You’re viewing a text-only version of this website that uses less data. View the main version of the website including all images and videos.
யுக்ரேன் கிழக்குப் பகுதியில் ரயில் நிலையம் ஒன்றின் மீது நடத்தப்பட்ட ஏவுகணைத் தாக்குதலில் குறைந்தது 50 பேர் பலியாகினர். ஆனால், இந்த தாக்குதலை தாங்கள் நடத்தவில்லை என்கிறது ரஷ்யா.
க. சுபகுணம்
கடந்த 24 மணிநேரத்தில் 36,000 மெட்ரிக் டன் பெட்ரோல் மற்றும் 40,000 மெட்ரிக் டன் டீசல் இலங்கைக்கு வழங்கப்பட்டுள்ளது. இந்திய உதவியின் கீழ் பல்வேறு வகையான எரிபொருட்களின் மொத்த விநியோகம் இப்போது 270,000 மெட்ரிக் டன் அதிகமாக உள்ளதாக கொழும்புவிலுள்ள இந்திய உயர் ஆணையம் தெரிவித்துள்ளது.
இந்தியா இலங்கைக்கு மனிதாபிமான உதவிகளை வழங்க முன்வந்துள்ளது. இது இந்தியாவின் மிக நெருங்கிய கடல்சார் அண்டை நாடு என்பதால், அதற்கான உதவிகளை வழங்க முன்வந்துள்ளதாக இலங்கைக்கான இந்திய உயர் ஆணையம் தெரிவித்துள்ளது.
"அதிமுக அரசு கொண்டு வந்த மக்கள் நலத் திட்டங்களை, திமுக அரசு அரசியல் காழ்ப்புணர்ச்சியால் முடக்குவது ஏற்றுக் கொள்ளத்தக்கதல்ல. அம்மா இருசக்கர வாகனத் திட்டத்தை ரத்த்ஹ செய்யும் முடிவை முதலமைச்சர் மு.க.ஸ்டாலின் கைவிட வேண்டும்," என்று அதிமுக ஒருங்கிணைப்பாளர் ஓ.பன்னீர் செல்வம் கண்டனம் தெரிவித்துள்ளார்.
நீங்கள் இப்போது தான் எங்களுடன் இணைகிறீர்கள் என்றாலோ அல்லது இதுவரை நடந்தவற்றைச் சுருக்கமாக மீண்டுமொரு முறை கவனிக்க நினைத்தாலோ, இதுவரை நடந்தவற்றை இங்குத் தெரிந்துகொள்ளலாம்.
யுக்ரேனில்
சர்வதேச அரசியல்
பிபிசி நேரலையில் இணைந்தமைக்கு நன்றி. மேற்கொண்டு யுக்ரேன் படையெடுப்பு மற்றும் இந்தியா, இலங்கை உள்ளிட்ட உலக நாடுகளில் நடக்கும் முக்கிய நிகழ்வுகளையும் உள்ளூர் செய்திகளையும் தெரிந்துகொள்ள தொடர்ந்து எங்களுடன் இணைந்திருங்கள்.
யுக்ரேன் படையெடுப்பு 44-வது நாளாகத் தொடர்ந்து வரும் நிலையில், “படைகளின் குறிப்பிடத்தக்க இழப்புகளை” ரஷ்யா ஒப்புக் கொண்டுள்ளது.
அதிபரின் செய்தித் தொடர்பாளர் டிமிட்ரி பெஸ்கோவ் பிரிட்டன் சேனலான ஸ்கை நியூஸிடம் இந்த உயிரிழப்புகள் “எங்களுக்குப் பெரிய சோகத்தை ஏற்படுத்தியுள்ளது” எனக் கூறியுள்ளார்.
“வரவுள்ள நாட்களில்” ரஷ்யா அதன் போர் இலக்குகளை அடையும் என்று தான் நம்புவதாகவும் அவர் கூறினார்.
ரஷ்யா கீயவில் இருந்து படைகளைப் பின்வாங்க வைத்து, தனது போரின் பெரும்பகுதி கவனத்தை கிழக்கு யுக்ரேனுக்கு மாற்றியுள்ளது. ஆனால், படையெடுப்பு முடிவடைவதற்கான அறிகுறிகள் தெரியவில்லை.
ஐக்கிய நாடுகளின் மனித உரிமை கவுன்சிலில் இருந்து புதன்கிழமை ரஷ்யா வெளியேற்றப்பட்டதைத் தொடர்ந்து பெஸ்கோவ் இந்தக் கருத்துகளைத் தெரிவித்துள்ளார்.
கடந்த 2018ம் ஆண்டு தமிழ், கன்னடம், தெலுங்கு, இந்தி என பல மொழிகளில் 'கே.ஜி.எஃப்- சாப்டர்-1' படம் வெளியானது. பான் இந்தியா திரைப்படமாக வெளியாகி விமர்சன ரீதியாகவும் வசூல் ரீதியாகவும் ரசிகர்களிடையே நல்ல வரவேற்பை இந்த படம் பெற்றது.
