Burna Boy awashinda Diamond Platinumz na Wizkid tuzo za BET Marekani

Mwanamuziki wa Nigeria Burna boy ndiye mshindi wa tuzo za BET kitengo cha kimataifa mwaka huu.

Burna Boy ambaye jina lake kamili ni Damini Ebunoluwa Ogulu alitawazwa mshindi wa tuzo hiyo kwa mara ya tatu mfululizo baada ya kuibuka mshindi 2019, 2020, na 2021.

Mwanamuziki huyo wa wimbo 'Omo' aliwashinda wapinzani wake kutoka Afrika akiwemo mwanamuziki maarufu wa Tanzania Naseeb Abdul Juma maarufu Diamond Platinumz na Wizkid wa Nigeria.

Wengine waliokuwa wameteuliwa kuwania tuzo hiyo ni pamoja na mwanamuziki wa Brazil Emicida, Headie One kutoka Uingereza, Aya Nakamura kutoka Ufaransa ,Young T & Bugsey kutoka Uingereza na mwanamuziki Youssopha Kutoka Ufaransa.

Mwanamuziki wa Tanzania Diamond Platinumz aliyekuwa katika nafasi nzuri mwaka huu kushinda taji hilo hakufanikiwa kwa mara nyengine.

Hatahivyo msanii huyo ameweka chapisho katika mtandao wake wa Instagram akiwapongeza Watanzania kwa umoja wao wakati wa Tuzo hiyo.

Tangazo hilo linajiri huku baadhi ya raia wa Tanzania wakianzisha kampeni ya kutaka atimuliwe katika tuzo hizo kwa madai kwamba amekuwa akiunga mkono utawala wa kiimla.

Zaidi ya Watazania 20, 000 walitia saini pingamizi dhidi yake mtandaoni wakitaka nyota huyo wa muziki wa bongo fleva kutimuliwa katika tuzo hizo.

Mada kuu ya tuzo hiyo mwaka huu ilikuwa ''Mwaka wa Mwanamke Mweusi'' ambapo nyota wa filamu ambaye pia ni mshindi wa tuzo mbalimbali Taraji P Henson ndiye aliyekuwa mwenyeji wake.

Tuzo hizo zilizofanyika katika ukumbi wa Microsoft mjini Los Angeles ambapo umati mkubwa wa watu ulihudhuria licha ya kuwepo kwa mlipuko wa corona..

Mwanamuziki mkongwe wa Rap na Muigizaji Queen Latifa alikabidhiwa tuzo ya Maisha mwaka huu kutokana na ufanisi wa kazi yake .

Mwanamuziki mkongwe wa muziki wa Rap DMX, aliyefariki kutokana na mshtuko wa Moyo alipatiwa heshima kubwa katika tuzo hiyo ambapo wanamuziki Busta Rhymes, Method Man, Swizz Beatz, Griselda walimkumbuka kwa kumuimbia.

Je Burna boy ni nani?

Damini Ebunoluwa Ogulu ni mwanamuziki maarufu kutoka nchini Nigeria anayefahamika kwa jina la Burna Boy.

Alizaliwa Julai 2, 1991.

Ameweza kutunukiwa tuzo kadhaa katika uimbaji wake, kuandika nyimbo na umahiri wa kucheza.

Anatajwa kuwa mwanamuziki mwenye mafanikio makubwa barani Afrika.

Katika tuzo za mwaka huu, za BET zimemtunuku tena Burna Boy ushinda.

Mashindano hayo ambayo yalifanyika usiku wa kuamkia Jumapili, yalimfanya Burna Boy kupata tuzo katika kipengele cha The best International act .

Mapema mwaka huu, Burna Boy alishiriki kwa mwaka wa pili mfululizo na kushinda katika albamu yake ya Twice As Tall .

Burna Boy, mwenye miaka 29, aliwashinda wengine wanne ikiwemo bendi ya Malian, Tinariwen.

Tuzo za BET zimeielezea albamu yake ya Twice As Tall kuwa muziki uliotengenezwa kwa kiwango cha juu cha kimataifa, na imemfanya Burna Boy kuingia katika kiwango hicho cha kimataifa".

"Aliendelea kusema kuwa albamu hiyo imechanganya miondoko mbalimbali kama midundo ya pop, Afrobeat, dancehall, reggae na miondoko mingine mingi," walieleza.

Albumu yake ilishirikisha wanamuziki wengi duniani wakiwemo Stormzy, Youssou Ndour, Naughty By Nature, na Chris Martin wa Coldplay, na vilevile Sean Combs akiwa muandaaji mkuu.

Burna Boy amechaguliwa katika kipengele kile kile cha mwaka 2019 - kinachojulikana kama 'Best World Music Album' - lakini Angelique Kidjo aishinda katika tuzo za mwaka 2020.

Ingawa Kidjo aliamua kutoa ushindi wake kwa Burna Boy, alisema: "Burna Boy ni miongoni mwa wasanii wachanga ambao wanatoka Afrika ambao wanabadili mtazamo wa muziki wa Afrika."

Mwanamuziki huyu aliyezaliwa Nigeria, alizindua albamu yake ya kwanza ya LIFE, mwaka 2013.

Na baadae alizindua albamu ya Redemption mwaka 2015 na Outside mwaka 2018 ambayo ilijumuisha ngoma iliyovuma kimataifa ya , Ye.

Lakini ilikuwa katika albamu yake ya mwaka 2019 ya African Giant ambapo Burna Boy alipata umaarufu zaidi kimataifa na kupata tuzo yake ya kwanza ya BET.

Akiwa analinganishwa na mwanamuziki wa Nigeria Fela Ransome-Kuti na kupata umaarufu barani Afrika.

Wakati wa mgogoro wa ubaguzi Afrika Kusini mwaka 2019, alitishia kutoenda katika taifa hilo kama serikali ya nchi hiyo haitachukua hatua dhidi ya xenophobic.

Pia alijumuishwa katika maandamano ya #EndSARS ya kupinga unyanyasaji wa polisi, alitoa wimbo wa wahanga ambao waliuawa katika maandamano hayo Oktoba 20,2020 katika geti la Lekki Toll Gate mjini Lagos.

Vilevile ameandika katika kurasa yake ya tweeter kuunga mkono waandamanaji wa Senegal ambao walijitokeza barabarani baada ya kiongozi wa upinzani Ousmane Sonko kukamatwa.

Ifuatayo ni orodha za washindi wa tuzo hizo.

Albamu ya Mwaka

Mwanamuziki bora wa kike wa R&B / Pop

Mwanamuziki bora wa kiume wa R&B / Pop

Kundi Bora la muziki

Ushirikiano bora wa muziki{ Collabo}

Mwanamuziki Bora wa kiume wa Hip Hop

Mwanamuziki bora wa kike wa Hip Hop

Video bora ya Mwaka

Muelekezi bora wa Video mwaka huu

Msanii Bora mpya

Dr. Bobby Jones Best Gospel / Inspirational Award

Tuzo ya BET Her Award

Tuzo ya Kimataifa

Tuzo ya watazamaji

Filamu Bora

Muigizaji Bora wa kike

Tuzo ya vijana :

Mwanariadha bora wa kika mwaka huu:

Mwanariadha bora wa kiume mwaka huu :

Chaguo la watazamaji kimataifa