پاکستان اور نیوزی لینڈ کے درمیان برمنگھم کے ایجبسٹن سٹیڈیم میں ہونے والے میچ میں پاکستان نے نیوزی لینڈ کو چھ وکٹوں سے شکست دے دی ہے اور بابر اعظم کو شاندار سنچر پر مین آف دی میچ کا اعزاز ملا ہے۔
نیوزی لینڈ نےٹاس جیت کر پہلے کھیلتے ہوئے چار وکٹوں کےنقصان پر 79 رنز بنائے ہیں۔ کین ولیمسن ہمیشہ کی طرح ایک بار بھر نیوزی لینڈ کو مشکلات سے نکالنے کی کوشش میں ہیں۔ ولیمسن 40 رنز بنا کر کریز پر موجود ہیں۔
،تصویر کا ذریعہGetty Images
ورلڈ کپ میں سب سے زیادہ میڈ ان اوورز کرانے کا ریکارڈ اب تک انڈیا کے بشن سنگھ بیدی کا ہے۔ انھوں نے 1975 کے ورلڈ کپ میں 12 اووروں میں آٹھ میڈ ان کیے، چھ رنز دیے اور ایک کھلاڑی کو آؤٹ کیا۔ اس وقت ایک کھلاڑی 12 اوور کراتا تھا۔ دس اووروں میں سب سے زیادہ میڈ ان اوورز کرنے کا اب تک کا ریکارڈ کینیا کے آصف کریم کا ہے۔ جنھوں نے آٹھ اعشاریہ دو اوورز میں چھ اوورز میڈ ان کرائے اور سات رنز دے کر تین وکٹ حاصل کیے۔
وہاب ریاض نے پہلا اوور انتہائی عمدہ اندازمیں کرایا ہے۔ کین ولیمسن کی قسمت اس کا ساتھ دے رہی ہے۔ مارٹن گپٹل جس طرح پلے آن ہوئے کین ولیمسن کو اسی طرح کی گیند پر چار رنز مل گئے۔
کپتان سرفراز احمد نے لیگ سپنر شاداب احمد کو شاہین آفریدی کی جگہ بولنگ کے لے بلایا ہے۔ شاہین آفریدی نے سات اووروں میں صرف گیارہ رنز دے تین وکٹیں حاصل کیں۔ شاہین آفریدی دو میڈن اوور کرائے۔
نیوزی لینڈ نے سترہ اووروں میں چار وکٹوں کے نقصان پر 54 رنز بنائے ہیں۔ کین ولیمسن 43 گیندوں پر 26 رنز بنا کر کھیل رہے ہیں۔
،تصویر کا ذریعہGetty Images
انیس سالہ شاہین آفریدی نے پانچ اووروں میں صرف نو رن دے کر تین وکٹیں حاصل کر کے نیوزی لینڈ کی صفوں میں کھلبلی مچا دی ہے۔ شاہین آفریدی نے مسلسل دو اوور میڈن پھینکے ہیں۔ کپتان سرفراز احمد نے شاہین کے لیے جارحانہ فیلڈ پلیسنگ کی ہے۔ وہ تین سلپ ایک گلی کے ساتھ بولنگ کر رہے ہیں۔
،تصویر کا ذریعہGetty Images
شاہین آفریدی نے پاکستان کو ایک اور کامیابی دلا دی۔ ٹام لیتھم آؤٹ ہو کر پویلین لوٹ گئے۔ ولیمسن 22 رنز بنا کر کریز پر موجود ہیں۔
شاہین آفریدی نے اپنے چوتھے اوور میں کوئی رنز نہیں دیا۔ شاہین آفریدی نے چار اووروں میں صرف آٹھ رنز دے کر دو وکٹیں حاصل کی ہیں۔ کپتان نے محمد حفیظ کو ایک بار پھر بولنگ کے بلایا ہے۔
،تصویر کا ذریعہGetty Images
نیوزی لینڈ نے ٹاس جیت کر پہلے بیٹنگ کرتے ہوئے پہلے دس اووروں میں تین وکٹوں کے نقصان پر 44 رنز بنائے۔ کپتان ولیمسن اور ٹام لیتھ کریز پر موجود ہیں۔
شاہین آفریدی نے راس ٹیلر کو وکٹوں کے پیچھے کیچ آؤٹ کراکے پاکستان کو تیسری کامیابی دلا دی ہے۔ شاہین آفریدی کی یہ دوسری وکٹ ہے۔ سرفراز احمد نے شاندار کیچ پکڑا۔
کپتان ولیمسن اور راس ٹیلر انتہائی عمدہ فارم میں ہیں اور دونوں نے اس میچ سے پہلے ٹورنامنٹ میں مجموعی طور پر 573 رنز بنائے ہیں۔ کین ولیمسن دو سنچریاں بنا چکے ہیں۔
،تصویر کا ذریعہGetty Images
پاکستان نے نیوزی لینڈ کی دوسری وکٹ حاصل کر لی۔ شاہین آفریدی نے کولن کو سلپ میں کیچ آؤٹ کرا دیا۔ راس ٹیلر بیٹنگ کے لیے میدان میں آئے ہیں۔
،تصویر کا ذریعہGetty Images
کپتان سرفراز احمد نے محمد حفیظ کی جگہ شاہین آفریدی کو بولنگ کے لیے بلایا ہے۔ شاہین آفریدی کے پہلے اوور میں چار رنز بنے۔
،تصویر کا ذریعہGetty Images
محمد عامر کے دوسرے اوور میں کولن منرو نے دو مسلسل گیندوں پر چوکے لگائے۔ عامر کے دوسرے اوور میں دس رنز بنے۔
نیوزی لینڈ نے تین اووروں میں ایک وکٹ کے نقصان پر آٹھ رنز بنائے ہیں۔
نیوزی لینڈ کی تمام طاقت کا منبہ ولیمسن مارٹن گپٹل کے آؤٹ ہونے کےبعد میدان میں اترے ہیں۔
مارٹن گپٹل محمد عامر کی گیند پر بولڈ ہو کر پویلین لوٹ گئے
،تصویر کا ذریعہGetty Images
محمد حیفظ نے پاکستان کی جانب سے بولنگ کا آغازکیا ہے۔ مارٹن گپٹل نے محمد حفیظ کی پہلی گیند پر سویپ شاٹ کھیلا۔ گیند باؤنڈری لائن پار کر گئی
محمد حفیظ پہلا اوور کریں گے
نیوزی لینڈ کا ٹاس جیت کر پہلے بیٹنگ کے فیصلے پر سرفراز احمد نے کہا کہ ہم بھی پہلے بیٹنگ کرنا چاہتے تھے۔ حالات کسی کے کنٹرول میں نہیں ہیں۔ ہماری بولنگ اچھی ہے۔ عامر بہت اچھی بولنگ کر رہے ہیں۔ پچھلے میچ میں ہم نے اچھا پرفارم کیا۔ لیکن ہمیں جیتنے کے لیے کیچ پکڑنے ہوں گے۔ ہم کچھ بھی سکتے ہیں۔
،تصویر کا ذریعہGetty Images
