’محمد نبی نے افغانستان کی اننگز سنبھال لی‘
حسن نامی صارف کہتے ہیں کہ کریز پر کپتان محمد نبی کی آمد سے افغانستان کی اننگز میں توازن آیا اور یہ سنبھل گئی۔
’ان کے آنے سے پہلے وہ مشکل میں تھے۔ اس کے بعد سے فرق واضح ہے۔‘
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
آصف علی کی ناقابل یقین بیٹنگ، پاکستان کی دلچسپ مقابلے کے بعد پانچ وکٹ سے فتح
ٹی ٹوئنٹی کرکٹ ورلڈ کپ میں جمعے کے دوسرے میچ میں گروپ ٹو کی دونوں ناقابل شکست ٹیمیں، پاکستان اور افغانستان کا ٹاکرا ہوا جہاں پاکستان نے ایک نہایت دلچسپ مقابلے کے بعد میچ پانچ وکٹوں سے جیت لیا۔ پاکستان کی جانب سے آصف علی نے 19ویں اوور میں چار چھکوں کی مدد سے 148 کا ہدف پورا کر لیا۔
لائیو کوریج
دبئی کرکٹ سٹیڈیم کے باہر بھگدڑ مچنے کی اطلاعات
سوشل میڈیا پر بعض صارفین کی جانب سے یہ دعویٰ کیا جا رہے کہ پاکستان اور افغانستان کے میچ کے دوران دبئی کرکٹ سٹیڈیم کے باہر بھگدڑ مچی ہوئی ہے۔ تاہم اب تک کسی کے زخمی ہونے کی اطلاع سامنے نہیں آئی۔
ٹوئٹر پر ہانیہ نامی صارف کا دعویٰ ہے کہ ’ہم آج مرتے مرتے بچے ہیں۔ بغیر ٹکٹ کے شائقین سٹیڈیم میں گھسنے کی کوشش کر رہے تھے۔ انھوں نے تقریباً ہمیں کچل دیا تھا۔‘
انھوں نے مزید کہا کہ ’ہم ٹھیک ہیں اور واپس شارجہ جا رہے ہیں۔ اب میں زندگی میں کبھی پاکستان اور افغانستان کا میچ دیکھنے نہیں جاؤں گی۔ خواتین کے لیے حالات بہت بُری تھے۔‘
بریکنگ, افغانستان کے لیے اننگز کا سب سے سودمند اوور، گلبدین نائب کی شاندار بیٹنگ, افغانستان کا سکور: 125/6، 18 اوور
حسن علی جب اننز کا 18واں اوور کرانے آئے تو گلدین نائب نے ان کو سکوائر لیگ پر پہلے زبردست شاٹ مار کر چھ رنز حاصل کیے۔ اگلی ہی گیند حسن علی نے آگے پھینکی تو اس کو انھوں نے مڈ وکٹ پر کھیل کر مزید چار رنز حاصل کیے۔
اس کے بعد انھوں نے لگاتار دو گیندوں پر ڈبل دیے اور پھر ایک اور چوکا کھایا جب نائب نے لانگ آن پر چوکا لگایا دیا۔
حسن علی نے آخری گیند نو بال بھی کرائی اور مجموعی طور پر اپنے اوور میں 21 رنز دیے۔
حارث رؤف کی بہترین بولنگ!, افغانستان کا سکور: 104/6، 17 اوور مکمل
فاسٹ بولر حارث رؤف نے اپنی بہترین بولنگ کا سلسلہ جاری رکھی اور اوور میں تیز اور ہلکی گیندوں کا مکس رکھا اور افغان بلے بازوں کو چکمہ دیتے رہے۔
ان کے اس اوور میں صرف تین رنز بنے۔
شاہین آفریدی کی بولنگ میں واپسی، گلبدین کا چوکا!, افغانستان کا سکور: 101/6، 16 اوور مکمل
شاہین آفریدی اننگز کا 16واں اوور کرانے آئتے تو اس میں گلدبین نائب نے ان کو لیگ سائیڈ جاتی ہوئی گیند پر چوکا لگایا۔
محمد نبی کی جانب سے مزاحمت کا سلسلہ جاری، ایک اور چوکا, افغانستان کا سکور: 93/6، 15 اوور مکمل
پاکستان کی طرف سے حسن علی بولنگ کے لیے آئے تو افغانستان کے کپتان محمد نبی نے ان کو بھی پہلی گیند پر چوکا لگایا۔
تاہم اس کے بعد حسن علی نے بھی اپنی بولنگ بہتر کی اور اوور میں پھر صرف دو مزید رنز دیے۔
