ዋንጫ ዓለም 2026

ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

መምህር እያሱ ቀጺሉ፡ ብሄረሰብ ኢሮብ ኣብ ሓደጋ ምጥፋእ ዝርከብ ህዝቢ ምስ ምዃኑ፡ እቲ ሕዚ ዝተጀመረ ርክብ ህዝቢ ምስ ህዝቢ ስነልቦናዊ ነፃነት ፈጢሩ ኣሎ ኢሉ።
ብሰንኪ ስእነት ሰላምን ምርግጋእን ብርክት ዝበሉ መናእሰይ ናብ ሊብያን የመንን ዝስደዱን ዘይሕጋዊ ዝውውር ሰባት ዝረአየሉን ምንባሩ ዝገለፀ እቲ ኣመሓዳሪ፡ ሕዚ ግን ተነፃፃሪ ሰላምን ህድኣትን ክርከብ ምኽኣሉ ኣረዲኡ።


መንገዲ ዓዲግራት-ደውሃን-ኢሮብ ዳግም ኣገልግሎት ምሃብ ከምዝጀመረ ተገሊፁ

ብርጋዴር ጀነራል ገብረእግዚኣብሄር በየነ ወዲ ኣንጥሩ፡ ካብቶም ኣብ እዋን ኲናት ትግራይ ስሞም ተደጋጊሙ ዝለዓል መራሕቲ ዀይኑ፡ ብፍላይ ኣርሚ 50 ብዝብል ዝፍለጥ ፍሉይ ሓይሊ [ኮማንዶ] ኣብ ሓጺር እዋን ከምዝሃነፀ ይንገር።

ኣብ 'ሓራ መሬት' ዕጡቓት ይመርሕ ምስ ዘሎ ወዲ ኣንጥሩ ቢቢሲ ዝገበሮ ፍሉይ ቃለመሕትት

ፕረዚደንት ግዝያዊ ምምሕዳር ትግራይ ታደሰ ወረደ [ሌ/ጀ] ብዛዕባ እቲ ብኣባላት ፖሊስ ፌደራል ኣብ ክልላት ዓፋርን ኣምሓራን ዝግበር ዘሎ ክልከላ ኣብ ልዕሊ ናብ ትግራይ ዝሓልፋ ናይ ጽዕነት መካይን ኣመልኪቱ ምስ ኮሙሽነር ፖሊስ ፌደራል ደመላሽ ገብረሚካኤል ከምዝተዘራረበ ተሓቢሩ።

መንቀሊ ክልከላ ናብ ትግራይ ዝሓልፋ መካይን 'መንግስቲ ዘይቆጻጸሮ ኮንትሮባንድ ዕዳጋ' ድዩ?

ብኣይተ ጌታቸው ረዳ ይምራሕ ዝነበረ ክንፊ ህወሓት፡ ዴሞክራስያዊ ስምረት ትግራይ (ስምረት) ብዝብል ስያመ ክልላዊ ሓድሽ ፖለቲካዊ ውድብ ኰይኑ ብቦርድ መረፃ ኢትዮጵያ ኣፍልጦ ተዋሂብዎ ኣሎ። 
ቢቢሲ፡ ኣብ ኣመሰራርታ እዚ ሓድሽ ውድብን ብተዛማዲ ዝለዓሉ ጉዳያትን ኣመልኪቱ ካብ ወደብቲ'ቲ ሓድሽ ሰልፊ ሓደ ምስ ዝዀነ ኣይተ ረዳኢ ሓለፎም ቃለ መሕትት ኣካይዱ ኣሎ።


'ካብ ምቅላስ ዝሐሸ ኣማራፂ የለን' - ኣይተ ረዳኢ ሓለፎም

ኤጀንሲ ንግድን ሰደድን ግዝያዊ ምምሕዳር ትግራይ ናብ ዝምልከቶም ኣካላት መንግስቲ ፈደራል - ምኒስትሪ ንግድን ዞባዊ ምትእስሳርን -  ብዛዕባ'ቲ ኵነታት መብርሂን ምኽንያትን ክወሃቦ ብደብዳበ ዝሓተተ ኰይኑ፡ ዛጊት  ምላሽ ከምዘይተረኽበ ዝረኸብናዮ ሓበሬታ የመልክት። 

