தேசிய ஜனநாயக கூட்டணியில் வலுப்பெறும் பாஜக - நிதீஷுக்கு பின்னடைவு?
பிகார் தேர்தல் வாக்கு எண்ணிக்கையின் ஆரம்ப கட்ட முன்னிலை நிலவரங்களில் நிதீஷ் - பாஜக கூட்டணி சற்று பின் தங்கியிருப்பதாகவே தோன்றினாலும், எந்தக் கூட்டணி அதிக இடங்களைப் பெறும் என்று இப்போது கூற முடியாது. தேசிய ஜனநாயக கூட்டணியில் பாஜக 110 இடங்களிலும், நிதீஷ் குமாரின் ஐக்கிய ஜனதா தளம் 115 இடங்களிலும் போட்டியிட்டன. கிட்டத்தட்ட சமமான எண்ணிக்கையில் பாஜக இடங்களைப் பெற்றது நிதீஷுக்கு பலவீனமாகவே பார்க்கப்பட்டது.
ஆனால், நிதீஷ்தான் தங்கள் முதல்வர் வேட்பாளர் என்று பாஜக உறுதியாக கூறிவிட்டது.
ஆனால், தேர்தல் முன்னணி நிலவரம் தெரியத் தொடங்கியுள்ள நிலையில் தேசிய ஜனநாயக கூட்டணியில் பாஜகதான் அதிக இடங்களில் முன்னிலையில் உள்ளது. நிதீஷ்குமாரின் ஐக்கிய ஜனதா தளம் குறைவான இடங்களிலேயே முன்னிலையில் உள்ளது. இந்நிலையில் ஒருவேளை தேசிய ஜனநாயக கூட்டணி அதிக இடங்களை வென்றாலும், அதில் நிதீஷின் இடம் என்னவாக இருக்கும் என்ற கேள்வியை இது எழுப்புகிறது.
