پشاور زلمی: دو اوورز کے بعد 14 رنز کوئی آؤٹ نہیں
کوئٹہ گلیڈی ایٹرز کی جانب سے شین واٹسن نے دوسرا اوور کرایا جس میں انھوں نے صرف تین رنز دیے۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
سنسنی خیز مقابلے کے بعد پشاور زلمی کی جیت
پی ایس ایل تھری کا دسواں میچ شارجہ کے میدان میں کوئٹہ گلیڈی ایٹرز اور پشاور زلمی کے درمیان کھیلا گیا جس میں پشاور زلمی نے کانٹے کے مقابلے کے بعد پانچ وکٹوں سے جیت اپنے نام کر لی۔
لائیو کوریج
سید عابد حسین، تابندہ کوکب
پشاور زلمی: پہلے اوور کے بعد 11 رنز کوئی آؤٹ نہیں
پشاور زلمی نے انور علی کے پہلی ہی اوور میں 11 رنز حاصل کر لیے جس میں دونوں اوپنروں نے ایک ایک چوکا لگایا۔
بریکنگ, پشاور زلمی کی بیٹنگ شروع, 20 اوورز میں 142 رنز کا ہدف
پی ایس ایل تھری میں اپنا آخری میچ کھیلنے والے تمیم اقبال اور کامران اکمل نے 142 رنز کے ہدف کے تعاقب میں پشاور زلمی کی جانب سے بیٹنگ کا آغاز کیا ہے اور کوئٹہ گلیڈی ایٹرز کی جانب سے انور علی پہلا اوور کر رہے ہیں۔
پی ایس ایل میں کم سکور کیوں؟
گذشتہ دو پی ایس ایل کی طرح اس سال بھی پی ایس ایل اوسط سکور 160 رنز سے کم رہا ہے۔ اس پر ٹوئٹر پر صارف تبصرہ کرتے ہوئے کہا کہ ابھی تک کوئی کانٹے دار مقابلہ نہیں ہوا اور نہ ہی کوئی بڑا سکور۔ ’بورنگ ہو رہا ہے۔ ‘
ڈیبو میچ میں عمدہ کارکردگی
پشاور زلمی کی جانب سے پی ایس ایل میں اپنا پہلا میچ کھیلنے والے ثمین گل نے عمدہ بولنگ کا مظاہرہ کیا اور اپنے چار اوورز میں صرف 20 رنز دیے اور ایک وکٹ حاصل کی۔
بریکنگ, کوئٹہ گلیڈی ایٹرز کی اننگز 141 رنز پر مکمل
بیس اوورز کے اختتام پر کوئٹہ گلیڈی ایٹرز نے آٹھ وکٹوں کے نقصان پر 141 رنز بنائے ہیں جس میں شین واٹسن 47 رنز اور رائل روسو 37 رنز کے ساتھ نمایاں رہے۔پشاور زلمی کی جانب سے کپتان ڈیرن سیمی، وہاب ریاض اور عمید آصف نے دو دو وکٹیں حاصل کی ہیں۔
بریکنگ, انور علی ہٹ وکٹ, وہاب ریاض کی دوسری وکٹ
انور علی وہاب ریاض کو چھکا تو لگانے میں کامیاب ہو گئے لیکن ان کا پیر وکٹوں سے ٹکرا گیا جس کی وجہ سے وہ آؤٹ ہو گئے۔
کوئٹہ گلیڈی ایٹرز: 19 اوورز کے بعد 135 رنز سات کھلاڑی آؤٹ
آخری اوور کا کھیل باقی ہے جس میں کوئٹہ کی جانب سے انور علی اور جان ہاسٹنگز وہاب ریاض کا سامنا کریں گے۔
بریکنگ, عمید آصف کی دوسری کامیابی
19ویں اوور کی پہلی ہی گیند پر عمید آصف نے کوئٹہ کی آخری امید محمد نواز کو لانگ آن پر کیچ آؤٹ کروا دیا جہاں صابر رحمان نے اپنا تیسرا کیچ لیا۔ نواز تین رنز بنا سکے۔