محمد نبی کی جانب سے حارث رؤف کو دو چوکے!, افغانستان کا سکور: 86/6، 14 اوور مکمل
افغانستان کے کپتان محمد نبی نے اپنی ٹیم کو سہارا دیتے ہوئے حارث رؤف کے اوور میں دو چوکوں کی مدد سے دس رنز حاصل کیے اور اب 14 اوورز کے بعد افغانستان کی رن بنانے کی اوسط چھ رنز فی اوور سے کچھ اور چلی گئی ہے۔
’پاکستان کی فیلڈنگ میں سب سے زیادہ بہتری آئی ہے‘
ٹوئٹر پر صارف شلپا شرما کا کہنا ہے کہ ’پاکستان نے بیٹنگ اور بولنگ کے مقابلے فیلڈنگ میں سب سے زیادہ بہتری دکھائی ہے۔‘
بریکنگ, چھکا اور پھر وکٹ! شاداب کی کامیابی!, افغانستان کا سکور: 76/6، 13 اوور مکمل
پاکستان کی جانب سے شاداب خان نے بھی اپنا انتہائی موثر سپیل مکمل کیا جہاں ان کو نجیب اللہ زادران کے بلے سے ایک چھکا کھانا پڑا لیکن اگلی ہی گیند پر انھوں نے بدلہ لیتے ہوئے ایک گوگلی کرائی جسے وہ کیپر رضوان کے ہاتھوں میں دے بیٹھے۔
حسن علی کی بہترین بولنگ، 12واں اوور میڈن گیا!, افغانستان کا سکور: 67/5، 12 اوور مکمل
پاکستانی فاسٹ بولر حسن علی نے بھی افغان بلے بازوں پر دباؤ جاری رکھا اور اننگز کا 12واں اوور میڈن پھینکا۔
شاداب خان کا ایک اور نپا تلا اوور!, افغانستان کا سکور: 67/5، 11 اوور مکمل
پاکستانی لیگ سپنر نے ایک بار پھر بڑی اچھی بولنگ کی اور اپنے تیسرے اوور میں صرف دو رنز دیے۔
شاہد آفریدی بھی سٹیڈیم میں موجود
ایک ٹویٹ میں سابق پاکستانی کرکٹر شاہد آفریدی کہتے ہیں کہ ’ایک وقت تھا کھیل کر انجوائے کرتے تھے، اب انھیں دیکھ کر انجوائے کر رہے ہیں۔‘
افغانستان کی آدھی ٹیم پویلین لوٹ چکی ہے!
افغانستان کے کپتان کریز پر, محمد نبی کے کندھوں پر بڑی ذمہ داری!
’باؤنڈری یا وکٹ، بیچ میں کچھ نہیں‘
پاکستان اور افغانستان کے اس میچ کی تیزی سے بدلتی صورتحال پر مریم نامی صارف ٹوئٹر پر کہتی ہیں کہ ’باؤنڈری یا وکٹ، بیچ میں کچھ نہیں۔‘
بریکنگ, عماد وسیم کی دوسری وکٹ، کریم جنت بھی کیچ آؤٹ, افغانستان کا سکور: 65/5، دس اوور مکمل
عماد وسیم نے اپنے آخری اوور کی پہلی ہی گیند پر نہ صرف کریم جنت کو آؤٹ کیا بلکہ اس کے بعد بہت اچھی گیند کرتے ہوئے اوور میں صرف ایک رن دیا۔
ان کے چار اوورز میں 25 رنز بنے اور انھوں نے دو وکٹیں حاصل کیں۔
افغانستان کی جانب سے مزاحمت کی کوشش, افغانستان کا سکور: 64/4، نو اوور مکمل
شاداب خان جب اپنا دوسرا اوور کرانے آئے تو اس میں پہلے نجیب اللہ زادران نے ان کو ریورس سوئپ کی مدد سے ایک چوکا لگایا اور پھر آخری گیند پر لیگ سائیڈ پر ایک اور چوکا لگایا اور اوور میں نو رنز حاصل کر لیے۔
عماد وسیم کے اوور میں بھی چار رنز, افغانستان کا سکور: 55/4، آٹھ اوور مکمل
شاداب خان کا اچھا اوور، صرف دو رنز دیے, افغانستان کا سکور: 51/2، سات اوور مکمل
پاکستان کی جانب سے شاداب خان اوور کرانے آئے تو انھوں نے اپنی دوسری گیند پر دو رن دیے لیکن باقی پورا اوور کریم جنت ان کے خلاف کچھ نہ کر سکے۔
اتنی جلدی؟
انوشہ نامی پاکستانی فین نے آئی سی سی سے مطالبہ کیا ہے کہ ’وقت اور پیسے ضائع نہ کریں۔ ہمیں فوراً ٹرافی دے دیں۔‘