ትግራይ፡ ፍታሕ ዘይተረኽቦ ዕግታ መካይን ጽዕነት ወጥሪ ከየጋድድ የስግእ

ኣመሪካ፡ ኣብ መዓልቲ 20 ግንቦት ዘመሓላለፈቶ ኣዘራራቢ መልእኽቲ 

ኣብ ቀረባ እዋን፡ ንከተማ ማይጨውን ኣላማጣን ሓዊሱ ኣብ ዝተፈለላዩ ከባብታት ዞባ ደቡብ ትግራይ ብዓሰርተታት ኣሽሓት ዝቝፀር ህዝቢ ዝተሳተፎ ሰላማዊ ሰልፊ ተኻይዱ ነይሩ። እቶም ሰልፈኛታት፡ እቲ ብደብረፅዮን ገብረሚካኤል ዝምራሕ ክንፊ ህወሓት የሰጉሞ ኣሎ ዝብልዎ ኣካይዳ፣ ዘይሕጋዊ ርክባትን ስልጣን ብጠበንጃ ናይ ምቁፅፃር ባህግን፡ ንህላወ ህዝቢ ትግራይ ኣብ  ሓደጋ ዘእቱን ነቲ ሰልፊ ተቓውሞ ካብ ዝደረኹን ምኽንያታት ምዃኖም ይግለፅ።

'ናብ ደቡብ ትግራይ ብጠበንጃ ክትኣቱ ምፍታን ቀይሕ መስመር'ዩ'-ሃፍቱ ኪሮስ

'ስምረት'፡ ጌታቸው ረዳ ዝመርሖ ውድብ ስነ ሓሳቡ ቀይሩ ድዩ?

ብመንገዲ ጌታቸው ረዳ ከም ዝወጽአ ኣብ ዝተገልጸ በዓል 66 ገጻት ሰነድ፡ ሓላፊ ወተሃደራዊ ስለያ ሰራዊት ትግራይ ኮሎነል ተወልደ ገብረተንሳይን ካልኦት ልዕሊ 12 ሰባትን፡ ኣብ ምስግጋር ደቂሰብ ከም ዝተሳተፉ ብዝርዘር ይገልጽ።
ቢቢሲ ኣብዚ ጉዳይ ኣተኵሩ ንኮሎነል ተወልደ ኣዘራሪቡዎ ኣሎ።


ትግራይ፡ ብዘይሕጋዊ ምስግጋር ደቂሰብ ዝኽሰስ ኮሎነል ተወልደ እንታይ ይብል?

እቲ ኣብ መንጎ መንግስቲ ኤርትራን ህወሓትን ክግበር ዝዕደም ዘሎ ጽምዶ ግን ብምንታይ ዝተደረኸ እዩ? እቶም ኣብ ኵናት ሓድሕድ ኢትዮጵያ 2020 – 2022 ሓድሕድ ዝተዳመዩ፡ ሕዱር ቅርሕንቲ ዝነበሮም ሓይልታት ስለምንታይ ኣብዚ ግዜ'ዚ ክላፈኑን ክጻመዱን ደልዮም? 

ኤርትራ፡ ጽምዶ ጽቡቕ እዩ - ግን መን ምስ መን፡ ንምንታይ ዕላማኸ?

ዘውዱ ሃፍቱ፡ ኣብ ከተማ መቐለ፡ ከባቢ ዓዲ ሓውሲ፡ ምስ መሓዝኣ ሰምሃል ገብረእግዚኣብሄር ናይ መሓዝአን ልደት ከኽብራ እናኸዳ፡ ታርጋ ብዘይብላ መኪና ዝመፅኡ ሰባት ብፀጕራን ኵርንዓን ንዝተወሰነ ርሕቐት ጐቲቶም ርእሳ ጨፍሊቖም እዮም ቀቲሎማ። ካብቲ እዋን ጀሚሩ ቅትለት ዘውዱ ሃፍቱ ካልኣይ ዓመት ኣብ ዝገማገመሉ፡ ፍርዲ እንከይተውሃበ ፍትሒ እንከይነገሰ እዩ ፀኒሑ።


'ኣቦና ብጓሂ ሓዘን ጓሉ'ዩ ሞይቱ'- ስድራ እታ ብግፍዒ ዝተቐትለት ዘውዱ ሃፍቱ

ዳያኑ ትግራይ ምስ ዝብይንዎም ብይናት ብዝዛመድ ኣብ ልዕሊኦም ስግኣታት ድሕንነት ከም ዘጋጠሞም ይዛረቡ። እቲ ስግኣት ድሕንነት ብፍላይ ዓመፅ ደቂኣንስትዮን ቅትለታትን ዝኣመሰሉ ከበድቲ ገበናት ኣብ ልዕሊ ዝከታተሉ ዳያኑ ዝገደደ ከምዝዀነ እዩ ዝንገር። ብሰንኪ እዚ፡ ዳያኑ ኩለን ኣብያተ ፍርዲ ከተማ መቐለ ኣገልግሎት ምሃብ ኣቋሪፆም ኣለዉ።

