Utafiti: Kwanini watoto wa shule wanastahili kusoma kwa kusimama badala ya kukaa

Hebu tafakari kwa muda darasa ambalo tulipokea masomo wakati wa utoto wetu au ujana.

Katika safari hii ya kiakili ya kupendeza hakika tutagundua tena mpangilio wa madawati yaliyopangwa kwa safu, ambapo kila mmoja wetu alikuwa na mahali pake pa kudumu.

Madarasa hayo yalikuwa na nafasi kiasi cha haja tu.

Yaliundwa kutusogeza tu ndani ya mipaka ya vizuizi: kutoka kwa kiti hadi kwenye ubao, au kwa meza ya mwalimu, kufuatilia mzunguko wa safari ya kwenda na kurudi ulivunjwa na sauti ya kengele iliyotangaza mwisho wa madarasa.

Tuliweza kubadilisha madawati mara kwa mara (kwa kelele fulani) ili kuunda makundi madogo katika shughuli za ushirikiano.

Zilikuwa nyakati za utulivu fulani, ambapo tulichukua fursa hiyo kuzungumza na marafiki zetu na kupokezana vijikaratasi vya ujumbe ambao wakati mwingine hauhusiani na kinachofanyika darasani.

Mpangilio huo sio tu sehemu ya urithi wa uzoefu wa baadhi yatu ambao huwahi kuingia shuleni. Iliundwa ili kuchochea usikivu wa wanafunzi na kupunguza mwelekeo wao wa asili wa harakati.

Utafiti wa hivi majuzi unatilia shaka manufaa ya wanafunzi kukaa chini kwa muda mrefu wakati wanapofundishwa. Ushahidi wa kisayansi unaonyesha kwamba utunzaji wa kusimama unaweza kuwa na manufaa, wakati mwingine bila kutarajiwa.

Lakini kwa nini wanafunzi wasome kwa kusimama?

Moja ya sababu kuu ya matatizo ya kiafya miongoni mwa watoto bila shaka na kuwa na uzani wa mwili kupita kiasi.

Mitindo ya maisha ya kukaa chini na utumiaji wa vyakula vilivyosindikwa zaidi huchangia kwa hili. Mbali na kuongeza hatari ya ugonjwa wa moyo miongoni mwa mengine.

Ukweli huu, unaotofautishwa sana katika fasihi ya kisayansi, umesababisha kubuniwa kwa mikakati mipya ya kuzuia hali hiyo mazingira ya shule.

Mbali na kukuza mazoezi ya kimwili, ambayo ni muhimu kwa maendeleo ya afya, marekebisho makubwa yanaanza kunywa katika juhudi za kuchochea aina nyingine ya kunyosha viungo.

Moja ya mapendekezo ya kuvutia zaidi ni matumizi ya madawati yaliyoinuliwa. Haya ni madawati ambayo yanawasaidia wanafunzi kukaa au kusimama kulingana na mahitaji yao.

Zinajumuisha njia mbadala ambayo kwa kawaida huunganishwa na uwezekano wa kuzunguka darasani ili kutangamana na wanafunzi wenzaoili kuimarisha ushirikiano wa kimasomo.

Uchunguzi wa kwanza uliofanywa juu ya faida zinazowezekana za mabadiliko haya katika mkakati wa ufundishaji umewezesha kubaini angalau mbili: kuongezeka kwa matumizi ya nishati (kutoka 17% hadi 30%) na kudumisha umakini (kulingana na ripoti za kibinafsi na walimu wenyewe).

Matokeo haya ya awali yamefungua mlango kwa nadharia za ubunifu za utafiti.

Kwa kuzingatia kwamba shughuli za kimwili huongeza utendaji wa utambuzi kwa watoto na vijana, je, inawezekana kufikia athari sawa kwa kutumia madawati haya?

Je, kusoma kwa kusimama kunaweza kuboresha utendaji wa utambuzi?

Hadi hivi majuzi, marejeleo ya uboreshaji wa utendaji wa utambuzi unaohusishwa na utafiti wa kudumu yalikuwa na ushahidi.

Katika hali nzuri zaidi, zilipunguzwa kwa uthamini wa kibinafsi wa walimu. Lakini hawakuanzisha mbinu ambayo ingeruhusu hitimisho thabiti kufanywa.

Hilo lilibadilika hivi majuzi wakati kundi la watafiti wa Marekani lilipounda utafiti wa muda mrefu (wa miaka miwili) unaohusisha madarasa mawili kutoka taasisi ya Texas.

Madawati ya juu yaliletwa katika moja ya vyumba vya madarasa, huku yale ya jadi yakiwekwa kwenye chumba kingine. Washiriki wote walikuwa vijana wa umri wa miaka 14.

Mtaala wa kitaaluma na walimu wanaosimamia kuufundisha walikuwa sawa katika visa vyote viwili.

Kufika mwisho wa mchakato huo, wanafunzi katika madarasa hayo mawili walilinganishwa kwa kutumia majaribio ya nyurosaikolojia ya kompyuta na mbinu za uchunguzi wa neva (infrared spectroscopy).

Matokeo yalikuwa ya kushangaza zaidi. Yalionyesha kuwa vijana ambao walikuwa wamesoma kwa muda uliopangwa kwa kutumia madawati yaliyoinuliwa juu wameboresha kumbukumbu zao za kufanya kazi (uwezo wa kuhifadhi habari na kuzichakata ili kuendana na kazi) na katika kazi zao za utendaji (kujidhibiti, kutatua shida, kupanga na kadhalika).

Kwa kuongezea, ilibainika kuwa tundu lake la mbele la kushoto (eneo la ubongo ambalo halijakomaa kabisa hadi kufikia muongo wa tatu wa maisha) lilikuwa linafanya kazi zaidi wakati wa majaribio.

Ushahidi unapendekeza matumizi makubwa ya mawazo ya kufikirika na uwezo wa juu wa kuzuia msukumo.

Leo kuna ushahidi wa kutosha kwamba kumbukumbu za kufanya kazi na kazi za utendaji ni muhimu ili kukabiliana na matatizo ya kila siku, ambayo huleta utata na changamoto, kuahsiria kwamba hakuna jibu sahihi.

Umuhimu wake kwa hivyo unaweza kusaidia hata zaidi ya kutumiwa kielimu pekee.

Licha ya tafiti kadhaa zilizofanywa bado kuna njia ndefu ya kufafanua kikamilifu sababu halisi za jambo hili ambalo linaweza kuleta mapinduzi katika jinsi tunavyoelewa elimu.