UPSC కొత్త క్యాలెండర్: సివిల్ సర్వీసెస్ ప్రిలిమ్స్ పరీక్ష అక్టోబర్ 4న, మెయిన్స్ 2021 జనవరిలో

ప్రచురణ
చదివే సమయం: 2 నిమిషాలు

ప్రభుత్వ ఉద్యోగాల కోసం కలలు కంటున్నవారికి, వాటి కోసం సన్నద్ధం అవుతున్నవారికి కేంద్రం శుభవార్త వినిపించింది.

ప్రభుత్వ ఉద్యోగాల భర్తీ కోసం యూపీఎస్సీ ద్వారా నిర్వహించే పరీక్షలకు కొత్త తేదీలు ప్రకటించారు.

యూపీఎస్సీ ప్రతి ఏటా ఈ పరీక్షల క్యాలెండర్ జారీ చేస్తుంది. కానీ ఈసారీ కరోనా లాక్‌డౌన్ వల్ల నిర్ధారిత సమయానికి ఈ పరీక్షలు నిర్వహించలేకపోయారు.

దాంతో, ఈ పరీక్షల తేదీలు ప్రకటిస్తూ యూపీఎస్సీ కొత్త క్యాలెండర్ జారీ చేసింది. దీంతో సివిల్ సర్వీసెస్ పరీక్షల కోసం ఎదురుచూస్తున్న లక్షలాది అభ్యర్థుల ఎదురుచూపులకు తెరపడింది.

యూపీఎస్సీ గతంలో సివిల్ సర్వీసుల పరీక్షల తేదీలను జూన్ 5న ప్రకటిస్తామని చెప్పింది. సివిల్స్ ప్రిలిమ్స్ పరీక్ష ఈ ఏడాది మే 31న జరగాల్సి ఉంది. కానీ కరోనా వల్ల దీనిని వాయిదా వేశారు.

కొత్త పరీక్షల షెడ్యూల్ ప్రకారం సివిల్ సర్వీసెస్ ప్రిమిలినరీ పరీక్ష ఈ ఏడాది అక్టోబర్ 4న జరుగుతుంది. ప్రిలిమ్స్ ఉత్తీర్ణులైన వారు 2021 జనవరి 8న సివిల్ సర్వీసెస్ మెయిన్స్ పరీక్ష రాస్తారు.

సివిల్ సర్వీసెస్‌తో పాటు ఇండియన్ ఫారెస్ట్ సర్వీస్ ప్రిమిలినరీ టెస్ట్ కూడా అక్టోబర్ 4న జరుగుతుంది.

యూపీఎస్సీ ఎన్డీఏ, ఐఈఎస్, ఐఏఎస్, సీఎంఎస్ సహా చాలా పరీక్షల తేదీలను ప్రకటించింది.

Skip ఎక్కువమంది చదివినవి and continue reading
ఎక్కువమంది చదివినవి

End of ఎక్కువమంది చదివినవి

యూపీఎస్సీ నిర్వహించబోయే ముఖ్యమైన పరీక్షల తేదీలు

అలాగే.. గత ఏడాది సివిల్ సర్వీసెస్ ప్రిలిమినరీ, మెయిన్స్ పరీక్షల్లో ఎంపికైన అభ్యర్థులకు పర్సనాలిటీ టెస్ట్‌ను వచ్చే నెల - అంటే జూలై 20వ తేదీ నుంచి పున:ప్రారంభిస్తామని కూడా యూపీఎస్‌సీ చెప్పింది.

ఇండియన్ అడ్మినిస్ట్రేటివ్ సర్వీసెస్ (ఐఏఎస్), ఇండియన్ పోలీస్ సర్వీసెస్ (ఐపీఎస్), ఇండియన్ ఫారిన్ సర్వీసెస్ (ఐఎఫ్ఎస్) తదితర కీలక పోస్టుల భర్తీ కోసం నిర్వహించే యూపీఎస్‌సీ ప్రిలిమ్స్ పరీక్షలకు ప్రతి ఏటా 10 లక్షల మందికి పైగా దరఖాస్తు చేసుకుంటారు.

ఇదిలావుంటే.. మరో ప్రభుత్వ ఉద్యోగాల భర్తీ సంస్థ స్టాఫ్ సెలక్షన్ కమిషన్ (ఎస్ఎస్‌సీ) కూడా 2020 సంవత్సరానికి సంబంధించి రివైజ్డ్ రిక్రూట్‌మెంట్ క్యాలెండర్ ప్రకటించింది.

2019, 2018 సంవత్సరాల నోటిఫికేషన్లకు సంబంధించి నిర్వహించాల్సిన పరీక్షలను ఆగస్టు - అక్టోబర్‌ నెలల్లో పూర్తి చేస్తామని ఎస్‌ఎస్‌సీ చెప్పింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)