ዋንጫ ዓለም 2026

ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ሎሚ ለይቲ ዩክረይን ከምዘካየደቶ ዝጥርጠር መጥቃዕቲ ሰብ ኣልቦ ነፈርቲ ኣብ ከተማ ሮስቶቭ-ኦን-ዶንን ኣብ ከባቢ ሞስኮን ከምዝተፈጸመ ተገሊጹ’ሎ።
ዘይተረጋገጸ ቪድዮ፡ ኣብ ማእከላይ ሮስቶቭ ዝተፈጸመ ፍንጀራ ዝመስል ፍፃመ ዘርእይ ኮይኑ፡ ኣመሓዳሪ ናይታ ከተማ ቫሲሊ ጎሉቤቭ ሓደ ሰብ ቀሊል መቑሰልቲ ከምዘጋጠሞን ብዙሓት መካይን ከምዝተወቕዓን ይሕብር።

ኣሜሪካ ዩራንየም-ቦምባ ታንኪ ንዩክረይን ከተዕጥቕ እያ

ጉጅለ ቫግነር፡ ሩስያ ኣብ ልዕሊ ዩክሬን ኣብ ዘካየደቶ ወራር ወሳኒ እጃም ዝፈፀመ ኮይኑ፤ ኣብ ሶርያ ከምኡ’ውን ሊብያን ማሊን ሓዊሱ ኣብ ሃገራት ኣፍሪቃ ይንቀሳቐስ። ተዋጋእቱ ድማ ንዜጋታት ዩክሬን ብምቕታልን ብምግፋዕን ሓዊሱ ብብዙሕ ገበናት ይኽሰሱ።

ቫግነር፡ 'ግብረሽበራዊ' ክትብል ብሪጣንያ ክትእወጅ እያ

ዩክረይን ነታ ኣብ 2014 ሩስያ ብሓይሊ ጐቢጣ ዝጸንበረታ ክሪሚያ ንምምላስ ዘለዋ ዕቱብ ዕላማ ዘርኢ ምዃኑ ይግመት።

ዩክረይን፡ ክረማዊ ሚኒስተር ምክልኻል ሸይማ እንታይ ትጽበ?

ብዛዕባ እቲ ብኻልኦት ማዕከናት ዜና ኣመሪካ እውን ዝተዘርግሐ ጸብጻብ፡ ካብ ሰሜን ኮርያ ይኹን ሩስያ ዝተዋህበ ርእይቶ የለን። ምንጭታት ንጋዜጣ ኒውዮርክ ታይምስ ከምዝሓበርዎ ኪም ብመከላኸሊ ኣብ ዝተሸፈነት ባቡር ክጓዓዝ ዝለዓለ ተኽእሎ ኣሎ።

ኪም ዮንግ ኡን 'ኣብ ጉዳይ ኣጽዋር ንምዝርራብ ምስ ፑቲን ክራኸብ እዩ'

እቲ ሚኒስተር መንግስቲ ዘለንስኪ ኣንጻር ብልሽውና ሰፊሕ ወፍሪ ኣብ ዝጀመረሉ ካብ ሓላፍቱ ዝተኣለየ ኮይኑ፡ እታ ሃገር ናብ ከም ሕብረት ኣውሮጳ ዝበሉ ትካላት ምዕራባውያን ክትሕወስ ወሳኒ ስጉምቲ እዩ።

ዘለንስኪ ስለምንታይ ንሚኒስተር ምክልኻል ካብ መዝነት ኣልይዎ?

ፋውንዴሽን ኖቤል፡ ኣብዚ ዓመት ኣብ ስቶክሆልም ኣብ ዝካየድ ስነ-ስርዓት ሽልማት ሩስያ፡ ቤላሩስን ኢራንን ንክሳተፋ ዝገበሮ ዕድመ ከም ዝሰሓበ ኣፍሊጡ።

ሩስያን ኢራንን ኣብ ድግስ ሽልማት ኖቤል ከይርከባ ተኣጊደን

ደገፍቲ ኲናት ዝዀኑ ጸለውቲ፡ ካብቲ ኣብ ማሕበራዊ መራኸቢታት ዝህብዎ ሽፋን እቲ ጐንጺ ዓቢ ኣታዊታት መወዓውዒ ይረኽቡ ኣለው።

ቴሌግራም፡ ካብ ፕሮፖንዳ ኲናት ዝኸስቡ ዘለው ጸለውቲ 

ብማዕከን ዜና ሩስያ ታስ ንህጹጽ ኣገልግሎት ብምጥቃስ ዝወጽአ ፈላማይ ጸብጻብ ኣርባዕተ ነፈርቲ ኢሊዩሺን 76 (ኢል-76) ከም ዝዓነዋ፡ ክልተ ድማ ብ "ሃልሃልታ" ሓዊ ከም ዝተባራዓ ገሊጹ።

ወተሃደራውያን ነፈርቲ መጓዓዝያ ሩስያ ብሰብ-ኣልቦ ነፋሪት ተሃሪመን

ዲመትሪ ኡትኪን መን’ዩ? ካልኦት ኣብታ ነፋሪት ፕሪጐዢን ዝነበሩ'ኸ በዓል መን’ዮም?