ትግራይ፡ ኣብያተ ፍርዲ ክሳብ ምዕጻው ዘብጽሐ ኣብ ልዕሊ ዳያኑን ፍትሕን ዘንፀላለወ ሓደጋ

ህወሓት ኣብቲ ን17 ዓመታት ኣብ በረኻ ዘካየዶ ቃልሲ ምስ ስርዓት ደርጊ ጥራሕ ዘይኮነ፡ ምስ ኢድዩ፣ ጀብሃ፣ ኢህኣፓን ካልኦት ውድባት'ውን ውግእ ኣካይዱ። ንኹሉ ፖለቲካዊ ፍልልይ ከኣ ብሓይሊ እዩ ኣልዩዎ።



ህወሓት፡ ፖለቲካ ትግራይ ኣብ ቀራና መገዲ

መንግስቲ ኤርትራ ኣብ ዝተፈላለዩ ዓመታት፡ ብርክት ዝበሉ ተጋሩ ካብ ዝተፈላለዩ ከባቢታት ጨውዩ ብምውሳድ ደሃዮም ክጠፍእ ይገብር ምንባሩ ብወገን ሰበስልጣን ትግራይ ተደጋጋሚ ክሲ ክቐርብ ምጽንሑ ይፍለጥ።

መንግስቲ ኤርትራ 78 እሱራት ተጋሩ ከም ዝፈትሐ ፖሊስ ገሊጹ

መንግስቲ ኤርትራ፡ ሽማግለ ዝምድናታት ወጻኢ ሰኔት ኣመሪካ ኣብ ጉዳያት ምብራቕ ኣፍሪቃ ብ16 ግንቦት ኣብ ዘካየዶ ህዝባዊ ርክብ፡ ኤርትራ ኣብቲ ምስ ኢትዮጵያ ዘዋስና ከባቢታት ምትእኽኻብ ሰራዊት ተካይድ ከም ዘላ ንዝቐረበቦ ክሲ ብትሪ ነጺጉ።
ኤምባሲ ኤርትራ ኣብ ሕቡራት መንግስታት ኣመሪካ ኣብ ዘውጽኦ ወግዓዊ መግለጺ፡ እቲ ዝቐረበ ክሲ፡ "ፍጹም መሰረት ኣልቦን ዘደናግርን፡" ምዃኑ ገሊጹ።


ኤምባሲ ኤርትራ፡ ብሰኔት ኣመሪካ ንዝቐረበ ክሲ ነጺጉ

ቅድሚ ኣርባዕተ ዓመት፡ ኣብ ትግራይ ዝተወልዐ ኲናት ስዒቡ ብባይቶ ወከልቲ ህዝቢ ብግብረ ራዕዲ ተመዝጊቡ ዝነበረ ህወሓት፡ ብኣዋጅ ቝጽሪ 1162/2011 ዓንቀጽ 98 ኣብ ናይ ዓመጽ ምንቅስቓስ ብምስታፍ በቲ ቦርድ ተሰሪዙ ከም ዝነበረ ይዝከር።

ሓይልታት ትግራይ ንመንግስቲ ፌደራል ዝሃብዎ መጠንቀቕታ

ንፍርቂ ዘመን ኣብ ፖለቲካ ኢትዮጵያ ዓብይ ግደ ዝጸንሖ ህዝባዊ ወያነ ሓርነት ትግራይ (ህወሓት) ብሃገራዊ ቦርድ መረጻ ኢትዮጵያ ንኻልኣይ ግዚኡ ኣፍልጦ ተኸሊኡ'ሎ። እዚ እንታይ ሳዕቤን ክህልዎ እዩ፣ መፍትሒኡ ኸ እንታይ ክኸውን እዩ? ዝብል ዛዕባ እዚ ጽሑፍ ዳህሲስዎ ኣሎ።

ህወሓት ከም ፖለቲካዊ ውድብ ምስራዙ እንታይ ሳዕቤን ኣለዎ፡ መፍትሒኡ ኸ?

ካብ ህወሓት ተፈንጪሎም ዝወፅኡ ሰባት፡ ብሊበራላዊ ስነሓሳብ ዝምራሕ ሓድሽ ውድብ ምምስራቶም፡ ካብ ወያናይ ደሞክራሲ ርሒቕካ ምኻድ ከም ዘሎ ብንጹር ዘመልክት ይመስል። እዚ ሓደ ኣገዳሲ ምዕባለ እዩ...፤

ትግራይ፡ ህወሓትን ወያናይ ደሞክራስን ከኽትሙ ድዮም?

