آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پاکستان سپر لیگ کے تیسرے ایڈیشن کے 14 ویں میچ میں پشاور زلمی نے لاہور قلندرز کو دس وکٹوں سے شکست دے دی ہے۔
شیراز حسن اور عابد حسین
پاکستان کے فاسٹ بولر حسن علی پی ایس ایل تھری میں اپنا پہلا میچ کھیلنے آج میدان میں اتریں گے۔
گذشتہ دو پی ایس ایل میں حسن علی نے اب تک کل 14 وکٹیں حاصل کی ہے جن میں سے 12 انھوں نے پچھلے سال حاصل کی تھیں، جس کی مدد سے پشاور زلمی نے پی ایس ایل ٹو میں فتح حاصل کی تھی۔
پشاور زلمی کی ٹیم میں دو تبدیلیاں کی گئی ہیں۔ پچھلے میچ کے ہیرو اور ٹیم کے کپتان ڈیرن سیمی پٹھہ کھچ جانے کی وجہ سے اس میچ سے باہر ہو گئے ہیں اور ان کی جگہ لیام ڈاسن نے لی ہے۔
سیمی کی غیر موجودگی میں زلمی کی قیادت محمد حفیظ کریں گے۔
ٹیم میں دوسری تبدیلی حسن علی کی ہے جو پی ایس ایل تھری میں اپنا پہلا میچ کھیلیں گے۔
اس کے میچ کے لیے لاہور قلندرز کی ٹیم میں کوئی تبدیلی کی گئی۔
لاہور قلندرز نے کپتان برینڈن میک کلم نے ٹاس جیت کر پہلے بیٹنگ کا فیصلہ کیا ہے۔