ఉత్తర భారతదేశాన్ని వణికిస్తున్న చలి గాలులు
ఫొటో సోర్స్, ANI
చలి గాలుల వల్ల ఉత్తర భారతదేశంలో పొగమంచు దట్టంగా అలుముకుంది.
దిల్లీ, యూపీ, రాజస్థాన్, బిహార్, హరియాణ రాష్ట్రాల్లో ఉష్ణోగ్రతలు తగ్గడంతోపాటు పొగమంచు వల్ల వాహనదారులు ఇబ్బందులు ఎదుర్కొన్నారు.
బిహార్లో కొన్ని రైళ్లను రద్దు చేశామని మరికొన్ని రైళ్లు ఆలస్యంగా నడుస్తున్నాయని అధికారులు తెలిపారు.
రాజస్థాన్లోని కొన్ని చోట్ల చలి వల్ల పాఠశాలలకు సెలవులు ఇచ్చారు.
మరొక రెండు మూడు రోజులు ఉత్తర భారతదేశంలో వాతావరణం ఇలాగే ఉండొచ్చని వాతావరణశాఖ తెలిపింది. చురులో ఉష్ణోగ్రతలు దాదాపు సున్నాకు పడిపోయాయి.
