You’re viewing a text-only version of this website that uses less data. View the main version of the website including all images and videos.
ఆంధ్రప్రదేశ్లోని గుంటూరు జిల్లా దుగ్గిరాల మండలం తుమ్మపూడిలో ఉద్రిక్తత ఏర్పడింది. హత్యకు గురైన బాధితురాలి కుటుంబాన్ని పరామర్శించేందుకు వెళ్లిన టీడీపీ ప్రధాన కార్యదర్శి నారా లోకేష్ని అధికార వైసీపీ శ్రేణులు అడ్డుకునే ప్రయత్నం చేశాయి.
వరికూటి రామకృష్ణ
యుక్రెయిన్కు మరింత సాయం అందించాలని అమెరికా అధ్యక్షుడు జో బైడెన్ ప్రతిపాదించారు.
సైనిక, ఆర్థిక, మానవీయ సాయంగా 33 బిలియన్ డాలర్లు అంటే సుమారు రూ.2.5 లక్షల కోట్లు అందించేందుకు ఆయన కాంగ్రెస్ అనుమతి కోరారు. అయితే తాము రష్యాను లక్ష్యంగా చేసుకోవడం లేదని తెలిపారు.
యుక్రెయిన్ తనను తాను రక్షించుకునేందుకు ఈ సాయం ఎంతో అవసరమని బైడెన్ చెప్పుకొచ్చారు.
ఐక్యరాజ్యసమితి జనరల్ సెక్రటరీ ఆంటోనియో గ్యుటేరస్ యుక్రెయిన్ రాజధాని కీయెవ్లో పర్యటిస్తున్న సమయంలోనే ఆ నగరం మీద రాకెట్ దాడులు జరిగాయి. ఈ నేపథ్యంలో యుద్ధాన్ని ఆపడంలో ఐక్యరాజ్యసమితి సెక్యూరిటీ కౌన్సిల్ విఫలమైందని ఆయన విమర్శించారు.
‘ఇది తీవ్ర నిరాశకు గురి చేస్తోంది. పట్టలేని అసహనం, కోపం వస్తోంది. ఈ యుద్ధాన్ని ముందే నివారించడంలో కానీ ఆపడంలో కానీ యూఎన్ సెక్యూరిటీ కౌన్సిల్ విఫలమైందని నేను స్పష్టంగా చెబుతున్నా.’ అని గ్యుటేరస్ అన్నారు.
ఇక యుక్రెయిన్కు సైనిక, ఆర్థిక, మానవీయ సాయంగా 33 బిలియన్ డాలర్లు అందించేందుకు అమెరికా అధ్యక్షుడు జో బైడెన్ కాంగ్రెస్ను అనుమతి కోరారు.
ఇవీ ఈనాటి ముఖ్య పరిణామాలు. దీనితో నేటి బీబీసీ తెలుగు లైవ్ పేజీని ముగిస్తున్నాం.
రష్యా - యుక్రెయిన్ యుద్ధం తాజా సమాచారం కోసం బీబీసీ న్యూస్ లైవ్ పేజీని ఫాలో అవండి.
జార్ఖండ్ ముఖ్యమంత్రి హేమంత్ సోరేన్ గురువారం సాయంత్రం హైదరాబాద్లో తెలంగాణ ముఖ్యమంత్రి కె.చంద్రశేఖర్ రావుతో సమావేశమయ్యారు.
ఇరువురు ముఖ్యమంత్రులూ ప్రగతి భవన్లో భేటీ అయ్యారు. హేమంత్ సోరేన్ సొంత పని మీద హైద్రాబాద్ వచ్చినట్టు సమాచారం.
కేసీఆర్ గతంలో కూడా హేమంత్ సొరేన్ని కలిశారు. ఇప్పుడు మరోసారి వీరిద్దరూ భేటీ కావటం ప్రాధాన్యం సంతరించుకుంది.
