پاکستان کا مطلوبہ رن ریٹ اوپر کی جانب بڑھتے ہوئے, پاکستان کا سکور: 75/4، 13 اوور مکمل
جمی نیشم نے بھی کٹرز کا استعمال کرتے ہوئے پاکستانی بلے بازوں کو باندھے رکھے اور اس اوور میں صرف پانچ رنز مزید دیے۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
حارث رؤف اور آصف علی پاکستان کے ہیرو، نیوزی لینڈ کے خلاف پانچ وکٹ سے فتح
ٹی ٹوئنٹی کرکٹ ورلڈ کپ میں اپنے افتتاحی میچ میں انڈیا کے خلاف فتح کے بعد منگل کو پاکستان نے اپنے دوسرے میچ میں نیوزی لینڈ کو پانچ وکٹ سے ہرا دیا۔ کریئر کی بہترین بولنگ کرنے والے حارث رؤف اور شاندار بیٹنگ سے میچ ختم کرنے والے آصف علی نے جیت میں مرکزی کردار ادا کیا۔
لائیو کوریج
عابد حسین and شجاع ملک
’اپنے تجربے کا استعمال کرو شعیب ملک‘
بریکنگ, اش سودھی کی اہم کامیابی، ان فارم رضوان آؤٹ!, پاکستان کا سکور: 70/4، 12 اوور مکمل
اش سودھی کے اوور میں تیسری گیند پر رضوان نے بری بال کا فائدہ اٹھاتے ہوئے لیگ سائیڈ پر چوکا حاصل کیا لیکن دو گیند بعد وہ ایک نیچی گیند پر ایل بی ڈبلیو ہو گئے۔
اس وکٹ کے ساتھ کیوی ٹیم پاکستان پر حاوی ہوتی نظر آ رہی ہے۔
شاندار کیچ!
محمد حفیظ ناقابل یقین کیچ پر آؤٹ!, پاکستان کا سکور: 63/3، 11 اوور مکمل
مچل سانٹنر نے اپنے اوور کی پہلی پانچ گیندوں پر صرف پانچ رنز دیے اور جب حفیظ نے آخری گیند پر باؤنڈری کی کوشش کی تو کوور کے قریب ڈیون کون وے نے انتہائی ناقابل یقین کیچ کی مدد سے انھیں 11 رنز پر کیچ آؤٹ کر دیا۔
بریکنگ, محمد حفیظ کا نیشم کو چھکا!, پاکستان کا سکور: 58/2، دس اوور مکمل
نئے آنے والے تجربہ کار بلے باز محمد حفیظ نے اپنی پہلی ہی گیند پر جمی نشیم کو چھکا مارا ار پاکستان کے لیے اننگز کا سب سے سود مند اوور حاصل کیا جس میں کل 11 رنز بنے۔
اس موقع پر نیوزی لینڈ کے 60 رنز تھے۔
بریکنگ, پاکستانی اننگز کا پہلا چھکا فخر کے بلے سے، لیکن آخری گیند پر وہ آؤٹ!, پاکستان کا سکور: 47/2، نو اوور مکمل
لیگ سپنر اش سودھی نے اپنا پہلا اوور پھینکا جس میں فخر زمان نے پاکستان کے لیے پہلا چھکا مارا۔
لیکن ان کی بدقسمتی رہی کہ اوور کی آخری گیند پر وہ اش سودھی کی اپیل پر ایل بی ڈبلیو ہو گئے۔
امپائر نے پہلے آؤٹ نہیں دیا تھا لیکن ولیمسن نے ریویو لیا اور نتیجے کیویز کے حق میں آیا۔
پچ بیٹنگ کے لیے دشوار تر، پاکستان کے رن بنانے کی اوسط پانچ سے بھی کم, پاکستان کا سکور: 39/1، آٹھ اوور مکمل
