You’re viewing a text-only version of this website that uses less data. View the main version of the website including all images and videos.
"இந்திய அரசு சொல்வதுபோல் எல்லைக்குச் செல்ல வேண்டுமெனில் நாங்கள் சுமார் 800 கி.மீ பயணிக்க வேண்டும். இந்தச் சூழலில் அதற்கு வாய்ப்பே இல்லை. அடுத்து என்ன செய்வது என்றே தெரியவில்லை"
நந்தினி வெள்ளைச்சாமி
“கீவ் செல்லும் சாலையில் போரின் சிதைவுகள், வான் பாதுகாப்பு ஏவுகணை அமைப்பு ஆகியவற்றை இன்று காலை கடந்து சென்றோம். நேற்று ரஷ்ய ஏவுகணை தாக்குதலால் இவை பாதிக்கப்பட்டன. அதில் இன்னும் புகை எழுந்துகொண்டிருக்கிறது,” என்று பிபிசி செய்தியாளர் ஓர்லா குவெரின் ட்வீட் செய்துள்ளார்.
யுக்ரேனில் மூன்றாவது நாளாக சண்டை நடந்து கொண்டிருக்கிறது. ரஷ்ய படைகள் யுக்ரேனை கைப்பற்ற முயல்கின்றன. அந்நாட்டின் முக்கிய நகரங்கள் மற்றும் யுக்ரேனிய படைகள் அவர்களுடைய முன்னேற்றத்தை எதிர்க்கின்றன. இதுவரை நடந்தவற்றில் சில முக்கியத் தகவல்கள்:
பிரிட்டிஷ் இளவரசர் வில்லியம் மற்றும் அவரின் மனைவி கேட், யுக்ரேன் அதிபர் வொலோதிமிர் ஸெலன்ஸ்கிக்கு தங்களின் ஆதரவை தெரிவித்துள்ளனர்.
அவருக்கும் யுக்ரேன் மக்களுக்கும் ஆதரவாக தாங்கள் நிற்பதாக பிரிட்டிஷ் அரச தம்பதி தெரிவித்துள்ளனர்.
இந்திய பிரதமர் நரேந்திர மோதியிடம் யுக்ரேன் அதிபர் பேசியதாக தனது டிவிட்டர் பக்கத்தில் தெரிவித்துள்ளது.
அவர் தனது டிவீட்டில், "ரஷ்யாவுக்கு எதிரான யுக்ரேனின் தீவிர பதில் தாக்குதல் குறித்து தெரிவித்தேன். எங்கள் நிலத்தில் ஒரு லட்சத்துக்கும் அதிகமானோர் படை எடுத்து வந்துள்ளனர். அவர்கள் (ரஷ்யர்கள்) தந்திரமாக குடியிருப்பு பகுதிகளில் தாக்குதல் நடத்தி வருகின்றனர். ஐ.நா பாதுகாப்பு கவுன்சிலில் எங்களுக்கு அரசியல் ரீ்தியாக ஆதரவு வழங்க இந்தியாவை கேட்டுக் கொண்டுள்ளோம். ஆக்கிரமிப்பாளரை சேர்ந்து தாக்குவோம் என்று தெரிவித்துள்ளேன்," என்று யுக்ரேன் அதிபர் தனது டிவிட்டர் பக்கத்தில் தெரிவித்துள்ளார்.
ரஷ்யாவிற்கான மிகப்பெரிய பரிசு யுக்ரேன் தலைநகர் கீயவும் செலன்ஸ்கியின் அரசாங்கமும்தான். தலைநகரில் ஏற்கனவே சண்டை நடைபெற்று வருகிறது.
யுக்ரேன் ரஷ்யாவின் முழு வீச்சிலான படையெடுப்பை எதிர்த்துப் போராடி வருகிறது. இந்தச் சூழலில் அடுத்து என்ன நடக்கும்? என்பதை இங்கே விரிவாக படியுங்கள்:
யுக்ரேன் அதிபர் வொலோடிமிர் ஸெலென்ஸ்கி காணொலி வாயிலாக உரையாற்றினார். அப்போது, ஒரே இரவில் தன்னை சிறைப்படுத்தி, தங்கள் தலைவரை நிறுத்துவதற்கான ரஷ்யாவின் திட்டத்தை யுக்ரேன் படைகள் தடுத்து நிறுத்தியதாக தெரிவித்தார்.