کوئٹہ گلیڈی ایٹرز: 18 اوورز کے بعد 132 رنز سات آؤٹ
وہاب ریاض کے کامیاب اوور کے بعد کوئٹہ کے رن بنانے کی اوسط سات اعشاریہ تین پر گر گئی۔
بریکنگ, سرفراز کلین بولڈ ہو گئے
فاسٹ بولر وہاب ریاض نے اپنے تیسرے اوور کا آغاز کیا اور تیسری گیند پر کوئٹہ کے کپتان سرفراز احمد کو کلین بولڈ کر دیا جن کی آف سٹمپ زمین سے اکھڑ کر باہر گر گئی۔ انھوں نے 17 رنز بنائے۔
کوئٹہ گلیڈی ایٹرز: 17 اوورز کے بعد 128 رنز پانچ آؤٹ
عمید آصف کے اوور میں 9 رنز حاصل کرنے کے بعد سرفراز احمد 16 رنز پر پہنچ گئے ہیں جبکہ نئے آنے والے محمد نواز 1 رن پر موجود ہیں۔
بریکنگ, چھکے کے بعد کیچ ، روسو پویلین واپس, رائلی روسو نے 25 گیندوں پر 37 رنز بنائے
لیکن عمید آصف کی اگلی ہی گیند پر رائلی روسو باؤنڈری پر صابر رحمان کے ہاتھوں کیچ آؤٹ ہو گئے ہیں۔
روسو کا لانگ آف پر چھکا
17ویں اوور کے آغاز پر رائلی روسو نے عمید آصف کو لانگ آف پر چھکا لگا دیا۔ ان کا سکور اب 37 رنز پر پہنچ چکا ہے۔
کوئٹہ گلیڈی ایٹرز: 16 اوورز کے بعد 119 رنز چار آؤٹ
ثمین گل نے اپنے ڈیبو میچ میں اپنا آخری اوور پھینکا جس میں انھوں نے صرف آٹھ رنز دیے اور مجوعی طور پر چار اوورز یں 20 رنز کے عوض ایک وکٹ حاصل کی۔
بریکنگ, عمید آصف نے کیچ چھوڑ دیا
رائلی روسو نے ثمین گل کی پہلی گیند پر عمید آصف کو مڈ آف پر آسان کیچ کا موقع دیا لیکن وہ پکڑ نہ سکے اور گیند باؤنڈری پار کر گئی۔
کوئٹہ گلیڈی ایٹرز: 15 اوورز میں 110 رنز چار کھلاڑی آؤٹ
سات اعشاریہ تین کی اوسط سےکوئٹہ گلیڈی ایٹرز نے اب تک 110 رنز بنائے ہیں اور کپتان سرفراز احمد 12 اور رائلی روسو 24 رنز پر کھیل رہے ہیں۔ اننگز کے آخری پانچ اوورز باقی ہیں۔
شارجہ تفریح کے لیے بہترین
شارجہ سٹیڈیم میں موجود بی بی سی کے نمائندے عبدالرشید شکور کے مطابق میں تماشائیوں کی ایک بڑی تعداد موجود ہے جن میں اکثر خاندان سمیت آئے ہیں۔ ایک تماشائی کا کہنا تھا کہ شارجہ تفریح اور کھیلوں کے لیے بہترین جگہ ہے۔
بریکنگ, ڈیرن سیمی اوور مکمل نہ کر سکے, پشاور زلمی کے کپتان فیلڈ سے باہر
پہلی گیند پر زخمی ہونے والے ڈیرن سیمی چوتھی گیند پر ایک بار پھر گر گئے جس کے بعد وہ اپنی بولنگ جاری نہیں رکھ سکے۔ اوور مکمل کرنے کے لیے ڈیوائن سمتھ کو بلایا گیا ہے۔
بریکنگ, ڈیرن سیمی نے واپس بولنگ شروع کر دی
سٹریٹیجک ٹائم آؤٹ کے بعد ڈیرن سیمی نے دوبارہ بولنگ شروع کر دی ہےگ