نیوزی لینڈ کے بولنگ اٹیک نے انتہائی ذہانت کا مظاہرہ کرتے ہوئے مسلسل کم رفتار کی گیندیں کر رہے رہیں اور پاکستانی بلے بازوں کے لیے مشکلات میں اضافہ ہوتا جا رہا ہے۔
جمی نیشم کے پہلے اوور میں بھی یہی سلسلہ جاری رہا اور پاکستان اوور میں صرف تین رنز حاصل کر سکا۔
اس موقع پر کیوی ٹیم کا سکور 48/1 تھا۔
’رضوان ابھی ہے‘
’نیوزی لینڈ اچھی فیلڈ سیٹ کر رہا ہے‘
مچل سانٹنر بولنگ کے لیے واپس, پاکستان کا سکور: 36/1، سات اوور مکمل
نیوزی لینڈ کی جانب سے سانٹنر نے واپس آ کر پاکستان پر دباؤ جاری رکھا اور سلو پچ پر اچھی گیند کرتے ہوئے ساتویں اوور میں صرف چھ رنز دیے۔
’اب دعاؤں کا وقت ہے‘
بریکنگ, پاور پلے کے اختتام پر نیوزی لینڈ کی اہم کامیابی! ساؤتھی نے بابر اعظم کو بولڈ کر دیا!, پاکستان کا سکور: 30/1، چھ اوور مکمل
تجربہ کار کیوی بولر ساؤتھی نے اوور کی پہلی گیند سلو کرائی اور چکمہ دیتے ہوئے بابر اعظم کو بولڈ کر دیا جنھوں نے نو رنز بنائے تھے۔
یہ ساؤتھی کی اس فارمیٹ میں 100ویں وکٹ تھی اور وہ مجموعی طور پر سب سے زیادہ وکٹیں حاصل کرنے کی فہرست میں تیسرے نمبر پر ہیں۔
ٹرینٹ بولٹ کو بھی رضوان کا چوکا!, پاکستان کا سکور: 28/0، پانچ اوور مکمل
ٹرینٹ بولٹ نے بھی اچھی بولنگ جاری رکھی لیکن پاکستان نے اس اوور میں بھی چھ رنز حاصل کر لیے جس میں رضوان کا چوکا بھی شامل تھا۔
اننگز کے اس مرحلے پر نیوزی لینڈ کا سکور 36 رنز تھا۔
’یہ پچ دبئی والی پچ سے زیادہ مشکل ہے!‘
محمد رضوان کا ساؤتھی کو چوکا، اوور میں آٹھ رنز, پاکستان کا سکور: 22/0، چار اوور مکمل
نیوزی لینڈ کی بولنگ اور فیلڈنگ سے ظاہر تھا کہ انھوں نے دونوں بلے بازوں کے لیے مخصوص منصوبہ بندی کی ہے اور پاکستانی پلیئرز ابھی تک کھل کر نہیں کھیل سکے۔
تاہم اس کے باوجود محمد رضوان نے ٹم ساؤتھی کو ایک چوکا لگایا اور اوور میں آٹھ رنز حاصل کر لیے۔
’سٹیڈیم میں سیکیورٹی سیکیوٹی کے نعرے‘
فیلڈنگ بہت ٹائٹ ہے!
رضوان کا بولٹ کو چوکا!, پاکستان کا سکور: 14/0، تین اوور مکمل
کیوی بولر ٹرینٹ بولٹ اننگز کے تیسرے اوور کے لیے آئے تو ان کی پہلی ہی گیند پر محمد رضوان نے زوردار چوکا لیگ سائیڈ پر لگایا۔
لیکن اس کے بعد بولٹ نے اپنی بولنگ کا ریڈار بہتر کیا اور پورے اوور میں صرف ایک رن مزید دیا۔
ٹم ساؤتھی کا اچھا اوور، صرف دو رنز دیے, پاکستان کا سکور: 9/0، دو اوور مکمل
ٹم ساؤتھی نے اپنے اوور میں بابر اعظم کو باندھ کے رکھا اور انھیں کھل کر کھیلنے کا موقع نہیں دیا اور صرف دو رنز دیے۔