امریکہ کے بعد پاکستان کو انڈیا سے بھی شکست، ورلڈ کپ میں آگے بڑھنے کے امکانات اگر مگر پر منحصر

لائیو کوریج

پیشکش: منزہ انوار، اعظم خان

1. 9 جون 2024عماد وسیم کا اچھا اوور، صرف چار رنز بنے, انڈیا کا سکور: 13 اوورز کے اختتام پر 94/4

   عماد وسیم نے اپنے سپیل میں انڈیا پر دباؤ قائم رکھا ہے اور اب تک تین اوورز میں صرف 17 رنز دیے ہیں۔

2. 9 جون 2024حارث رؤف نے سوریا کمار یادو کو آؤٹ کر دیا!, انڈیا کا سکور: 12 اوورز کے اختتام پر 90/4

   حارث رؤف نے انڈیا کا مومنٹم توڑتے ہوئے سوریا کمار یادو کو آؤٹ کر دیا ہے۔

   ان کا کیچ محمد عامر نے مڈ آف پر پکڑا۔ حارث نے اپنے اوور میں صرف ایک رن دیا ہے۔

3. 9 جون 2024بریکنگ, دس اوورز کے اختتام پر انڈیا کی پوزیشن مستحکم، رشب پنت کی جارحانہ بیٹنگ جاری, انڈیا کا سکور: 10 اوورز کے اختتام پر 81/3

   دس اوورز کے اختتام پر انڈیا کی جارحانہ بیٹنگ جاری ہے اور اس وقت انڈیا کی پوزیشن مستحکم ہے۔

4. 9 جون 2024نسیم شاہ نے اکشر پٹیل کو بولڈ کر دیا!, انڈیا کا سکور: آٹھ اوورز کے بعد 62/3

   پاور پلے میں انڈیا کی اچھی بیٹنگ کے بعد پاکستانی فاسٹ بولر نسیم شاہ نے کم بیک کیا ہے اور اکشر پٹیل کو بولڈ کر دیا ہے۔

5. 9 جون 2024پاکستان نے دو گیندوں پر دو مشکل چانسز چھوڑ دیے, انڈیا کا سکور: پاور پلے کے اختتام پر 50/2

   پاکستان کو انڈین وکٹ کیپر بیٹر رشب پنت کے دو کیچ کرنے کا موقع ملا اور یہ دونوں مشکل چانسز تھے تاہم ایک مرتبہ سلپ میں کھڑے افتخار اور دوسری مرتبہ کورز میں کھڑے عثمان خان نے یہ کیچ چھوڑ دیے ہیں۔

   عامر کا یہ اوور خاصا مہنگا رہا اور اس میں انڈیا نے 12 رنز بنائے ہیں۔ انڈیا نے پاور پلے کے اختتام پر دو وکٹوں کے نقصان پر 50 رنز بنا لیے ہیں۔

6. 9 جون 2024شاہین کا مہنگا اوور، اکشر پٹیل کا اچھا آغاز, انڈیا کا سکور: پانچ اوورز کے اختتام پر 38/2

   انڈیا کی جانب سے چوتھے نمبر پر بیٹنگ کرنے والے اکشر پٹیل نے شاہین کو ان کے تیسرے اوور کی پہلی دو گیندوں پر چھکا اور چوکا لگا کر انڈیا پر موجود دباؤ کم کر دیا ہے۔

   شاہین کے اس اوور میں 14 رنز بنے اور یہ اس اننگز کا اب تک کا سب سے مہنگا اوور ثابت ہوا ہے۔

7. 9 جون 2024محمد عامر کا اچھا اوور، صرف چار رنز بنے, انڈیا کا سکور: چار اوورز میں 24/2

   محمد عامر نے اپنے سپیل کا اچھا آغاز کیا ہے اور انھیں اپنے پہلے اوور میں صرف چار رنز بنے ہیں۔

8. 9 جون 2024بریکنگ, انڈیا کے دونوں اوپنرز پویلین میں، شاہین نے روہت شرما کو آؤٹ کر دیا, انڈیا کا سکور: تین اوورز کے بعد 20/2