ராக்கி பாய் கதாப்பாத்திரத்தில் நடிகர் யஷ் இரண்டு வருடங்களுக்கு பின்பு அதன் இரண்டாம் பாகத்தோடு வருகிறார்.
இந்த இரண்டாம் பாகத்தில் யஷ்ஷூடன் பிரகாஷ் ராஜ், இந்தி நடிகர் சஞ்சய் தத், ரவீனா உள்ளிட்ட பலர் நடிக்கின்றனர். முதல் பாகத்தின் நீட்சியாகவே இரண்டாம் பாகத்தின் கதையும் அமைந்திருக்கிறது.
இந்த திரைப்படம் இந்த மாதம் 14ம் தேதி இந்தியா முழுவதும் திரையரங்குகளில் வெளியாக இருக்கிறது. படத்தின் ட்ரைலர் சமீபத்தில் வெளியாகி ரசிகர்களிடையே நல்ல வரவேற்பை பெற்றுள்ள நிலையில், இந்தப் படத்தின் மூன்றாம் பாகம் வெளியாகுமா?
சேலத்தில் காதலிப்பதாகக் கூறி சிறுமியை ஆபாசமாக ஒளிப்படம் எடுத்து பணம் பறித்த நபரை காவல்துறையினர் போக்சோ சட்டத்தின் கீழ் கைது செய்துள்ளனர்.
சின்னசேலம் எலவடை பகுதியைச் சேர்ந்த சசிகுமார் என்ற எம்.பி.ஏ பட்டதாரி இளைஞர், சேலம் குகை பகுதியைச் சேர்ந்த உறவினரான 15 வயது சிறுமியை காதலிப்பதாகக் கூறி, சில ஆபாச படங்களை எடுத்துள்ளதாகக் கூறப்படுகிறது.
பின்னர் அந்த படங்களைக் காட்டி, அதைச் சமூக வலைதளங்களில் வெளியிடுவேன் என அந்தச் சிறுமியை மிரட்டி 180,000 ரூபாய் பணம் பறித்துள்ளார்.
ஒரு கட்டத்தில் குடும்பத்தினருக்கு இது தெரிய வந்ததைத் தொடர்ந்து, சசிகுமாரிடம் பஞ்சாயத்து பேசி பணத்தை மீட்டுள்ளனர்.
இருப்பினும், அதோடு நிற்காத சசிகுமார் சிறுமியை ரகசியமாகச் சந்தித்து ஒரு கைபேசியைக் கொடுத்து, அதன்மூலம் தொடர்பு கொண்டுள்ளார். அதில், சிறுமியின் அந்தரங்க படங்களை அனுப்பி அதை வெளியிடாமல் இருக்க அவசரமாக 50,000 ரூபாயைக் கொடுக்க வேண்டும் என மிரட்டியதாகக் கூறப்படுகிறது.
இது குடும்பத்தினருக்குத் தெரியவரவே, அவர்கள் சேலம் அனைத்து மகளிர் காவல் நிலையத்தில் புகார் அளித்தனர்.
அதன் அடிப்படையில் சசிகுமாரை கைது செய்த காவல்துறையினர் நடத்திய விசாரணையில், அவருடைய கைபேசி, மடிக்கணினி ஆகியவற்றைப் பறிமுதல் செய்துள்ளனர்.
சசிகுமார் மேலும் பல பெண்களிடம் இதுபோன்று பணம் பறித்துள்ளாரா என்று காவல்துறையினர் சந்தேகிக்கின்றனர்.
நான் க.சுபகுணம். பிபிசி தமிழின் நேரலை பக்கத்திற்கு உங்களை வரவேற்கிறேன்.
யுக்ரேன் மீதான ரஷ்யாவின் படையெடுப்பு குறித்த செய்திகள், தமிழகம், இந்தியா மற்றும் இலங்கை உள்ளிட்ட உலக நாடுகள், சினிமா, விளையாட்டு உள்ளிட்ட பல துறைகள் ஆகியவற்றில் நடக்கும் நிகழ்வுகளை இந்த நேரலைப் பக்கத்தில் தொகுத்து வழங்குகிறோம்.
உங்கள் பகுதியின் சுவாரசியமான செய்திகளைப் பற்றிஎங்கள் டிவிட்டர் கணக்கின் மூலம்தகவல் அளியுங்கள்.
இலங்கை ஜனாதிபதி கோட்டாபய ராஜபக்ஸ பதவி விலக வேண்டும் எனவும், அரசாங்கத்திற்கு எதிராகவும் மலையகத்தில் பாரிய ஆர்ப்பாட்டமொன்று நேற்று நடத்தப்பட்டடது.
தமிழ் முற்போக்கு கூட்டணியின் ஏற்பாட்டில், இந்த மாபெரும் போராட்டம் நடத்தப்பட்டது.
தலவாக்கலை நகரிற்கு பல்வேறு பகுதிகளிலும் இருந்து பெருந்திரளான மக்கள் வருகைத் தந்து, எதிர்ப்பு கோஷங்களை எழுப்பியிருந்தனர்.