ውሳነ ናይቲ ቦርድ ምክትል ኣቦመንበር ህወሓትን ፕረዚደንት ግዝያዊ ምምሕዳርን ዝነበረ ጌታቸው ረዳ ኣብዚ ሳልስቲ ኣብ ዘካየዶ ሰፊሕ ቃለመሕትት ኣብ ልዕሊ ህወሓት ተሪር ነቐፌታ ድሕሪ ምቕራቡ'ዩ ተወሲዱ ዘሎ። እቲ ኣብ ቀረባ ኣዋርሕ፡ ብደረጃ ሚኒስተር ኣማኻሪ ቀዳማይ ሚኒስተር ኣብ ጕዳያት ምብራቕ ኣፍሪቃ ኰይኑ ዝተሸመ ጌታቸው ኣብ ትግራይ ንህወሓት ንምቅላስን ፖለቲካዊ ኣማራጺታት ንምምጻእን ሓድሽ ፖለቲካዊ ውዳበ ሒዙ ይቐላቐል ከም ዘሎ ይፍለጥ።

ህወሓት ካብ መዝገብ ፖለቲካዊ ሰልፊታት ኢትዮጵያ ተሰሪዙ

ንሱ፡ ኣብ ትግራይ ይፍጸሙ ኣለዉ ብዝብል ብሰፊሑ ክዝረበሎም ዝጸንሐ ጕዳያት ዘይሕጋዊ ዕደናን ንግዲን ወርቂ፡ ዘይሕጋዊ ምስግጋር ሰባት፡ ምጥፍፋእ ብዲያስፖራ ትግራይ ዝተኣከበ ገንዘብን ካልኦትን ተደጋጋሚ ክሲታት ከቕርብ ተሰሚዑ።

ትግራይ፡ ጌታቸው ረዳ ዘቕረቦም ኣርባዕተ ክሲታት 

ኣማኻሪ ቀዳማይ ምኒስትር ኣብ ጉዳያት ምብራቕ ኣፍሪቃ ኣቶ ጌታቸው ረዳ፡ ናይቲ ኣብ ትግራይ ዝፍጸም ዘሎ ዝበሎ ዘይሕጋዊ ዕደና ወርቂ፡ ምዝውዋር ሰባትን ካልእን፡ ጥርጡራት ብሽሞም ዝፍለጡ ምዃኖምን ገሊኦም'ውን ብፍቓድ ላዕለዎት ኣመራርሓ ህወሓት ካብ ሃገር ክወጽኡ ከም ዝተገብሩን ተዛሪቡ።

'ብሽም ሓድነት ገበነኛታት ንሓብእ ነይርና'፡ ኣቶ ጌታቸው ረዳ

ግዝያዊ ምምሕዳር ትግራይ ንብርሃነ ናብ ፈደራል መንግስቲ 'ኣሕሊፉ ክህቦ እዩ' ኢሎም ዝጠርጠሩ ኣባላት ሰራዊት ኣርሚ 22 ንጣብያ ፖሊስ ዓይደር ከቢቦም ብቐረባ ክከታተሉዎ ከም ዝወዓሉ ጸብጻባት ካብ ከተማ መቐለ ገሊጾም።

ትግራይ፡ ኣብ ቀይዲ ኣትዩ ዝጸንሐ ብርሃነ ገብረገርግስ ተፈቲሑ

እቲ ቅድም ክብል 'ልፍዓተይ ተስፋ' ከምኡ'ውን ኣብ ቀረባ እዋን፡ 'ሰብ ዝሰኣነ ሰብ' ብዝብል ኣስማት ማሕበራዊ ሜድያ ዝፍለጥ ነጣፊ፡ ኣብ ዝተፈላለያ ማዕከናት ማሕበራዊ ሜድያ ቀሪቡ ብዝህቦ ርእይቶታት ኣካታዓይ ኰይኑ ዝጸንሐ ሰብ እዩ። ፖሊስ፡ ነቲ ጉዳይ ኣብ ምምርማር ከም ዝርከብ ብምግላጽ ዝርዝር ሓበሬታ ካብ ምሃብ ተቘጢቡ'ሎ። 

መቐለ፡  ፖሊስ 'ብመጥቃዕቲ ቦምባ' ዝተጠርጠሩ ሰባት ኣሲሩ

እቲ መንግስታዊ መዓከን ዜና ንምንጭታቱ ጠቒሱ ኣብ ዝዘርግሖ ሓበሬታ፡ እታ ኣደ ኣብ ርእሰ ከተማ ካርቱም ትቕመጥ ከምዝነበረትን ብሰንኪ እቲ ኣብታ ሃገር ኣጋጢሙ ዘሎ ኵናት ሓድሕድ ካብ ካርቱም ናብቲ እምጉርጉር ተባሂሉ ዝጽዋዕ መዓስከር ስደተኛታት ከምዝተመዛበለት ተፈሊጡ'ሎ።