مسلم لیگ (ن) کی حکومت کا چھٹا بجٹ

لائیو کوریج

شیراز حسن، تابندہ کوکب، شجاع ملک

1. 27 اپريل 2018

   40 لاکھ روپے سے زائد مالیت کی جائیداد کی خریداری کے لیے ٹیکس دہندہ ہونا لازمی ہو گا: مفتاح اسماعیل

2. 27 اپريل 2018بجٹ تقریر کے دوران اپوزیشن کے نامنظور نامنظور کے نعرے

   وزیرخزانہ مفتاح اسماعیل کی بجٹ تقریر کے دوران اپوزیشن اراکین نامنظور نامنظور کے نعرے لگا رہے ہیں

3. 27 اپريل 2018بریکنگ, وفاقی بجٹ کا مجموعی حجم 59 کھرب 32 ارب 50 کروڑ روپے ہے جو کہ گذشتہ بجٹ سے 16.2 % ہے۔

4. 27 اپريل 2018بریکنگ, تنخواہ دار طبقے کے لیے ٹیکس میں چھوٹ

   • تنخواہ دار افراد کے لیے ٹیکس کی چھوٹ کی حد میں اضافہ کیا گیا ہے اور اب 12 لاکھ روپے سالانہ تک آمدن ٹیکس فری ہو گی۔
   • 12 لاکھ سے 24 لاکھ روپے سالانہ کمانے والوں کو 12 لاکھ سے زیادہ آمدن پر پانچ فیصد ٹیکس دینا ہوگا
   • 24 لاکھ سے 48 لاکھ روپے آمدن والوں کو 24 لاکھ سے زیادہ آمدن پر 10 فیصد ٹیکس دینا ہوگا
   • 48 لاکھ سے زائد آمدن رکھنے والوں کو 15 فیصد ٹیکس کی ادائیگی کرنا ہوگی۔

5. 27 اپريل 2018آج نواز شریف کی اس اجلاس میں کمی محسوس کر رہے ہیں: مفتاح اسماعیل

6. 27 اپريل 2018بریکنگ,

   وزیراعظم شاہد خاقان عباسی نے اجلاس سے خطاب کرتے ہوئے کہا کہ ’آئندہ حکومت کے پاس مکمل اختیار ہو گا کہ جو فریم ورک اور بجٹ ہم نے دیا وہ اسے تبدیل کر سکیں۔‘

7. 27 اپريل 2018بریکنگ, بجٹ تقریر کا آغاز

   وزیر خزانہ مفتاح اسماعیل نے اپوزیشن کے احتجاج کے بعد بجٹ تقریر کا آغاز کر دیا ہے اور ان کا کہنا تھا کہ اگلی حکومت کے پاس اختیار ہو گا کہ وہ اس بجٹ میں تبدیلیاں کر سکیں

8. 27 اپريل 2018بریکنگ, اپوزیشن بجٹ اجلاس سے احتجاجاً واک آوٹ کر گئی

9. 27 اپريل 2018بریکنگ, مفتاح اسماعیل کو وزیرِ خزانہ بنانا ستم ظریفی ہے: شاہ محمود قریشی

   تحریکِ انصاف کے رہنما شاہ محمود قریشی نے بجٹ اجلاس سے خطاب کرتے ہوئے کہا ہے کہ بجٹ کو قومی اقتصادی کونسل نے منظور نہیں کیا ہے جبکہ ایک غیر منتخب شخص کو وزیرِ خزانہ بنانا اور اس سے بجٹ پیش کروانا ستم ظریفی ہے

10. 27 اپريل 2018بریکنگ, ’حکومت کو کوئی حق نہیں ہے کہ وہ ایک سال کا بجٹ پیش کرے‘

    

    ،تصویر کا ذریعہAFP

    قومی اسمبلی کے بجٹ اجلاس میں قائد حزب اختلاف خورشید شاہ نے خطاب کرتے ہوئے کہا ہے کہ حکومت اگر تین یا چار ماہ کا بجٹ پیش کرتی تو ان کی جماعت کو اعتراض نہ ہوتا لیکن حکومت اگلی حکومت کا حق چھین رہی ہے۔

    ان کا کہنا تھا کہ اخلاقی طور پر اس حکومت کو کوئی حق نہیں ہے کہ وہ ایک سال کا بجٹ پیش کرے۔

    نامہ نگار سارہ حسن کے مطابق خورشید شاہ نے کہا کہ ملک میں جمہوریت کا پنپنا اور اپنی مدت پوری کرنا خوش آئند ہے۔

    تاہم ان کا کہنا تھا کہ منتخب وزیر کو ہٹا کر ایک غیرمنتخب شخص کو بجٹ پیش کرنے کے لیے کہا جا رہا ہے۔ ان کا کہنا تھا کہ رانا افضل کو بجٹ پیش کرنا چاہیے تھا۔

