ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ሚኒስተር ጉዳያት ወጻኢ ኢራን ዝሃቦ ርእይቶ፡ እቲ ውግእ ናብ ዞባዊ ግጭት ከምርሕ ከምዝኽእል ዘመላኽት፡ ዝሃቦ እቲ ዝሓየለ መጠንቀቕታ’ዩ።

ኢራን፡ ንእስራኤል ብትሪ ኣጠንቂቓ

እስራኤል እቲ ትጽቢት ዝግበረሉ መጥቃዕቲ መሬት ቅድሚ ምጅማራ ካብቲ ከባቢ ክወጹ ዝደለዩ ፍልስጤማውያን ኣብ ደቡባዊ ወሽመጥ ቓዛ ኣብ ኣፍደገ ራፋ ይእከቡ ኣለዉ። ብሰንኪ ስደተኛታት፡ ኣብ ሓደ ለይቲ ቍጽሪ ነበረታ ብዕጽፊ ዝወሰኸ ከተማ ከሃን ዩኒስ ካብ ዓቐን ንላዕሊ ተጨናኒቓ ገለ ሰብኣዊ ሓገዝ እናተጸበየት ትርከብ። እዋናዊ ኵነታት እስራኤል-ቓዛ ከምዚ ዝስዕብ ይመስል። 

ራፋ፡ እቲ እንኮ መትኒ ህይወት ቓዛ ስለምንታይ እዩ ኣገዳሲ ኰይኑ?

ቤት ጽሕፈት ፖሊስ ዊል ካውንቲ ብሰንበት ኣብ ዘውጽኦ መግለጺ፡ ቀዳም ንጉሆ ሓንቲ ሰበይቲ፡ ወናኒ ገዛኣ ኣብ ልዕሊኣ መጥቃዕቲ ይፍጽም ምህላው ዝገልጽ ናይ ረድኤት ጻውኢት ካብ ፕለይንፊልድ ከባቢ ቺካጎ ከምዝበጽሖ ሓቢሩ። ኣባላት ፖሊስ ናብቲ ስፍራ ምስበጽሑ፡ እታ ሰበይትን ወዳን “ብተደጋጋሚ ኣብ ኣፍልቦምን ኣብ ገረንገረኦምን ብተደጋጋሚ ብስሕለት ተወጊኦም” ከምዝረኸቡ ይገልጽ። 

ኣሜሪካ፡ ሓደ ወዲ ሽዱሽተ ዓመት ህጻን ብጸረ ኣስላም መጥቃዕቲ ካራ ተቐቲሉ 

ኣብ ማሕበራዊ መራኸቢታት ብዛዕባ እስራኤል-ቃዛ ዝምልከቱ ናይ ሓሶት ሓበሬታታት፡ ውዲታዊ ክልሰ-ሓሳባትን ጽልኢ ዝመልኦ ትሕዝቶታት ይዝርግሑ ኣለዉ።

ብዛዕባ እስራኤል-ቃዛ ናይ ሓሶት ሓበሬታን ጽልእን ዝዝርግሑ ዘለዉ በዓል መን እዮም?

ሰራዊት እስራኤል ኣብ ልዕሊ ጋዛ ብኣየር፣ ባሕርን መሬትን ዝተዋደደ መጥቃዕቲ ንምክያድ ወተሃደራዊ ምድላዋት ከምዝዛመ ኣፍሊጡ። 

እስራኤል፡ ኣብ ቓዛ 'ብኣየር፣ ብባሕርን ብመሬትን' መጥቃዕቲ ንምፍፃም ከምዝተዳለወት ኣፍሊጣ

ኣብ ሰሜናዊ ፈረንሳ፡ ከተማ ኣራስ ኣብ ዝርከብ ቤት ትምህርቲ ብካራ መጥቃዕቲ ምፍጻሙ ስዒቡ፡ ቀዳመይቲ ሚኒስተር ፈረንሳ፡ ሃገሩ ኣብ ዝለዓለ ደረጃ ጥንቃቐ ጸረ ግብረሽበራ ክትገብር ኣዚዛ።

