పాకిస్తాన్: అవిశ్వాస తీర్మానంపై ఓటింగ్ జరిగే వరకూ పార్లమెంటులోనే కూర్చుంటాం – బిలావల్ భుట్టో

లైవ్ కవరేజీ

ఆలమూరు సౌమ్య

1. 3 ఏప్రిల్ 2022ఫొటోలు: ప్రపంచంలోని అతిపెద్ద విమానం ధ్వంసమైపోయింది

   ఆంటినోవ్ యాన్-225.. అనేక ప్రమాణాలను అనుసరించి ఒకప్పుడు ప్రపంచంలోని అతిపెద్ద విమానంగా వెలుగొందిన ఆంటినోవ్ యాన్-225 రష్యా దాడుల్లో ముక్కలైపోయింది.

   ఈ విమానాన్ని మ్రియా (కల) అని కూడా పిలుస్తారు.

   కీయెవ్‌కు సమీపంలోని హాస్టమెల్ విమానాశ్రయంలో ధ్వంసమైపోయిన ఈ విమానం హ్యాంగర్‌లో నిర్జీవంగా పడి ఉంది.

   ఈ విమానాన్ని పునరుద్ధరించడానికి 3 బిలియన్ డాలర్లు (సుమారు రూ. 22,798 కోట్లు) ఖర్చు అవుతుందని యుక్రెయిన్ స్టేట్ డిఫెన్స్ కంపెనీ అంచనా వేసింది.

   కాగా, రష్యా దళాలు ఈ విమానాశ్రయం నుంచి వెనుదిరిగాయి.

   శనివారం ఈ విమానాశ్రయాన్ని బీబీసీ సందర్శించింది. హ్యాంగర్‌లో ఉన్న విమానం ముక్కలను స్వయంగా చూసింది.

2. 3 ఏప్రిల్ 2022రష్యా నుంచి ఇంధన దిగుమతి నిలిపివేసిన లిథువేనియా.. 'మిగతా యూరప్ కూడా ఇదే పనిచేయగలదు'

   లిథువేనియా ఇకపై రష్యా నుంచి సహజ వాయువులను దిగుమతి చేసుకోదని ఆ దేశ ఇంధన మంత్రిత్వ శాఖ శనివారం ప్రకటించింది.

   "రష్యాతో అన్ని రకాల ఇంధన సంబంధాలను తెంచేసుకుంటున్నామని" లిథువేనియా తెలిపింది.

   "మేం ఇది చేయగలిగినప్పుడు, మిగిలిన యూరప్ దేశాలు కూడా చేయగలవు" అని లిథువేనియా అధ్యక్షుడు గిటానస్ నాసెడా ట్వీట్ చేశారు.

   విదేశీ కొనుగోలుదారులు రష్యన్ గ్యాస్‌కు రూబిల్స్‌లో ధర చెల్లించాలని పుతిన్ డిమాండ్ చేస్తున్నారు. లేదంటే సరఫరా నిలిపివేస్తామని బెదిరించారు.

3. 3 ఏప్రిల్ 2022యుక్రెయిన్ నగరాల్లో పరిస్థితి ఎలా ఉంది?

   కీయెవ్

   కీయెవ్ నగరాన్ని, పరిసర ప్రాంతాలను తిరిగి స్వాధీనం చేసుకున్నామని యుక్రెయిన్ రక్షణ శాఖ డిప్యుటీ మంత్రి తెలిపారు.

   గత కొద్ది వారాలుగా కీయెవ్ ప్రాంతంలోని పట్టణాలు, గ్రామాలలో భీకర పోరాటం జరిగింది. ఫలితంగా, రష్యా దళాలు వెనక్కు తగ్గాయని యుక్రెయిన్ అధికారులు తెలిపారు.

   కీయెవ్ నుంచి దళాలను వెనక్కు మరలించడం సహృద్భావ సూచన అని, శాంతి చర్చలకు సుముఖత సూచిస్తాయని రష్యా తెలిపింది.

   ఇర్పిన్

   రష్యా దాడులు మొదలైన దగ్గర నుంచి ఇప్పటివరకు ఇర్పిన్ నగరంలో కనీసం 200 మంది పౌరులు మరణించినట్టు అధికారులు తెలిపారు.

   సుమారు 70,000 మంది జనాభా ఉన్న ఈ నగరం నుంచి గత నెల రోజుల్లో అనేకమంది పౌరులు తరలివెళ్లిపోయారు.

   బుచా

   యుక్రెయిన్ దళాలు గత రెండు రోజుల్లోనే బుచా నగరంలోకి ప్రవేశించగలిగాయి. అంతకుముందు దాదాపు నెలరోజులుగా ఈ నగరం అందుబాటులో లేదు.

   శనివారం ఒక వీధిలో కనీసం 20 మృతదేహాలను చూసినట్టు ఏఎఫ్‌పీ తెలిపింది.

   అయితే, కనీసం 280 మందిని బుచాలో సామూహిక ఖననం చేసినట్టు ఆ నగర మేయర్ చెప్పారు. నగరంలో ఎక్కడ చూసినా శవాల గుట్టలే కనిపించాయని అన్నారు.

   హాస్టమెల్

   కీయెవ్‌కు సమీపంలో ఉన్న హాస్టమెల్‌లో ప్రారంభం నుంచి భీకర పోరాటం జరుగుతోంది.

   అక్కడ ఉన్న ఎయిర్‌ఫీల్డ్‌ను స్వాధీనం చేసుకునేందుకు రష్యా ప్రయత్నించింది.

   ప్రపంచంలో అతిపెద్ద విమానం ఆంటోనోవ్ యాన్-225 మ్రియా ఇక్కడే ఉంది.

   ఈ విమానం ముక్కలుముక్కలైపోయింది. కాగా, రష్యా దళాలు విమానాశ్రయం నుంచి వెనక్కు మరలాయి.

4. 3 ఏప్రిల్ 2022బీబీసీ న్యూస్ తెలుగు లైవ్ పేజీకి స్వాగతం

   హలో ఆల్, గుడ్ మార్నింగ్! బీబీసీ న్యూస్ తెలుగు లైవ్ పేజీకి స్వాగతం. అంతర్జాతీయ, జాతీయ, స్థానిక వార్తల లైవ్ అప్‌డేట్స్ కోసం ఈ పేజీని రిఫ్రెష్ చేస్తూ ఉండండి.

   నిన్నటి లైవ్ పేజీ కోసం ఇక్కడ క్లిక్ చేయండి.