மேலும், யுக்ரேன் மீதான படையெடுப்பை நிறுத்துமாறு ரஷ்ய அதிபர் விளாடிமிர் புதினுக்கு அழுத்தம் கொடுக்க வேண்டும் என, ரஷ்ய மக்களை அவர் கேட்டுக்கொண்டார்.
மேலும், தலைநகர் கீயவ் மற்றும் அதனை சுற்றியுள்ள முக்கிய நகரங்களில் யுக்ரேன் படைகள் கட்டுப்பாட்டில் உள்ளன எனவும் அவர் தெரிவித்தார்.
மேலும், ஐரோப்பிய ஒன்றியத்தில் உறுப்பினராகும் உரிமையை பெற்றதாகவும் அவர் கூறினார்.
ஐரோப்பிய ஒன்றியத்தில் யுக்ரேன் தற்போது உறுப்பினராக இல்லை. ஆனால் அதில் சேருவதற்கான விருப்பங்களை அந்நாட்டின் அரசியலமைப்பு உள்ளடக்கியுள்ளது.
மேற்கு நாடுகளுடனான ராஜரீக உறவு ரஷ்யாவுக்கு தேவையில்லை என, ரஷ்யாவின் முன்னாள் அதிபர் டிமிட்ரி மேட்வேடேவ் தெரிவித்துள்ளார்.
யுக்ரேன் மீது ரஷ்யா ராணுவ தாக்குதலை நடத்தி வரும் நிலையில், மேற்கு நாடுகள் பல ரஷ்யாவுக்கு எதிராக தடைகளை விதித்துள்ளன. இதையடுத்து, இவ்வாறு அவர் தெரிவித்துள்ளார்.
கடந்த 2020ம் ஆண்டு பிரதமர் பதவியிலிருந்து ரஷ்ய அதிபர் விளாடிமிர் புதினால் நீக்கப்பட்ட டிமிட்ரி, பாதுகாப்பு கவுன்சிலின் துணை தலைவராக பதவி வகித்து வருகிறார். அவர், ரஷ்ய சமூக வலைதளமான வி.கே. பக்கத்தில், “தூதரகங்களை மூட வேண்டும்” என தெரிவித்துள்ளார்.
புதினால் வரையறுக்கப்பட்ட இலக்குகளை அடையும் வரை, யுக்ரேன் மீதான ரஷ்ய படையெடுப்பு தொடரும் என, அவர் தெரிவித்தார். புதினின் நோக்கங்கள் என்ன என்பது குறித்து தெளிவாக தெரியவில்லை.
ஐரோப்பிய கவுன்சிலில் இருந்து ரஷ்யா நீக்கப்பட்டதற்கும் அவர் கண்டனம் தெரிவித்துள்ளார். ஆனால், ரஷ்ய சட்டத்தில் மரண தண்டனையை மீண்டும் கொண்டு வருவதற்கு இதுவொரு வாய்ப்பை வழங்கியுள்ளதாக அவர் தெரிவித்தார்.
ரஷ்யா கட்டுப்பாட்டில் உள்ள யுக்ரேன் பகுதிகளை இந்த வரைபடத்தில் காணுங்கள்:
யுக்ரேன் மீதான ரஷ்யாவின் தாக்குதல் இன்று மூன்றாவது நாளாக நடைபெற்று வருகிறது. இந்த நேரலை பக்கத்தில் இப்போதுதான் இணைந்தீர்கள் என்றால், தற்போது அங்கு என்ன நடக்கிறது என்பதை இங்கே உங்களுக்கு வழங்குகிறோம்.
யுக்ரேனின் அதிபராக வொலோடிமிர் ஸெலென்ஸ்கி முதன்முதலில் தொலைக்காட்சித் தொடர் ஒன்றில் தோன்றினார். அது ஒரு பிரபலமான நகைச்சுவைத் தொடர்.