11. 27 اپريل 2018’جس حکومت کا ایک ماہ باقی ہو اسے بجٹ پیش کرنے کا حق نہیں‘

    

    ،تصویر کا ذریعہAFP

    • پاکستان کے ایوانِ بالا میں قائد حزب اختلاف شیری رحمان کا کہنا ہے کہ جس حکومت کا صرف ایک ماہ باقی ہے اسے کوئی حق نہیں کہ پورے سال کا بجٹ پیش کرے۔
    • اسلام آباد میں صحافیوں سے گفتگو میں ان کا کہنا تھا کہ سینیٹ میں بجٹ کے بارے میں اپوزیشن کی تمام پارلیمانی پارٹیوں سے مشاورت ہوگی۔

12. 27 اپريل 2018بجٹ کی کاپیاں اسمبلی پہنچ گئیں

    قومی اسمبلی میں موجود بی بی سی اردو کی نامہ نگار سارہ حسن کے مطابق بجٹ کی کاپیاں اسمبلی پہنچا دی گئی ہیں۔ جہاں سے انہیں ٹرالی میں ڈال کر اندر لے جایا جا رہا ہے۔

    

13. 27 اپريل 2018بریکنگ, بجٹ کے لیے قومی اسمبلی کا اجلاس

    قومی اسمبلی کا اجلاس شروع ہونے کو ہے جس میں آئندہ مالی سال کے لیے بجٹ تجاویز پیش کی جائیں گی۔ پاکستان کے وزیراعظم شاہد خاقان عباسی ایوان میں موجود ہیں۔

    

    ،تصویر کا ذریعہAFP

14. 27 اپريل 2018بریکنگ, بجٹ تجاویز کی منظوری کے لیے وفاقی کابینہ کا اجلاس

    مالی سال 19-2018 کے بجٹ کی منظوری کے لیے وفاقی کابینہ کا خصوصی اجلاس اسلام آباد میں ہوا۔ پاکستان کے وزیراعظم شاہد خاقان عباسی نے اس اجلاس کی صدارت جس میں آئندہ مالی سال کے لیے بجٹ تجاویزکی منظوری دے دی گئی۔ اب یہ بجٹ دستاویز وزیرِ خزانہ مفتاح اسماعیل پارلیمان میں پیش کریں گے۔

15. 27 اپريل 2018مہنگائی میں کمی

    اقتصادی جائزے کے مطابق مہنگائی کی شرح 2013 میں 7.9 فیصد تھی جو اس سال تک کم ہو کر 3.8 فیصد تک رہ گئی ہے۔

16. 27 اپريل 2018آئندہ بجٹ میں گذشتہ سال کے مقابلے کیا مختلف ہوگا؟

    اب سے کچھ دیر میں ملک کے وزیرِ خزانہ مفتاح اسماعیل آئندہ مالی سال کا ترقیاتی بجٹ پیش کرنے والے ہیں۔ اس موقعے پر دیکھیں کہ گذشتہ سال حکومت نے کیسا بجٹ پیش کیا تھا؟

    مسلم لیگ (ن) کی حکومت کا پانچواں بجٹ: ’دفاعی بجٹ میں 79 ارب کا اضافہ‘

17. 27 اپريل 2018مسلم لیگ نواز کا چھٹا اور آخری بجٹ گذشتہ بجٹس سے مختلف کیسے ہے؟

    پڑھیے ہماری نامہ نگار سارہ حسن کی تحریر: آخری بجٹ گذشتہ بجٹس سے مختلف کیسے ہے؟

18. 27 اپريل 2018’ بجٹ میں حکومت کسی قسم کے نئے منصوبے متعارف نہیں کروائے گی‘

    مفتاح اسماعیل نے حال ہی میں بی بی سی اردو کو دیے گئے ایک انٹرویو میں کہا تھا کہ بجٹ میں حکومت کسی قسم کے نئے منصوبے متعارف نہیں کروائے گی۔

    یہ انٹرویو پڑھنے کے لیے اوپر دیے گئے لنک پر کلک کریں

19. 27 اپريل 2018خسارے پر قابو پانے میں ناکامی

    اقتصادی سروے کے مطابق مالیاتی خسارے کو حکومت قابو میں نہیں رکھ سکی اور اس دوران جاری خسارہ دو برس میں دوگنا بڑھا۔

20. 27 اپريل 2018اقتصادی ترقی کی شرح 13 برس میں سب سے زیادہ

    اس سال اقتصادی ترقی کی شرح 5.79 فیصد رہی ہے جو گذشتہ 13 برس میں سب سے زیادہ ہے۔

    اقتصادی جائزے کے مطابق زراعت کے شعبے نے 3.8 فیصد مینوفیکچرنگ کے شعبے نے 5.8 فیصد، سروسز کے شعبے نے 6.4 فیصد اور بڑی صنعتوں نے 6.25 فیصد کی شرح سے سے ترقی کی۔