దేశ రాజకీయాల్లో టీఆర్ఎస్ దృష్టి సారించిందని, దేశానికి కొత్త ఎజెండా కావాలని కేసీఆర్ బుధవారం నాడు టీఆర్ఎస్ ఆవిర్భావ దినోత్సవం సందర్భంగా ప్లీనరీలో మాట్లాడుతూ పేర్కొన్నారు. కేంద్రంలోని బీజేపీ ప్రభుత్వం మీద తీవ్ర విమర్శలు ఎక్కుపెట్టారు.
ఈ నేపథ్యంలో సోరేన్, కేసీఆర్ భేటీ ఆసక్తికరంగా మారింది.
ప్రముఖ పారిశ్రామికవేత్త, టాటా సన్స్ గౌరవ చైర్మన్ రతన్ టాటా తన జీవితంలో చివరి సమయాన్ని ఆరోగ్య రంగానికి అంకితం చేయాలని నిర్ణయించుకున్నట్లు చెప్పారు.
అస్సాంలోని దిబ్రూగడ్లో టాటా ట్రస్ట్స్ ఆధ్వర్యంలోని అస్సాం క్యాన్సర్ కేర్ ఫౌండేషన్ (ఏసీసీఎఫ్) నిర్మించిన ఏడు క్యాన్సర్ ఆస్పత్రులను గురువారం ప్రధానమంత్రి నరేంద్రమోదీ ప్రారంభించారు. రాష్ట్రంలో మొత్తం 17 క్యాన్సర్ ఆస్పత్రులను నిర్మించాలన్నది ఏసీసీఎఫ్ లక్ష్యం.
అస్సాం ముఖ్యమంత్రి హిమంత బిశ్వ శర్మ కూడా ఈ కార్యక్రమంలో పాల్గొన్నారు. ఈ కార్యక్రమంలో రతన్ టాటా మాట్లాడారు. ఈ క్యాన్సర్ ఆస్పత్రులను ప్రారంభించటం రాష్ట్ర చరిత్రలో గొప్ప పరిణామమని అభివర్ణించారు.
క్యాన్సర్ చికిత్సలో అస్సాం అగ్రస్థానంలో నిలవబోతోందన్నారు.
అయితే.. ప్రసంగం ప్రారంభించటానికి ముందు రతన్ టాటా తాను హిందీలో మాట్లాడలేనని, కాబట్టి ఇంగ్లిష్లో మాట్లాడతానని చెప్పారు.
ఆంధ్రప్రదేశ్లోని గుంటూరు జిల్లా దుగ్గిరాల మండలం తుమ్మపూడిలో ఉద్రిక్తత ఏర్పడింది.
హత్యకు గురైన బాధితురాలి కుటుంబాన్ని పరామర్శించేందుకు వెళ్లిన టీడీపీ ప్రధాన కార్యదర్శి, మాజీ మంత్రి నారా లోకేష్ని అధికార వైసీపీ శ్రేణులు అడ్డుకునే ప్రయత్నం చేశాయి.
బాధితురాలికి నివాళి అర్పించిన లోకేష్ ఆ తర్వాత ఆమె కుటుంబ సభ్యులని ఓదార్చారు. ఆ సమయంలో లోకేష్కి వ్యతిరేకంగా కొందరు నినాదాలు చేశారు.
దాంతో పాటుగా లోకేష్ మీదకు రాయి విసిరినట్టు టీడీపీ నేతలు చెబుతున్నారు. లోకేష్కి సమీపంలోనే పెద్ద రాయి పడినట్టు ఆరోపించారు. అయినప్పటికీ పోలీసులు వైసీపీ కార్యకర్తలను నిలువరించలేదంటూ మండిపడ్డారు.
