ዶክተር ቴድሮስ ኣድሓኖም ናይ ሞት ምፍርራሕ ይበጽሓኒ ኣሎ ኢሉ

ቀጥታዊ ሸፈነ

1. 7 ሚያዝያ 2020ቻይና ንፈለማ ግዘ ብኮሮናቫይረስ ዝሞተ ሰብ ከምዘይብላ ኣፍሊጣ

   

   ምንጪ ስእሊ, Getty Images

   ቻይና ኣብቲ ዝሓለፈ 24 ሰዓታት፡ ብኮሮናቫይረስ ዝተለኸፉ 32 ሰባት ከምዝረኸበትን፡ ኩሎም ድማ ካብ ሃገራት ወፃኢ ዝመፅኡ ከምዝኾኑን ኣፍሊጣ።

   ኣብቲ ዝሓለፈ ሓደ መዓልቲ፡ ኣብ ቻይና ብኮሮናቫይረስ ዝሞተ ሰብ ከምዘየለ’ውን ገሊጻ።።

   ወኪል ዜና ፈረንሳ [AFP] ከም ዝጸብጸቦ፡ ሚኒስትር ጥዕና እታ ሃገር፡ ቻይና ካብ ዝሓለፈ ወርሒ ጥሪ ንዝርገሐ ኮቪድ-19 ዝምልከት ሓበሬታ ዕላዊ ምግባር ካብ ትጅምር፡ ሞት ከምዘየጋጠመ ክግለጽ ከሎ፡ እዚ ንፈለማ ግዘ እዩ።

   ኣብ ቻይና 81,740 ብኮሮናቫይረስ ዝተትሓዙ፡ ልዕሊ 3,300 ሰባት ድማ፡ ግዳያት ሞት ከምዝኾኑ ይግለጽ።

2. 7 ሚያዝያ 2020"ኣፍሪቃ መፈተኒ ክታበት ኣይትኸውንን" ዶክተር ቴድሮስ ኣድሓኖም, ዳይሬክተር ውድብ ጥዕና ዓለም 'ክታበት ኮሮናቫይረስ ኣብ ኣፍሪቃ ይፈተን' ንዝብል ርእይቶ ብትሪ ነቒፉ።

   

   ምንጪ ስእሊ, GETTY IMAGES

   ዳይሬክተር ውድብ ጥዕና ዓለም ዶክተር ቴድሮስ ኣድሓኖም፡ 'ክታበት ኮሮናቫይረስ ኣብ ኣፍሪቃ ክፍተን ኣለዎ' ንዝብል ሓሳብ ክልተ ፈረንሳውያን ዶኳትር 'ዓሌታዊ' ክብል ነቒፉ።

   "ኣፍሪቃ ንዝኾነ ዓይነት ክታበት መፈተኒ ክትኸውን ኣይትኽእልን ኣይትኸውንን" ክብል ነቲ ርእይቶ ብትሪ ተቓዊሙ።

   እቶም ክልተ ዶካትር ኣብ ናይ ቴለቪዥን ፕሮግራም ቀሪቦም ዝሃብዎ ንብዙሓት ከቖጥዕ ከሎ፡ ንኣፍሪቃውያን ከም "ከም ናይ ጊኒ ኣናጹ" ብምሕሳቦም ተነቒፎም።

   ሓደ ካብቶም ዶካትር ጸኒሑ ይቕረታ ሓቲቱ እዩ።

   ብዛዕባ'ዚ ተሓቲቱ መልሲ ዝሃበ ዶክተር ቴድሮስ፡ ቁጥዕኡ ብቕሉዕ እናተርኣየ ነቲ ርእይቶ ዶካትር ሕዳር ናይ "መግዛእታዊ ኣተሓሳስባ" ክብል ገሊጽዎ።

3. 7 ሚያዝያ 2020ኮሮናቫይረስ ንምክልኻል ክንገብሮም ዘለና ጥንቃቐታት

   

   ምንጪ ስእሊ, ቢቢሲ

   ኣብዚ ዕለት ዝህልዉ ዓለማዊ፣ ኣህጉራውን ሃገራውን ምዕባለታት ኮሮናቫይረስ ንምክትታል ምርጫኹም ቢቢሲ ትግርኛ ስለዝገበርኩም ነመስግን።

   ካብ ኮሮናቫይረስ ንነብስኹም ክትሕልዉ ድማ ብሰብ ሞያ ንዝወሃብ ማዕዳ ክትፍጽሙ ክነዘኻክረኩም ንፈትው።

   ብሩኽ መዓልቲ