   شاہین آفریدی نے انڈین کپتان روہت شرما کو بھی پویلین کی راہ دکھا دی ہے۔ ان کا کیچ سکویر لیگ پر کھڑے حارث رؤف نے لیا ہے۔

   شاہین کے اس بہترین اوور میں انڈین بلے باز صرف ایک رن بنا سکے۔

9. 9 جون 2024بریکنگ, نسیم شاہ نے وراٹ کوہلی کو پویلین کی راہ دکھا دی!, انڈیا کا سکور: دو اوورز کے بعد 19/1

   

   ،تصویر کا ذریعہGetty Images

   نسیم شاہ نے بارش کے باعث تعطل کے بعد اپنے پہلے اوور میں وراٹ کوہلی کو پویلین کی راہ دکھا دی ہے۔ کوہلی نے نسیم کی ایک وائیڈ گیند پر جارحانہ سٹروک کھیلنے کی کوشش کی لیکن گیند ایکسٹرا کور پر کھڑے عثمان خان کے ہاتھوں میں چلی گئی۔

   تاہم ان کے اوور میں کل 11 رنز بنے ہیں جن میں دو چوکے بھی شامل ہیں۔

10. 9 جون 2024ایک اوور بعد ہی بارش پھر سے لوٹ آئی

    

    ،تصویر کا ذریعہGetty Images

    پاکستان اور انڈیا کا میچ جہاں ٹاس سے پہلے اور اس کے بعد بارش کے باعث تاخیر کا شکار رہا وہیں اب پہلے اوور کے فوراً بعد بھی بارش کے باعث میچ رک چکا ہے اور پچ کو کورز سے ڈھک دیا گیا ہے۔

11. 9 جون 2024بریکنگ, پاکستان اور انڈیا کے درمیان میچ شروع

    نیو یارک کے نساؤ کاؤنٹی سٹیڈیم میں پاکستان اور انڈیا کے درمیان میچ شروع ہو گیا ہے۔ اس وقت انڈیا کے اوپنر وراٹ کوہلی اور روہت شرما وکٹ پر موجود ہیں۔ پاکستان کی طرف سے شاہین آفریدی پہلا اوور کرا رہے ہیں۔

12. 9 جون 2024میچ سے قبل پاکستان اور انڈیا کے ترانے

    اس وقت نیویارک کے کرکٹ سٹیڈیم میں پاکستان اور انڈیا کے ترانے گائے جا رہے ہیں۔ ترانے کے لیے دونوں ٹیمیں اس وقت وکٹ پر موجود ہیں۔

13. 9 جون 2024نیو یارک میں کرس گیل اپنے خاص لباس کی وجہ سے توجہ کا مرکز

    

    ،تصویر کا ذریعہGetty Images

    پاکستان اور انڈیا میچ کو دیکھنے کے لیے کرکٹ سٹارز کی بڑی تعداد بھی نیو یارک کے سٹیڈیم میں موجود ہے۔

    کرس گیل نے انڈیا اور پاکستان کے جھنڈوں کے رنگ کے کپڑے پہنچ رکھے ہیں۔

    وہ نئے اور پرانے کھلاڑیوں سے اس پر دستخط بھی لے رہے ہیں۔

    

    ،تصویر کا ذریعہGetty Images

14. 9 جون 2024پاکستان اور انڈیا کے درمیان میچ اب آٹھ بج کر 20 منٹ پر شروع ہو گا

    انتظامیہ نے تصدیق کی ہے کہ نیو یارک میں پاکستان اور انڈیا کے درمیان اب میچ آٹھ بج کر 20 منٹ پر شروع ہو جائے گا۔

    ابھی موسم صاف نظر آ رہا ہے مگر مزید بارش کی بھی پیش گوئی کی گئی ہے۔

15. 9 جون 2024پاکستان اور انڈیا کے میچ کے لیے سکیورٹی کے سخت انتظامات، پولیس کی بھاری نفری تعینات, ٹموتھی ابراہام