ፈረንሳ፡ ኣብ ቤት ትምህርቲ ዝተፈፀመ መጥቃዕቲ ካራ ስግኣት ጸጥታ ኣስዒቡ

ኣብቲ ብቐረባ ብመጥቃዕቲ ሮኬት ክህረም ዝኽእል ደቡባዊ ግዝኣት እስራኤል ዘለዉ ኤርትራውያን ኣብ ሓደጋ ከምዘለዉ ብምግላጽ፡ ዛጊት 19 ስድራቤት ካብ ነቲቦ ናብ ኪበራ ዝበሃል ብተዛማዲ ውሑስ ዝዀነ ከባቢ፡ ምስ ምምሕዳር ብምትሕብባር ኣግዒዝናዮም ኣለና ኢሉ። 


‘ኣብ ገዛይ ሮኬት ዓሊቡ ብዕድል ወጺአ’፡ ኵነታት ኤርትራውያን ኣብ እስራኤል 

እስራኤል ሕነ ንምፍዳይ መጥቃዕቲ ነፈርቲ ካብ እትጅምር ንደሓር ኣብ ቓዛ ልዕሊ 1400 ሰባት ተቐቲሎም። ናይ መሬት መጥቃዕቲ እውን ትጽቢት ይግበር።

ጋዜጠኛታት ቢቢሲ ብፖሊስ እስራኤል ተጠቒዖም

ሚኒስተር ውሽጣዊ ጉዳያት ፈረንሳ ጀራልድ ዳርማኒን፡ እቶም ሕጊ ዝጥሕሱ ዘለዉ ወጻእተኛታት ካብታ ሃገር ክስጐጉ ከምዝኽእሉ ከጠንቅቕ እንከሎ፡ ፕረዚደንት ኢማኑወል ማክሮን ድማ ሓድነት ክህሉ ጸዊዑ።

ጸረ-ሴማውነት ኣብ ዘስግኣሉ፡ ፈረንሳ ሰልፊታት ደገፍ-ፍልስጤም ኣጊዳ

እቲ 2.2 ሚልዮን ህዝቢ ብጻዕቂ ዝነብረሉ ዞባ ቓዛ፡ 41 ኪ.ሜ ንውሓትን 10 ኪ.ሜ ዝፍሓትን ዘለዎ፡ ብማእከላይ ባሕሪ፡ እስራኤልን ግብጽን ዝዳወብ ምድረበዳ እዩ።
ፈለማ ብግብጺ ተታሒዙ ዝነበረ ቓዛ፡ ኣብ 1967 ኣብ ዝተኻየደ ኲናት ማእከላይ ምብራቕ ብእስራኤል ተታሒዙ። እስራኤል ኣብ 2005 ሰራዊታን ኣስታት 7 ሽሕ ኣይሁዳውያን ሰፋሮን ኣውጺኣ።

ናብራ ዞባ ቓዛ እንታይ ይመስል?

ናይ ቀደም ፍልስጤም ኣብ ክልተ ተመቒላ ሃገራት ዓረብን ኣይሁድን ክምስረታ ድሕሪ ምውሳኑ፡ ምትፍናንን ኲናትን ብዝተፈላለየ ደረጃ ክረስንን ክዝሕልን ዓመታት ሓሊፎም እዮም። ኣብ መንጐ እስራኤልን ሓይልታት ፍልስጤምን ዝካየድ መጥቃዕትን ውግእን ብተደጋጋሚ እኳ እንተቐጸለ፡ እቲ ኣብ ዝሓለፈ ቀዳም ዘጋጠመ ግን ካብ ካልእ እዋናት ዝተፈልየ ስለዝዀነ ኣሻቓሊ ኰይኑ'ሎ።

እስራኤልን-ፍልስጤምን ዘዋጥርዎም 5 ነጥቢታት እንታይ’ዮም?

እቲ ሕብረት ብቕድሚ ትማሊ ሰሉስ’ውን ንኤክስ (ናይ ቀደም ትዊተር) ተመሳሳሊ መጠንቀቕታ ኣውጺኡ ነይሩ።
ንፌስቡክን ኢንስታግራምን ዝውንን ኩባንያ ሜታ መልሲ ክህብን ሕጊ ኤውሮጳ ክኽተልን ናይ 24 ሰዓታት ገደብ ግዜ ተዋሂብዎ ኣሎ።

ፌስቡክን ኤክስን ኣብ ጉዳይ እስራኤል - ቓዛ መጠንቀቕታ በፂሕዎም

ኣገልግሎት ስለያ እስራኤል ነቲ ብፍልስጤማውያን ዕጡቓት ዝተፈጸመ ከቢድ መጥቃዕቲ ኣቐዲሙ ምክልኻል ብዘይምኽኣሉ ኣብ ትሕቲ ክትትል ይርከብ።  

ግብጺ ቅድሚ መጥቃዕቲ ሓማስ ንእስራኤል ኣጠንቂቓ ነይራ ድያ?

