’اقتدار سے چمٹا ہوا شخص آج اقتدار کی کرسی سے ہٹایا جائے گا‘
مسلم لیگ ن کی رہنما مریم اورنگزیب نے کہا ہے کہ آج قومی اسمبلی میں صرف ووٹنگ کا دن ہے کیونکہ عمران خان وفاق اور پنجاب میں اکثریت کھو چکے ہیں۔
پارلیمنٹ ہاؤس کے باہر میڈیا سے بات کرتے ہوئے ان کا کہنا تھا کہ ’سرپرائز صرف ایک ہی ہے کہ اقتدار سے چمٹا ہوا شخص آج اقتدار کی کرسی سے ہٹایا جائے گا۔‘
حکمراں جماعت کے ارکان کے استعفوں سے متعلق سوال پر ان کا جواب تھا کہ اس صورت میں ضمنی انتخابات ہوں گے۔ ’ایسے لوگ جن میں پارلیمانی روایات کا احترام ہے وہ پارلیمان میں آئیں گے۔‘
مریم اورنگزیب نے کہا ہے کہ اپوزیشن کے پاس نمبر پورے ہیں۔