ఈ ఘటనపై లోకేష్ స్సందించారు. రాష్ట్రంలో ఎవరికీ చట్టాలంటే గౌరవం, భయం లేని పరిస్థితులు ఏర్పడ్డాయని ఆందోళన వ్యక్తం చేశారు. వెయ్యి రోజుల జగన్ పాలనలో 800మందికి పైగా మహిళలపై దాడులు జరిగాయన్నారు. గన్ కంటే ముందు వస్తానన్న జగన్ ఎక్కడా? అని ప్రశ్నించారు. నాపై రాళ్లు విసిరితే పారిపోతాననుకున్నారా అంటూ నిలదీశారు. పదిమంది వైకాపా మూకల్ని పోలీసులు కంట్రోల్ చేయలేరా అంటూ వ్యాఖ్యానించారు.
తుమ్మపూడిలోని సొంత ఇంట్లోనే బుధవారం మధ్యాహ్నం ఓ మహిళపై అత్యాచారం జరిగిందని వార్తలు వచ్చాయి. ఈ కేసులో దోషులను శిక్షించాలంటూ ఉదయం నుంచి సీపీఎం కార్యకర్తలు సహా పలువురు ఆందోళన వ్యక్తం చేశారు. బాధిత కుటుంబాన్ని ఆదుకుంటామని, నష్టపరిహారంగా రూ. 15లక్షలు, ఒకరికి ఉద్యోగం ఇస్తామని ప్రభుత్వం హామీ ఇచ్చింది. సాయంత్రం ఆ కుటుంబాన్ని పరామర్శించేందుకు టీడీపీ నేతలు వెళ్లిన సమయంలో ఉద్రిక్తత తలెత్తింది. ప్రస్తుతం పరిస్థితి సద్దుమణిగిందని పోలీసులు తెలిపారు.
క్రైమియాలోని సెవాస్తొపోల్ నౌకాశ్రయం ప్రవేశ మార్గం దగ్గర శిక్షణనిచ్చిన నౌకాదళ డాల్ఫిన్లను రష్యా మోహరించిందని అమెరికా నౌకాదళ సంస్థ (యూఎస్ఎన్ఐ) చెప్పింది.
యుక్రెయిన్ మీద రష్యా ఫిబ్రవరిలో సైనిక దండయాత్ర మొదలు పెట్టినపుడే రెండు డాల్ఫిన్ గూళ్లను అక్కడికి తరలించినట్లు ఉపగ్రహ చిత్రాలు చూపుతున్నాయని ఆ సంస్థ పేర్కొంది. నల్ల సముద్రంలోని ఒక నౌకాదళ స్థావరానికి భద్రతగా ఈ డాల్ఫిన్ గూళ్లను మోహరించినట్లు చెప్పింది.
నల్లసముద్రంలో రష్యాకు సంబంధించిన అత్యంత ముఖ్యమైన నాకాదళ స్థావరం సెవస్తొపోల్ అని భావిస్తారు. అత్యంత విలువైన నౌకలను ఈ స్థావరంలో ఉంటాయి. అవి యుక్రెయిన్ క్షిపణుల పరిధికి దూరంగా ఉన్నప్పటికీ సముద్రగర్భం నుంచి వాటిని దెబ్బతీసే అవకాశం ఉంటుంది.
ఇలా జలగర్భంలో ఆపరేషన్లు చేపట్టటానికి, డైవర్ ఆపరేషన్లను తిప్పికొట్టటానికి సాయపడటం కోసం.. అమెరికా, రష్యా సైన్యాలు రెండూ సంప్రదాయంగా సముద్ర క్షీరదాలకు శిక్షణనిస్తున్నాయి.
2019లో నార్వే సమీపంలో సముద్రంలో కనిపించిన ఒక బెలూగా తిమింగలానికి రష్యా హార్నెస్ తొడగి ఉండటంతో.. అది రష్యా గూఢచారి అని అభివర్ణించారు.
నౌకాదళానికి చెందిన సిబ్బంది, నౌకలు, నాకాశ్రయ సదుపాయాలకు హాని చేయటానికి ప్రయత్నించే అనుమతిలేని ఈతగాళ్లను, డైవర్లను పసిగట్టటానికి, పట్టుకోవటానికి భద్రతా శిబ్బందికి సాయం చేసేలా డాల్ఫిన్లకు శిక్షణనివ్వవచ్చునని యూఎస్ నేవీ మెరైన్ మామల్ ప్రోగ్రామ్ చెప్తోంది.
