آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پی ایس ایل تھری کا دسواں میچ شارجہ کے میدان میں کوئٹہ گلیڈی ایٹرز اور پشاور زلمی کے درمیان کھیلا گیا جس میں پشاور زلمی نے کانٹے کے مقابلے کے بعد پانچ وکٹوں سے جیت اپنے نام کر لی۔
سید عابد حسین، تابندہ کوکب
پشاور زلمی کو بڑا دھچکہ لگا جب ڈیرن سیمی فری ہٹ پر گیند کرتے ہوئے زخمی ہو گئے۔ محسوس ہو رہا ہے کہ ان کی ٹانگوں کے پٹھے کھچ گئے ہیں۔ اس موقع پر امپائروں نے وقفہ لیا ہے اور اس وقت کوئٹہ گلیڈی ایٹرز کا سکور 14 اوورز میں 104 رنز ہے۔
ڈیرن سیمی کی بدقسمتی رہی کہ 15ویں اوور کی پہلی گیند پر انھوں نے سرفراز احمد کو کیچ آؤٹ کروا دیا لیکن دائرے میں قوانین کے برخلاف چار سے کم کھلاڑی تھے جس کی وجہ سے امپائر نے نو بال کا اشارہ کیا اور سرفراز کو نئی زندگی ملی۔
خالد عثمان کے تیسرے اوور میں سرفراز احمد نے کورز کے اوپر سے چوکا لگایا اور اس کے علاوہ پانچ اور رن حاصل کیے۔ اب وہ سات رن پر جبکہ روسو 19 رن پر موجود ہیں۔
نامہ نگار عبدالرشید شکور کے مطابق آج شارجہ میں عام تعطیل ہونے کی وجہ سے گذشتہ روز کی نسبت شائقین کی تعداد زیادہ ہے۔ تماشائیوں میں زیادہ تعداد پشاور زلمی کی حمایتیوں کی دکھائی دیتی ہے۔
رائلی روسو 17 رنز پر کھیل رہے ہیں اور ان کے ساتھ نئے بلے باز کپتان سرفراز احمد ہیں جنھوں نے ایک رن بنایا ہے۔
شین واٹسن کی جارحانہ بیٹنگ کے باوجود پشاور زلمی نے مسلسل وکٹیں حاصل کر کے رن بنانے کی اوسط کو قابو میں رکھا ہوا ہے۔
پچھلے میچ کے بہترین کھلاڑی کیون پیٹرسن اپنی کارکردگی دہرا نہ سکے اور پشاور زلمی کے کپتان ڈیرن سیمی کی گیند پر کیچ آؤٹ ہو گئے۔ انھوں نے 5 رنز بنائے۔
12ویں اوور کے بعد کوئٹہ گلیڈی ایٹرز کے رن بنانے کی اوسط اب تقریباً سات رنز کے قریب پہنچ چکی ہے۔ کیون پیٹرسن پانچ رنز پر جبکہ رائل روسو نے چھکا لگایا اور اب وہ 11 رنز پر کھیل رہے ہیں۔
بائیں ہاتھ سے کھیلنے والے رائلی روسو نے خالد عثمان کو مڈ وکٹ کے اوپر سے زور دار چھکا لگا دیا جو 97 میٹر کے فاصلے پر جا کے گرا۔
وہاب ریاض نے اپنے دوسرے اوور میں چار رنز دیے جس کے بعد مجموعی سکور 72 رنز پر پہنچ گیا۔ کیون پیٹرسن دو اور روسو تین رنز پر کھیل رہے ہیں۔
گذشتہ رات اسلام آباد یونائیٹڈ کے خلاف 48 رنز بنانے والے کیون پیٹرسن کیا آج بھی اپنی عمدہ کارکردگی دہرا سکیں گے؟
نصف اننگز کے خاتمے کے بعد کوئٹہ گلیڈی ایٹرز نے اب تک 68 رنز بنائے ہیں اور کریز پر رائلی روسو اور کیون پیٹرسن موجود ہیں۔
چھکا کھانے کے محض دو گیندوں پر خالد عثمان نے اپنے بدلے لے لیا اور شین واٹسن کو بولڈ کر دیا جنھں نے 32 گیندوں پر 47 رنز بنائے۔
پہلا میچ کھیلنے والے خالد عثمان کے پہلے ہی اوور میں شین واٹسن نے اپنا پانچواں چھکا لگا دیا جو پہلے کی طرح سٹیڈیم کی چھت پر جا گرا۔
پشاور زلمی کے کپتان ڈیرن سیمی بولنگ کرنے آئے تو ان کی پہلی ہی گیند پر شین واٹسن کا کیچ ایک مشکل کیچ ڈیوائن سمتھ پکڑ نہ سکے۔ لیکن اوور کی پانچویں گیند پر عمر امین کیچ آؤٹ ہو گئے۔
ڈیرن سیمی نے اپنے پہلے ہی اوور میں عمر امین کو 11 رنز پر کیچ آؤٹ کروا دیا جو لانگ آن پر شاٹ مارتے ہوئے وہاب ریاض کے ہاتھوں کیچ ہو گئے۔
محمد اصغر کا دوسرا اوور پشاور زلمی کو کافی مہنگا پڑا جس میں انھوں نے 22 رنز دیے۔ شین واٹسن نے لگاتار تین گیندوں پر تین چھکے لگائے اور اس اوور کے بعد وہ 36 رنز پر کھیل رہے ہیں۔
شین واٹسن نے محمد اصغر کو نشانہ بنایا ہوا ہے اوور میں لگاتار تیسرا چھکا لگا دیا ہے۔
واٹسن نے لگاتار دوسری گیند پر دوسرا چھکا رسید کر دیا۔
شین واٹسن نے آٹھویں اوور میں محمد اصغر کو ایک اور بلند و بالا چھکا رسید کر دیا جو سٹیڈیم کی چھت پر جا گرا۔