گذشتہ روز کی اہم خبروں کا خلاصہ
- لبنان کی وزارت صحت نے کہا ہے کہ لبنان کے مشرقی شہر بعلبیک اور آس پاس کے علاقوں پر اسرائیلی حملوں میں آٹھ خواتین سمیت 19 افراد ہلاک ہو گئے ہیں۔
- حزب اللہ کے نئے سربراہ نعیم قاسم نے اپنی پہلی تقریر میں کہا ہے کہ حزب اللہ کسی اور کی جنگ نہیں لڑ رہی اور ’ایران ہماری حمایت ضرور کرتا ہے لیکن بدلے میں کچھ نہیں مانگتا۔‘
- لبنان کے نگراں وزیر اعظم نجیب میقاتی کا کہنا ہے کہ اسرائیل کے ساتھ ’دنوں میں جنگ بندی کا معاہدہ ممکن ہے۔‘
- سپین میں سیلاب اور بارشوں کے نتیجے میں ہلاک ہونے والے افراد کی تعداد 158 تک پہنچ گئی ہے جبکہ لاپتہ ہونے والے افراد کی تلاش کے لیے ریسکیو آپریشن جاری ہے۔
- امریکہ کا کہنا ہے کہ پاکستان کے سابق وزیر اعظم عمران خان کی حکومت کے خاتمے میں امریکہ کے ملوث ہونے کے الزامات میں کوئی حقیقت نہیں اور عمران خان کے خلاف قانونی مقدمات کا فیصلہ پاکستان کی عدالتوں نے کرنا ہے۔
- پاکستان کے صدر آصف علی زرداری کا گذشتہ رات دبئی ایئر پورٹ پر جہاز سے اترتے ہوئے پاؤں فریکچر ہو گیا ہے۔