بووما کو بھی داد دینی ہو گی جنھوں نے اپنے ربادا کو تیسرا اوور بھی دیا اور گلی میں فیلڈر بھی رکھا۔ مشفیق الرحیم اس گیند کو تھرڈ مین پر بھیجنے چاہتے تھے، لیکن راستے میں ریزا ہینڈرکس نے اسے آسانی سے کیچ کر لیا۔

15. 2 نومبر 2021اینرک نورکیا کے پہلے اوور میں صرف دو رنز!, بنگلہ دیش پانچ اوورز بعد: 24/2

    انرک نورکیا نے اپنے پہلے اوور میں صرف دو رنز دیے ہیں اور ربادا کے پچھلے اوور میں بہترین بولنگ کے باعث بننے والے دباؤ میں مزید اضافہ کر دیا ہے۔

16. 2 نومبر 2021بریکنگ, ربادا کی دو گیندوں پر دو وکٹیں، سومیا سرکار بھی آؤٹ, بنگلہ دیش چار اوورز بعد 22/2

    ربادا نے اپنے اوور کی آخری گیند پر سومیا سرکار کو ایل بی ڈبلیو کرتے ہوئے دو گیندوں پر دو وکٹیں حاصل کر لی ہیں۔

    یہ وکٹ ایک ریویو کے نتیجے میں حاصل ہوئی، اور سومیا سرکار بغیر کوئی رن بنائے پویلین لوٹ گئے۔

17. 2 نومبر 2021بریکنگ, ربادا کی گیند پر محمد نعیم ریزا ہینڈرکس کے ہاتھوں کیچ آؤٹ

    بنگلہ دیش نے اپنی اننگز کا محتاط آغاز کیا تھا، اور اسے تین اوورز کے اختتام پر صرف 17 رنز ہی بنائے تھے جب ربادا کی گیند پر محمد نعیم نے جارحانہ شاٹ کھیلنے کی کوشش کی اور مڈ وکٹ پر موجود ریزا ہینڈرکس کو کیچ دے بیٹھے۔

    محمد نعیم نے 11 گیندوں پر صرف نو رنز بنائے۔

18. 2 نومبر 2021مارکرم کی مس فیلڈ نے اوور خراب کر دیا!, بنگلہ دیش تین اوورز کے بعد 17/0

    کیشو مہراج بہترین بولنگ کا مظاہرہ کر رہے تھے، لیکن ان کی چوتھی گیند پر ایڈن مارکرم کی مس فیلڈ نے ان کا پورا اوور خراب کر دیا۔ جہاں صرف ایک سنگل بننا تھا، وہاں چار رنز بنے، اور اوور میں آٹھ رنز بن گئے۔

19. 2 نومبر 2021ربادا کا چوکے سے استقبال لیکن اوور میں صرف پانچ رنز ہی دیے

    جنوبی افریقہ نے مہراج کے ساتھ دوسری اینڈ سے اپنے سٹار فاسٹ بولر کگیسو ربادا کو بولنگ کا موقع دیا اور ان کا لٹن داس نے آتے ہی ایک خوبصورت کور ڈرائیو سے استقبال کیا۔

    تاہم ربادا نے اپنے تجربے کا استعمال کرتے ہوئے باقی اوور میں صرف ایک رن دیا۔ ایسے اوور میں صرف پانچ رنز ہی بنے۔

20. 2 نومبر 2021کیشو مہراج کا عمدہ اوور، صرف چار رنز دیے

    کیشو مہراج نے اپنے پہلے اوور میں صرف چار رنز دیے ہیں اور وہ ان دونوں اوپنرز کے خلاف اس لیے بہتر آپشن تھے کیوںکہ دونوں کا لیفٹ آرم سپن کے خلاف سٹرائک ریٹ خاصا کم ہے۔