ሓማስ ነቲ እስላማዊ ምንቅስቓስ ተቓውሞ ዝገልጽ ዓረብኛ ኣሕጽሮተ-ቃል’ዩ። እዚ ምንቅስቓስ፡ ድሕሪ'ቲ ኣብ 1988 ኣንጻር እታ ንምዕራባዊ ገማግም ባሕርን ወሽመጥ ቓዛን ዝተቘጻጸረት እስራኤል ዝተለዓለ ናዕቢ (ኢንቲፋዳ ፍልስጤም) ዝተጀመረ ኰይኑ፡ ብመሰረት ቅዋሙ ድማ ተወፋይነቱ ንእስራኤል ምጥፋእ’ዩ።

ብዛዕባ እስራኤል-ሓማስ እንታይ ትፈልጡ?

ኣብ ዝቐጽሉ መዓልታት ውግእ ክሕይልን ካብ ቓዛ ዝረኣዩ ትርኢታት "ንኽትርድኦምን ክትጻወሮምን ዘጸግሙ” ከም ዝዀኑ ድማ ይግለጽ ብምህላዉ ድማ ከቢድ ስክፍታ ፈጢሩ'ሎ።

ግጭት እስራኤል-ሓማስ ናበይ'ዩ ኣንፈቱ?

ብዙሓት ሰባት፡ ዕጡቓት ሓማስ ኣብ ከባቢ ቓዛ ኣብ ዝርከቡ ማሕበረሰባት ድላዮም ኣብ ዝፈጸሙሉ ነዊሕ ሰዓት፡ ሓይልታት ምክልኻል እስራኤል ኣበይ ነይሮም ኢሎም ይሓቱ። ካብ ነዊሕ እዋን ኣትሒዙ ወተሃደራውን ስለያውን ዓቕሚ እስራኤል፡ ኣብ ማእከላይ ምብራቕ እቲ ዝበለጸ ኣብ ዓለም ድማ ሓደ ካብቶም ብሉጻት ከም ዝዀነ ክሕሰብ ጸኒሑ እዩ።

እስራኤል መጥቃዕቲ ሓማስ ንምምካት ስለምንታይ ደንጒያ?

ትማሊ ሰኑይ ኣብ ዶብ ምስ ሊባኖስ ምስ ዕጡቓት ኣብ ዝተኻየደ ግጭት ሓደ ላዕለዋይ መኮነን እስራኤል ከም ዝተቐትለ ሰራዊት እስራኤል ኣረጋጊጹ።

ሓደ ላዕለዋይ መኮነን እስራኤልን ዕጡቓትን ብወገን ዶብ ሊባኖስ ኣብ ዝተወልዐ ግጭት ተቐቲሎም 

ውድብ ሕቡራት ሃገራት፡ ናይ ቀደም ፍልስጤም ኣብ ክልተ ተመቒላ ሃገራት ዓረብን ኣይሁድን ክምስረታ ድሕሪ ምውሳኑ እስራኤል ናይ ገዛእ ርእሳ መንግስቲ መስሪታ ሓንቲ ካብ ልኡላውያን ሃገራት ዓለም ክትከውን በቒዓ። ፍልስጤም ግን ክሳብ ሕጂ ነዚ ኣይበቕዐትን።እዚ መጥቃዕቲ ሓማስን ሕነ ምፍዳይ እስራኤልን ክሳብ ክንደይ ከምዝኸይድ ንጹር እኳ እንተዘይኮነ፡ ብቕልጡፍ ደው ዝብል ግን ኣይመስልን።
ንምዃኑ፡ መበገሲ ናይዚ ምፍጣጥን ኲናትን ፍልስጤምን እስራኤልን እንታይ እዩ? 