ሰበስልጣን ኣቬሽን ሩስያ፡ ኣብ መንጎ ሞስኮን ሴንት ፒተርስበርግን ትበርር ዝነበረት ‘ኤምብራየር ሌጋሲ’ ዝተባህለት ነፋሪት ብሕቲ፡ ትማሊ ረቡዕ ምሸት ኣብ ሰሜን ሞስኮ ኣብ ዝርከብ ዞባ ትቨር ከምዝወደቐት ኣረጋጊጾም ኣለዉ።

ፑቲን፡ ድሕሪ ሓደጋ ነፋሪት ፕሪጐዥን እንታይ ኢሉ?

ነቲ ትማሊ ዝሞተ የቭገኒ ፕሪጎዢን ፡ ድሕሪ እቲ ኣብ ወርሒ መጋቢት ዝመረሖ ናዕቢ፡ ንጉዳይ ሩስያ ዝከታተሉ ሰባት “ዝንቀሳቐስ ሬሳ” ገይሮም'ዮም ክገልጽዎ ጸኒሖም።
 ምሕምሻሽ እታ ንፕሪጎዥን ሒዛ እትበርር ዝነበረት ነፋሪት ኮነ ተባሂሉ ብመንግስቲ ሩስያ ዝተፈጸመ ጨካን ናይ ሕነ ምፍዳይ ስጉምቲ እንተኾይኑ፡ ኣብ ታሪኽ ሩስያ ዝለዓለ  “ፍሉይ ወታሃደራዊ ስርሒት ተገይሩ” ክውሰድ እዩ።

መራሒ ቫግነር ፕሪጎዢን፡ “ዝንቀሳቐስ ሬሳ” ድዩ ነይሩ?

ፕሪጎዚን፡ ኣንጻር እቶም ኣብ ዩክሬን ብዝነበሮም ስትራተጂ ብተደጋጋሚ ዝነቕፎም ላዕለዎት ወተሃደራዊ ኣዘዝቲ ሩስያ ንሓጺር እዋን ናዕቢ ካብ ዘበግስ ጀሚሩ፡ ብተዛማዲ ድምፁ ኣጥፊኡ እዩ ቀንዩ።

የቭገኒ ፕሪጎዢን፡ ክሳብ ሕጂ ብዛዕባ እቲ ሓደጋ ነፋሪት እንታይ ንፈልጥ?

ሩስያ ኣብ ልዕሊ ኣብ ሰሜናዊ ክፋል ዩክረይን እትርከብ ከተማ ቸርኒሂቭ ብዝተፈጸመቶ መጥቃዕቲ ሚሳይል ወዲ ሽዱሽተ ዓመት ህጻን ዝርከቦም ብውሕዱ 7 ሰባት ከም ዝሞቱን ኣስታት 110 ድማ ከም ዝቖሰሉን ተገሊጹ።

ዩክረይን፡ ወዲ ሽድሽተ ዓመት ህፃን ዝርከቦም 7 ሰባት  ብመጥቃዕቲ ሚሳይል ሞይቶም

ሚኒስትሪ ምክልኻል ሩስያ በቲ መጥቓዕትን እታ ድሮንን ክትወድቕ እንከላን ዝኾነ ሰብ ከምዘይተሃረመ ክገልጽ እንከሎ ከንቲባ ከተማ ሞስኮ ሰርጄ ሶብያኒን ብወገኑ እታ ድሮን ኣብ ማእከል ኤክስፖ “ከቢድ ክብሃል ዝክኣል ዕንወት ኣየውረደትን” ኢሉ።
ብመንግስቲ ሩስያ ዝውነን ታስ ዝተብሃል ማዕከን ዜና፡ በቲ መጥቓዕቲ 30 ትርብዒት ሜትሮ ዝኸውን ቦታ ከምዝተሃርመን ሓደ ደጋዊ ክፋል ናይ ማእከል ኤክስፖ ከምዝፈረሰን፡ ንሰራሕተኛታት ህይወት ኣድሕን ከም ምንጩ ብምጥቓስ ገሊጹ ኣሎ።

ዩክረይን ኣብ ማእከል ሞስኮ ናይ ድሮን መጥቃዕቲ ፈጺማ

ዘለንስኪ ብዛዕባ ማእሰርቲ እታ ሰበይቲ ሓበሬታ ከምዝበፅሖ ብምርግጋፅ፡ ሓላፊ ‘ኤስቢዩ’ [ትካል ድሕነት ዩክረይን] ብዛዕባ "መኸተ ኣንጻር ከዳዓት" እዋናዊ ምዕባለታት ዝህብር ፀብፃብ ኣብ ዘቕረበሉ እዋን ከምዝነገሮ ኣመልኪቱ።