జమ్ములో ప్రధాని నరేంద్ర మోదీ పర్యటనపై వ్యాఖ్యానించడానికి పాకిస్తాన్కు ఎలాంటి హక్కు లేదని భారత విదేశాంగ శాఖ అధికార ప్రతినిధి అరిందమ్ బాగ్చీ అన్నారు.
చైనాలో కోవిడ్ పరిస్థితి గురించి తమకు తెలుసని, చైనా పౌరులకు టూరిస్టు వీసాల జారీని పునరుద్దరించడానికి ఇది సరైన సమయం కాదని ఆయన చెప్పారు.
గతంలో చైనా కూడా భారతీయులకు వీసాలు ఇవ్వడం నిలిపేసిందని ఆయన గుర్తు చేశారు. చైనీయులకు టూరిస్టు వీసాలు ఇచ్చే విషయంపై చర్చిండానికి ఇది సరైన సమయం కాదని భారత విదేశాంగ శాఖ అధికార ప్రతినిధి అరిందమ్ అన్నారు.
ముఖ్యమంత్రి లేదా ప్రధాన మంత్రి అవ్వాలన్నది తన లక్ష్యం తప్ప రాష్ట్రపతి కావడం కాదని బహుజన సమాజ్వాదీ పార్టీ(బీఎస్పీ) చీఫ్ మాయావతి అన్నారు.
‘ఉత్తర్ ప్రదేశ్లో బీఎస్పీ తన ఓట్లు అన్నీ బీజేపీకి ఇచ్చి గెలిపించింది. మరి మాయావతిని బీజేపీ రాష్ట్రపతి చేస్తుందా?’ అంటూ మాజీ ముఖ్యమంత్రి అఖిలేశ్ యాదవ్ ప్రశ్నించిన నేపథ్యంలో ఆమె ఈ వ్యాఖ్యలు చేశారు.
ఉత్తర్ ప్రదేశ్కు మళ్లీ ముఖ్యమంత్రి అవ్వడమో లేక మరింత ముందుకు వెళ్లి దేశానికి ప్రధాని కావడమో తనకు కావాల్సింది కానీ రాష్ట్రపతి పదవి కాదని మాయావతి చెప్పుకొచ్చారు.
మొన్న ఉత్తర్ ప్రదేశ్ ఎన్నికల్లో బీఎస్పీ ఓడించేందుకు ఎస్పీ, బీజేపీ కలిసి పని చేశాయని ఆమె ఆరోపించారు. బీజేపీ అధికారంలోకి రావడానికి బాధ్యత ఆ పార్టీదేనని అన్నారు.
21వ శతాబ్దంలో యుద్ధం అనేది అసంబద్ధమైనదని, అది మానవజాతికి వినాశకారని ఐక్యరాజ్య సమితి జనరల్ సెక్రటరీ ఆంటోనియో గ్యుటేరస్ అన్నారు.
నేడు యుక్రెయిన్ రాజధాని కీయెవ్లో పర్యటించిన ఆయన, రష్యా బలగాలు ఆక్రమించుకున్న ప్రాంతాలను ఆయన సందర్శించారు.
బాంబు దాడుల్లో దెబ్బతిన్న నివాస భవనాలను పరిశీలించారు.
యుద్ధంలో మరణించిన యుక్రెయిన్ పౌరుల కుటుంబాలకు ఆయన సంతాపం తెలిపారు.
సామూహికంగా ప్రజలను ఖననం చేసిన బుచాను సందర్శించిన ఆయన, పూర్తి స్థాయిలో విచారణ జరగాలని ఆకాంక్షించారు.
ఇంటర్నేషనల్ క్రిమినల్ కోర్టు చేపట్టే విచారణకు సహకరించాలని రష్యాకు విజ్ఞప్తి చేశారు.