இதையடுத்து, தலவாக்கலை நகரில் எதிர்ப்பு போராட்டம் நடத்தப்பட்டது.
தமிழ் முற்போக்கு கூட்டணியின் தலைவரும், நாடாளுமன்ற உறுப்பினருமான மனோ கணேசன், நாடாளுமன்ற உறுப்பினர்களான பழனி திகாம்பரம், வேலுசாமி இராதாகிருஸ்ணன், மயில்வாகனம் உதயகுமார், வேலுகுமார் உள்ளிட்ட பலரும் கலந்துக்கொண்டிருந்தனர்.
தமிழ் முற்போக்கு கூட்டணியினால் ஏற்பாடு செய்யப்பட்ட மாபெரும் போராட்டத்திற்கு, ஐக்கிய மக்கள் சக்தியின் தலைவரும், எதிர்கட்சித் தலைவருமான சஜித் பிரேமதாஸவும் கலந்துக்கொண்டிருந்தார்.
"அலுவல் மொழியான 'இந்தியை' நாட்டின் ஒருமைப்பாட்டின் முக்கிய அங்கமாக மாற்றுவதற்கான நேரம் வந்துவிட்டது" என அமித் ஷா தெரிவித்துள்ளார்.
இலங்கையில் ஏற்பட்டுள்ள கடுமையான பொருளாதார வீழ்ச்சியின் காரணமாக அங்கு வசிக்கும்மக்கள் உணவு, அத்தியாவசிய தேவைகளுக்காக கடும் சிரமத்திற்கு ஆளாகி வருகின்றனர்.
இதனால் இலங்கையில் இருந்துநான்கு குடும்பத்தை சேர்ந்த 16 தமிழர்கள் கடந்த மாதம் தமிழகத்திற்கு அகதிகாளாக வந்து மண்டபம் அகதிகள் முகாமில் தங்க வைக்கபட்டுள்ள நிலையில் இன்று அதிகாலை இரண்டரை வயது சிறுவனுடன் ஒரு குடும்பத்தை சேர்ந்த மேலும்நான்கு இலங்கை தமிழர்கள் அகதிகளாக தனுஸ்கோடி வந்துள்ளனர்.
நேற்று இரவுமன்னார் மாவட்டம் முத்தரமித்தரை பகுதியை சேர்ந்த கிஷாந்தன் (34), ரஞ்சிதா (29), ஜெனீஸ்டிக்கா (10),மற்றும் இரண்டரை வயது சிறுவன் ஆகாஷ்என ஒரே குடும்பத்தை சேர்ந்த நான்கு பேர் ஒரு பைப்பர் படகில் புறப்பட்டு இன்று அதிகாலை சுமார் 2 மணி அளவில் தனுஷ்கோடி அரிசிசல்முனை கடற்கரையில்வந்து இறங்கி உள்ளனர்.
தகவலறிந்து சம்பவ இடத்திற்கு சென்ற ராமேஸ்வரம் மெரைன் போலீசார்இலங்கைத் தமிழர்களை மீட்டு மண்டபம் மெரைன் காவல் நிலையம் அழைத்து சென்று விசாரணை நடத்தி வருகின்றனர்.
இலங்கையில் ஏற்பட்டுள்ள பொருளாதார நெருக்கடி, பாகிஸ்தானில் ஏற்பட்டுள்ள அரசியல் நெருக்கடி ஆகியவை இந்தியாவை பாதிக்குமா?
யுக்ரேனின் புச்சா நகரில் பொதுமக்கள் மோசமாக கொல்லப்பட்டிருப்பது குறித்து உலக நாடுகள் கண்டனம் தெரிவித்திருந்த நிலையில், தற்போது போரோட்யங்கா என்னும் பகுதியில் அதைவிட மோசமான கொலைகள் நடந்திருப்பதாக யுக்ரேன் அதிபர் செலன்ஸ்கி தெரிவித்துள்ளார்.
முகநூல் மூலம் யுக்ரேனிய மக்களுக்கு உரையாற்றிய அவர் இதனை தெரிவித்துள்ளார்.
“புச்சாவை காட்டிலும் அங்கு நிலைமை மோசமாகவுள்ளது. ரஷ்ய ஆக்ரமிப்பாளர்களும் பாதிக்கப்பட்டுள்ளனர்” என செலன்ஸ்கி தெரிவித்துள்ளார்.
புச்சா மற்றும் போரோட்யங்கா ஆகிய இரண்டுமே யுக்ரேன் தலைநகர் கீயவின் புறநகர் பகுதிகள். கீயவை கைப்பற்ற அங்கு கடுமையான சண்டைகள் நடந்தன.
நேற்றைய பக்கக்திலிருந்து சில முக்கிய நிகழ்வுகள்:
இன்றைய நேரலை பக்கத்திற்கு உங்களை வரவேற்கிறோம். நேற்றைய பக்கத்திலிருந்து சில முக்கிய நிகழ்வுகளை இங்கே தொகுத்து வழங்குகிறோம்.