யுக்ரேன் அதிபர் ஸெலென்ஸ்கி பின்னணி குறித்த இந்த வீடியோவை காணுங்கள்:
யுக்ரேன் மீதான ரஷ்யா ராணுவ தாக்குதல் தொடர்ந்து வரும் நிலையில், மூன்று குழந்தைகள் உட்பட 198 யுக்ரேன் மக்கள் கொல்லப்பட்டுள்ளதாக, அந்நாட்டின் சுகாதார அமைச்சர் விக்டர் லியாஷ்கோ தெரிவித்துள்ளார்.
மேலும், 33 குழந்தைகள் உட்பட 1,115 பேர் காயமடைந்ததாகவும், அவர் தன் முகநூல் பக்கத்தில் தெரிவித்துள்ளார்.
யுக்ரேன் தலைநகர் கீயவில் நேற்றிரவு நடந்த சண்டையில் இரண்டு குழந்தைகள் உட்பட 35 பேர் காயமடைந்ததாக, கீவ் மேயர் விடாலி கிளிட்ஸ்ச்கோ தெரிவித்துள்ளார்.
ஆனால், பொதுமக்கள் குறித்து மட்டும் அவர் கூறுகிறாரா என்பது தெளிவாகவில்லை.
தற்போதைக்கு கீயவ் நகரில் பெரிதளவில் ரஷ்ய ராணுவம் இல்லை எனவும், ஆனால், "ரஷ்ய நாசகார குழு" இருப்பதாகவும் அவர் தெரிவித்தார்.
யுக்ரேனின் அதிபராக வொலோடிமிர் ஸெலென்ஸ்கி முதன்முதலில் தொலைக்காட்சித் தொடர் ஒன்றில் தோன்றினார். அது ஒரு பிரபலமான நகைச்சுவைத் தொடர்.
நேட்டோ என்பது வடக்கு அட்லான்டிக் ஒப்பந்த அமைப்பு. அமெரிக்கா, கனடா, பிரிட்டன், பிரான்ஸ் உள்பட 12 நாடுகள் சேர்ந்து 1949இல் இந்த ராணுவ கூட்டு அமைப்பை உருவாக்கின.
இதில் உறுப்பினராக உள்ள எந்தவொரு நாடு மீது ஆயுத தாக்குதல் நடந்தால், அந்த நாட்டைக் காக்க மற்ற உறுப்பு நாடுகள் ஓரணியாக சேர இணங்க வேண்டும்.
யுக்ரேன் – ரஷ்ய நெருக்கடி விவகாரத்தில் புதினை தூண்டியது எது? - இந்த காணொலியில் காணுங்கள்:
யுக்ரேனில் நேற்றிரவு குண்டு வெடிப்பு மற்றும் துப்பாக்கி சூடு சம்பவங்கள் நிகழ்ந்ததையடுத்து, இன்று காலையில் அதிபர் வொலோடிமிர் செலென்ஸ்கி அவரே எடுத்த காணொளி ஒன்றை வெளியிட்டார்.
அதில், யுக்ரேன் ராணுவத்தை ஆயுதங்களை கீழே போடுமாறு தான் கூறியதாக வரும் செய்தியை மறுத்துள்ளார். ரஷ்ய படையெடுப்புக்கு எதிராக யுக்ரேனை காப்போம் எனவும் அவர் தெரிவித்துள்ளார்.
நேற்று மாலை ரஷ்ய படைகள் இரவு முழுவதும் தாக்குதலில் ஈடுபடும் என அவர் எச்சரித்திருந்தார்.
யுக்ரேனில் உள்ள இந்திய மாணவர்கள் மற்றும் இந்தியர்களை மீட்க மத்திய அரசு நடவடிக்கை எடுத்து வருகிறது. ருமேனியா வழியாக அவர்களை மீட்க மத்திய அரசு நடவடிக்கை எடுத்துள்ளது. முன்னதாக, இந்திய மாணவர்கள் ருமேனியாவுக்கு பத்திரமாக வந்து சேர்ந்ததாக தெரிவிக்கப்பட்டிருந்தது.