    

    ،تصویر کا ذریعہBBC Sport

    پاکستان اور انڈیا کے میچ کے لیے سکیورٹی کے سخت انتظامات کیے گئے ہیں اور گراؤنڈ کے ہر طرف پولیس کی بھاری نفری موجود ہے۔

    سراغ رساں کتے، بم ڈسپوزل ماہرین، بکتر بند ہیں۔ ہیلی کاپٹرز نے گراؤنڈ کا گھیراؤ کر رکھا ہے۔ پولیس کے ہر شعبے سے حکام موجود ہیں۔ سکیورٹی انتظامات میں کسی قسم کا بھی کوئی خلا نہیں چھوڑا گیا ہے۔

    پولیس کے ایک اہلکار نے مجھے بتایا کہ پولیس اس میچ کے لیے بہت تیاری کے ساتھ آئی ہوئی ہے۔ شائقین بھی اب سٹیڈیم میں واپس آنا شروع ہو گئے ہیں۔

16. 9 جون 2024نیویارک میں تیز بارش، پاکستان اور انڈیا کا میچ مقررہ وقت پر شروع نہیں ہو سکے گا

    

    ،تصویر کا ذریعہGetty Images

    یہ بات اب یقین سے کہی جا سکتی ہے کہ پاکستان اور انڈیا کے میچ اب مقررہ وقت پر شروع نہیں ہو سکے گا۔

    اس وقت نیویارک کے ناسو کاؤنٹی انٹرنیشنل کرکٹ سٹیڈیم سے شائقین اب تیز بارش سے بچنے کے لیے باہر جا رہے ہیں۔

17. 9 جون 2024پاکستان اور انڈیا کی ٹیموں میں کون کون سے کھلاڑی شامل ہیں؟

    پاکستان نے آج انڈیا کے خلاف میچ میں ایک تبدیلی کی ہے۔ اعظم خان کی جگہ عماد وسیم کو ٹیم میں شامل کیا گیا ہے۔

    پاکستان کی ٹیم میں آج کے میچ کے لیے یہ 11 کھلاڑی ہیں:

    بابر اعظم، محمد رضوان، عثمان خان، فخرزمان، شاداب خان، افتخار احمد، عماد وسیم، شاہین آفرید، حارث رؤف، نسیم شاہ، محمد عامر۔

    انڈیا کی ٹیم کے کھلاڑیوں کے نام:

    روہت شرما، وراٹ کوہلی، رشبھ پنٹ، سوریا کمار یادیو، شیوم ڈوبے، ہاردک پانڈیا، رویندرا جدیجہ، ایکسر پٹیل، جسپریت بمبرا، ارشدیپ سنگھ، محمد سراج۔

18. 9 جون 2024بریکنگ, پاکستان کا انڈیا کے خلاف ٹاس جیت کر پہلے بولنگ کا فیصلہ، عماد وسیم ٹیم میں شامل

    پاکستان نے انڈیا کے خلاف ٹاس جیت کر پہلے بولنگ کا فیصلہ کیا ہے۔

    اس کے ساتھ ساتھ آپ کو بتاتے چلیں کہ آل راؤنڈر عماد وسیم کو اعظم خان کی جگہ کھلانے کا فیصلہ کیا گیا ہے۔

19. 9 جون 202410 منٹ بعد ٹاس، 8 بجے میچ شروع ہونے کا امکان

    موسم کی صورتحال بہتر ہونے کی صورت میں 10 منٹ بعد ٹاس کا اعلان کیا گیا ہے۔

    اور میچ تقریباً 8 بجے (پاکستانی وقت کے مطابق) شروع ہونے کا امکان ہے۔

20. 9 جون 2024شائقین اور کھلاڑی سٹیڈیم پہنچنا شروع

    

    ،تصویر کا ذریعہgettyimages

    

    ،تصویر کا ذریعہgettyimages

    

    ،تصویر کا ذریعہgettyimages

    

    ،تصویر کا ذریعہgettyimages

    

    ،تصویر کا ذریعہgettyimages