ዘለንስኪ ንምቕታል ውዲት ኣሊማ ዝተበሃለት ሰበይቲ ተታሒዛ

11 ኣባላት ዝሓዘት ነዳዲ እትጽዕን መርከብ ሩስያ ኣብ ጸሊም ባሕሪ ብዩክረይን መጥቃዕቲ ከምበጽሓ ሰበስልጣን ሩስያ ኣፍሊጦም። 

ዩክረይን ኣብ ልዕሊ ነዳዲ እትጽዕን መርከብ  መጥቃዕቲ ምፍጻማ ሩስያ ገሊጻ

ዩክረይን ናብ ሃገራት ኣፍሪቃ፣ ቻይናን እስራኤልን ክለኣኽ ዝተኣሰብ ኣስታት 40 ሽሕ ቶን እኽሊ ብመጥቃዕቲ ሰብ ኣልቦ ነፈርቲ ከም ዝተጎድአ ትገልጽ።

'ሩስያ፡ ንኣፍሪቃን ካልኦት ሃገራትን ዝተሓስበ 40 ሽሕ ቶን ኣጥቂዓ' - ዩክረይን

ጆ ባይደን ብ ‘ስፒከርፎን’ ምስ ወዱ እንታይ ኣዋጊዑ?

ሓይልታት ዩክረይን፡ ነታ ኣብ ምብራቕ እታ ሃገር እትርከብ ከተማ ባክሙት ዳግማይ ንምሓዝ ይጽዕሩ ኣለዉ።
ሓደ ጕጅለ ቢቢሲ፡ "ርዅስ መንፈስ ባክሙት-ጎስት" ተባሂሎም ዝጽውዑ፡ ለይቲ ለይቲ ወፈራ ምስ ዘካይዱ ሰብ-ስናይፐራት ዝሓቘፈ ጋንታ ክንቀሳቐስ፡ ፍሉይ ዕድል ረኺቡ።

ምስ መስርዕ ስናይፐር ኣብ ድፋዕ ዝወፈረ ጋዜጠኛ እንታይ ርእዩ?

ሩስያ ንዩክረይን ካብ ትወርር ንነጀው፡ ካብ ዶብ ዩክረይን 500 ኪሎ ሜትር ርሒቃ ትርከብ ሞስኮ፡ ኣብ ቀረባ እዋን’ያ ዒላማ መጥቃዕቲ ኪቭ ኰይና።

እቲ ኵናት ናብ ሩስያ ገጹ ይምለስ ኣሎ ድዩ?

ኣብ ቤላሩስ ዝርከቡ ተቓለስቲ ቫግነር ስደተኛታት መሲሎም ናብ ሕብረት ኤውሮጳ ክኣትዉ ከም ዝኽእሉ ቀዳማይ ሚኒስተር ፖላንድ ማቴውስ ሞራዊኪ ኣጠንቂቑ።

ኣባላት ጉጅለ ቫግነር ስደተኛ መሲሎም ናብ ኤውሮጳ ከይኣትዉ ፖላንድ ኣጠንቂቓ

ኣብ ዋዕላ ሩስያ-ኣፍሪቃ ዝሳተፍ ዘሎ ፕረዚደንት ኢሳይያስ ኣፈወርቂ፡ ኣብቲ ምስ ፕረዚደንት ቭላድሚር ፑቲን ዝገበሮ በይናዊ ርክብ ኣጠማምታ’ኡ ኣብ ህልው ኵነታትን ስርዓትን ዓለም፡ ብፍላይ ምስ ኲናይ ሩስያ ዩክረይን ኣተሓሒዙ ኣነጺሩ።
ንሱ ኣብቲ ዝገበሮ መግለጺ፡ “ሰባት ኲናት ሩስያ-ዩክረይን ክብሉ እንከለዉ፡ ኣነ ግን፡ ኲናት ሩስያ-ዩክረይን ዝበሃል ብመሰረቱ’ውን የለን እየ ዝብል፤ እዚ፡ ብኔቶ ኣብ ልዕሊ ሩስያ ዝተኣወጀ ኲናት እዩ፡” ኢሉ።

ፕረዚደንት ኢሳይያስ ኣብ ርክቡ ምስ ፕረዚደንት ፑቲን እንታይ ኢሉ?

ሩስያ ኣብ ምብራቓዊ ዩክረይን ከተማ ዲኒፕሮ ኣብ መንበሪ ገዛውትን ህንጻ ኣገልግሎት ጸጥታን ብዝፈጸመቶ መጥቃዕቲ ሚሳይል፡ ክልተ ቈልዑ ዝርከብዎም 9 ሰባት ከምዝተጐድኡ ሰበስልጣን ገሊጾም።

ሩስያ ኣብ ምብራቓዊ ዩክረይን መጥቃዕቲ ሚሳይል ፈጺማ

ሩስያ ብዛዕባ እዚ ዝተጠቕሰ ፍጻመ ዝዀነ መግለጺ’ኳ እንተዘይሃበት፡ ኣብ መጀመርታ ናይዚ ሰሙን’ዚ ግን፡ ነፈርቲን ድሮናትን ኣሜሪካን መሻርኽታን "ንክሊ ኣየር ሶርያ ይጥሕሳ ኣለዋ" ክትብል ከሲሳ ነይራ።