ወጥሪን ኲናትን እስራኤል-ፍልስጤም ክንግንዘብ ዘኽእሉና 5 ቀንዲ ነጥቢታት

ዕጡቓት ሓማስ ኣብ ቓዛ ትርኢት ሙዚቃ ይከታተሉ ኣብ ልዕሊ ዝነበሩ ሰባት ብዝወሰዶ መጥቃዕቲ 250 ኣስከሬን ከምዝረኸቡ ሰራሕተኛታት ምድሓን ህይወት ገሊጾም።

ደሃይ ደቆም ስኢኖም ኣብ ሻቕላ ዘለዉ እስራኤላውያን

ድሕሪ’ቲ ሓማስ ኣብ ከባቢ ምድረበዳ ቓዛ ኣብ ልዕሊ ማሕበረሰባት እስራኤል ዝፈጸሞ ዘስካሕክሕ መጥቃዕቲ፡ ተሳትፎ ቀንዲ ጸላኢት-እስራኤል ዝዀነት ኢራን ዝምልከት ሕቶታት ይለዓል ኣሎ።

ኢራን፡ ኣብ ውጥን መጥቃዕቲ ሓማስ ኢድ ሓዊሳ ድያ?

ብሓፈሻ ኣብ ናይዚ ዓመት መወዳእታ ዘለዋ ሰለስተ ኣዋርሕ፡ ጠለብ ነዳዲ ካብ ቀረብ ክዛይድ ትጽቢት ከምዘሎ ዝሓበረት እታ ክኢላ ስነ-ቝጠባ "እዚ ድማ ንምውሳኽ ዋጋታት ከምዘጠናኽር" ኣተንቢሃ።

ብሰንኪ ግጭት  እስራኤል-ሓማስ ኣብ ሓደጋ ዘሎ ዋጋ ነዳዲ ዓለም 

ካብ ዕጡቕ ጕጅለ ሓማስ መጥቃዕቲ ዝወረዳ እስራኤል ኵናት ድሕሪ ምእዋጃ ቍጽሪ ዝሞቱ ሰባት በብግዜኡ ይውስኽ ከምዘሎ ጸብጻባት ይሕብሩ።

ብሓማስ መጥቃዕቲ ዝወረዳ እስራኤል ኵናት ኣዊጃ

ሚኒስትር ምክልኻል ኣመሪካ ሎይድ ኦስቲን ከምዝሓበሮ፡ ዩኤስኤስ ጀራልድ ኣር ፎርድ መራኽብ ፅዕነት ነፈርቲ፣ ክሩዘር ሚሳይልን ኣርባዕተ ኣዕነውቲ ሚሳይላትን ናብቲ ከባቢ ተንቀሳቒሱ ኣሎ። ነፈርቲ ውግእ ኣመሪካ እውን ተላኢከን ኣለዋ። ኣብ ዝቕጽሉ መዓልታት ንእስራኤል ተወሳኺ ወተሃደራዊ ሓገዝ ክለኣኽ ምዃኑ ዝገለጸ ቤተመንግስቲ ዋይት ሃውስ፡ ‘ጸላእቲ እስራኤል ካብቲ ኩነታት ክብለፁ ከይፍትኑ’ ኣመሪካ ትሰርሕ ከምዘላ ሓቢሩ።

ኣመሪካ መራኽብ ውግእ ናብ እስራኤል ኣፀጊዓ

ሓማስ ካብ ቀዳም ምሸት ጀሚሩ 150 ዒላማታት ከምዝተሃርሙ ይገልጽ። እዚኦም ድማ ወተሃደራዊ ቦታታት፣ ኣባይቲ መራሕቲ እቲ ዕጡቕ ጉጅለ ከምኡ'ውን ብሓማስ ዝመሓደራ ባንክታት ይርከብዎም።
ሓደ ካብቶም ኣዝዮም ወሰንቲ ዝበሃሉ መጥቃዕቲ እስራኤል ድማ፡ ትማሊ ሰንበት ንግሆ ነቲ ኣብ ጋዛ ከም ማእከል ኣቕረብቲ ኣገልግሎት ኢንተርነት ኮይኑ ዘገልግል ‘ታወር ዋታን’ ዒላማ ዝገበረ እዩ።

እስራኤልን ፍልስጤማውያንን