کرکٹ ورلڈ کپ 2019 کے دوسرے سیمی فائنل میں میزبان انگلینڈ نے دفاعی چیمپیئن آسٹریلیا کے 224 رنز کے ہدف کے تعاقب میں جیسن رائے کی شاندار بیٹنگ کی بدولت آٹھ وکٹوں سے کامیابی حاصل کر کے فائنل میں رسائی حاصل کر لی ہے۔
عابد حسین and محمد صہیب
عادل رشید نے بہترین کم بیک کرتے ہوئے اپنے پانچویں اوور میں دو وکٹیں حاصل کر لیں جب انھوں نے اوور کی آخری گیند پر نئے آنے والے مارکس سٹوئنس کو صفر پر ایل بی ڈبلیو کر دیا۔
،تصویر کا ذریعہGetty Images
عادل رشید نے اپنے پچھلے اوور میں 10 رنز دینے کے باوجود گیند کو فلائٹ دی اور اس کے نتیجے میں ایلیکس کیری 46 رنز بنا کر ڈیپ مڈ وکٹ کی باؤنڈری پر جیمز ونس کے ہاتھوں کیچ آؤٹ ہو گئے جس کے ساتھ ہی ان کی سٹیو سمتھ کے ساتھ 103 رنز کی شراکت ختم ہو گئی۔
،تصویر کا ذریعہGetty Images
خراب آغاز کے بعد سمتھ اور کیری نے عمدہ کھیل پیش کرتے ہوئے 20 اوورز میں اپنی 100 رنز کی شراکت مکمل کر لی ہے اور دونوں بلے باز اپنی نصف سنچریوں کے قریب ہیں۔
سٹیو سمتھ اور ایلیکس کیری نے عمدہ بیٹنگ کرتے ہوئے اپنی ٹیم کو مشکلات سے نکالا اور 25 اوورز پر آسٹریلیا نے ٹیم کے 100 رنز مکمل کر لیے ہیں۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
انگلینڈ کی جانب سے سکواڈ میں واحد سپنر، عادل رشید کو کپتان مورگن اٹیک میں لائے ہیں لیکن اس اوور میں آسٹریلیا نے ان کو اعتماد سے کھیلا اور ایک چوکے کی مدد سے چھ رنز حاصل کیے۔
،تصویر کا ذریعہGetty Images
آسٹریلیا نے آہستہ آہستہ اپنی اننگز کو مستحکم کرنا شروع کر دیا ہے اور آخری پانچ اوورز میں انھوں نے 27 رنز بنائے ہیں۔ سٹیو سمتھ کا اس میں واضح حصہ ہے جنھوں نے 50 گیندوں پر 33 رنز بنائے ہیں جس میں چار چوکے شامل ہیں۔
،تصویر کا ذریعہGetty Images
لیم پلنکٹ کے دوسرے اوور میں ایلیکس کیری نے احتیاط سے کام لیا اور چار رنز حاصل کیے۔
مارک ووڈ کی تیز گیندوں کے باوجود سٹیو سمتھ بڑے پر اعتماد انداز میں بیٹنگ کر رہے ہیں اور اب انھوں نے مارک ووڈ کے اوور کی آخری گیند پر بھی چوکا لگایا اور اس وقت وہ 47 گیندوں پر 27 رنز پر کھیل رہے ہیں۔
کرک وز کے مطابق سمتھ نے اب تک ہر بری گیند کے خلاف جارحانہ بیٹنگ کی ہے جس کے باعث اب آسٹریلیا کی اننگز سنبھلنے لگی ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
اس ورلڈ کپ میں انگلینڈ کی جانب سے آٹھ وکٹیں حاصل کرنے والے لیم پلینکٹ بولنگ کے لیے آئے ہیں جن کے پہلی اوور میں آسٹریلیا کے سابق کپتان سمتھ نے شاندار شاٹ کھیل کر چوکا لگایا اور اوور میں آٹھ رنز حاصل کیے۔
،تصویر کا ذریعہGetty Images
ایلیکس کیری کے ہیلمٹ پر جوفرا آرچر کی گیند لگی جس کے بعد ان کے سر پر پٹی باندھی گئی۔ صحافی جیروڈ کمبر نے اس سے پہلے ایسے کھلاڑیوں کی تصویریں لگائی ہیں جن کے ساتھ ایسا ہی کچھ ہوا تھا۔ ان کھلاڑیوں میں انڈیا کے انیل کمبلے بھی شامل ہیں۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہGetty Images
،تصویر کا ذریعہ@ICC
سٹیون سمتھ اور ایلیکس کیری نے پہلے دس اوورز کے بعد اب تھوڑا کھل کر کھیلنا شروع کیا ہے اور بین سٹوکس کے اوور میں نو رنز حاصل کیے۔
،تصویر کا ذریعہGetty Images
ایرن فنچ اور ڈیوڈ وارنر نے اس ورلڈ کپ میں 44.9 فیصد رنز بنائے تھے۔ ’ دونوں نے مل کر 46.41 فیصد گیندیں کھیلی ہیں۔
ان میں اگر ایلیکس کیری کو بھی شامل کر لیا جائے تو ان تینوں نے مل کر اس ورلڈ کپ میں 60 فیصد رنز بنائے ہیں۔
لیکن اس کے برعکس آسٹریلیا کا مڈل آرڈر اب تک خاطر خواہ کارکردگی نہیں دکھا سکا۔ عثمان خواجہ کے علاہ بقیہ مڈل آرڈر نے صرف 27.4 کی اوسط سے رنز بنائے ہیں۔
کیا سٹیو سمتھ آج آسٹریلوی بیٹنگ کو سہارا دے پائیں گے؟
،تصویر کا ذریعہGetty Images
جوفرا آرچر کے پانچ اوور کے سپیل کے بعد انگلینڈ نے آل راؤنڈر بین سٹوکس کو بولنگ کے لیے بلایا جنھوں نے اپنے پہلے اوور میں صرف ایک رن دیا۔
،تصویر کا ذریعہGetty Images
انگلینڈ کی جانب سے کامیاب بولر کرس ووکس نے چھ اوورز میں صرف 16 رنز دیے ہیں اور دو وکٹیں حاصل کی ہیں۔
1996، 1999 اور 2003 میں بھی آغاز میں آسٹریلیا کی ٹیم مشکلات میں گھری تھی لیکن وہ پھر بھی جیت سے ہمکنار ہوئے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
آرچر اور ووکس کی عمدہ بولنگ کا سلسلہ جاری رہا اور دس اوورز کے اختتام پر آسٹریلیا نے اس ورلڈ کپ میں اپنا سب سے کم سکور بنایا ہے۔
،تصویر کا ذریعہGetty Images
زخمی ہونے کے بعد ایلیکس کیری کی ٹھوڑی پر پٹی لگا دی گئی جس کے بعد انھوں نے کرس ووکس کے اوور میں پراعتماد انداز میں کھیلا اور آخری گیند پر خوبصورت چوکا لگایا۔