இந்நிலையில், ஏர் இந்தியா விமானம் மூலம் இந்தியர்கள் ருமேனியாவிலிருந்து இன்று மாலை 4 மணிக்கு வந்து சேருவார்கள் என, மகாராஷ்டிரா பத்திரிகை தகவல் அலுவலகம் ட்விட்டர் பக்கத்தில் தெரிவித்துள்ளது.
அவர்களை மத்திய அமைச்சர் பியூஷ் கோயல் விமான நிலையத்தில் வரவேற்பார் எனவும் தெரிவிக்கப்பட்டுள்ளது.
ரஷ்ய அரசு ஊடகம் உலகின் எந்த பகுதியிலிருந்தும் தங்களின் தள விளம்பரம் கொடுக்கவோ அல்லது அதன் மூலம் பணம் ஈட்டவோ தடை செய்துள்ளதாக, முகநூலின் பாதுகாப்பு கொள்கை பிரிவின் தலைவர் நத்தானியல் கிளேய்ச்சர் தன் ட்விட்டர் பக்கத்தில் தெரிவித்துள்ளார். இந்த அறிவிப்பு ஏற்கனவே செயல்பாட்டுக்கு வந்துள்ளதாகவும், வார இறுதியிலும் இது தொடரும் எனவும் தெரிவித்துள்ளார்.
மேலும், யுக்ரேன் நிலைமை குறித்து உன்னிப்பாக கண்காணித்து வருவதாகவும், தங்கள் தளங்களில் உள்ள மக்களை பாதுகாக்க மேற்கொள்ளப்படும் நடவடிக்கைகள் குறித்து தொடர்ந்து பகிர்வோம் எனவும் தெரிவித்துள்ளார்.
யுக்ரேன் தலைநகர் கீயவில் உள்ள அடுக்குமாடி குடியிருப்பு ஒன்று பகுதியளவு சேதமடைந்தது போன்ற, சரிபார்க்கப்படாத புகைப்படம் ஒன்று சமூக வலைதளங்களில் பரவி வருகிறது.
கீயவில் உள்ள ஸுலியானி விமான நிலையத்திற்கு அருகில் உள்ள இந்த அடுக்குமாடி குடியிருப்பில் ஏவுகணை தாக்குதல் நிகழ்ந்ததாக, உறுதிபடுத்தப்படாத செய்திகள் வருகின்றன. அங்கு மீட்புப்பணிகளும் நடைபெற்று வருகின்றன.
உள்ளூர் நேரடி சாட்சியத்தை மேற்கோள் காட்டி, கீயவ் விமான நிலையம் அருகே ஏவுகணை தாக்குதல் நிகழ்ந்ததாக, ராய்ட்டர் செய்தி முகமையும் தெரிவித்துள்ளது. இது குறித்து மேலதிக தகவல்கள் கிடைத்தவுடன் உங்களுக்கு வழங்குகிறோம்.
யுக்ரேனுக்கு எதிராக ரஷ்யா நடத்தி வரும் தாக்குதலைக் கண்டித்து ரஷ்யாவின் பல்வேறு நகரங்களில் ஆயிரக்கணக்கான ரஷ்ய மக்கள் வீதிகளில் இறங்கி போராடி வருகின்றனர்.
ரஷ்யாவின் பெரிய நகரங்களான மாஸ்கோ மற்றும் செயின்ட் பீட்டர்ஸ்பெர்க் நகரங்களில், போராட்டக்காரர்கள் “போர் வேண்டாம்” (No to war) என எழுதப்பட்ட பதாகைகளை ஏந்தி பேரணியாக சென்றனர்.
ரஷ்யாவின் தெற்கு பகுதியான சைபீரியாவின், நோவோசுபியாஸ்க் உள்ளிட்ட தொலைதூர பகுதிகளிலும் போராட்டங்கள் நடைபெற்றன.
போராட்டங்களில் ஈடுபட்ட 1,800க்கும் மேற்பட்ட மக்கள் கைது செய்யப்பட்டனர்.
போராட்டம் தொடர்பான சில புகைப்படங்கள் இதோ: