Shambulio Kabul : Milipuko karibu na shule yagharimu maisha ya watu zaidi ya 50

Mazishi yameanza kwa waathirika wa milipuko kadhaa karibu na shule ya sekondari huko Kabul Jumamosi, ambayo sasa inadaiwa kuua zaidi ya watu 50.

Milipuko hiyo ilitokea wakati wanafunzi wakitoka kwenye jengo hilo. Waathiriwa wengi walikuwa wasichana, maafisa walisema.

Hakuna mtu aliyekiri kutekeleza shambulio hilo huko Dasht-e-Barchi - eneo ambalo mara nyingi hushambuliwa na wanamgambo wa Kisunni.

Maafisa wa serikali ya Afghanistan waliwalaumu wanamgambo wa Taliban kwa shambulio hilo, lakini kundi hilo lilikana kuhusika.

Mshindi wa Tuzo ya Nobel na mwanaharakati Malala Yousafzai - ambaye alipigwa risasi kichwani na Taliban mnamo 2012 - alichapisha ujumbe kuhusu "shambulio baya" kwenye mtandao wa Twitter.

"Moyo wangu uko pamoja na familia za wahanga wa shule ya Kabul," aliandika.

Lengo hasa la umwagaji damu wa Jumamosi halieleweki. Milipuko hiyo inakuja wakati ambapo kuna kuongezeka kwa vurugu wakati Marekani inataka kuondoa askari wake wote kutoka Afghanistan ifikapo tarehe 11 Septemba.

Jumamosi kulitokea nini?

"My classmate died. A few minutes later there was another explosion, and then another. Everyone was screaming and there was blood everywhere," she said.

Milipuko hiyo inaaminika kusababishwa na bomu la gari na vifaa viwili vya milipuko vilivyoboreshwa vilivyotegwa katika eneo hilo.

Manusura mmoja, Zahra, aliwaambia waandishi wa habari kuwa alikuwa akitoka shuleni wakati milipuko hiyo ilipotokea.

"Mwenzangu alikufa. Dakika chache baadaye kulikuwa na mlipuko mwingine, na kisha mwingine. Kila mtu alikuwa akipiga kelele na kulikuwa na damu kila mahali," alisema.

Mashuhuda kadhaa walielezea kusikia milipuko mitatu tofauti, wakati mwanamke mmoja, Reza, aliliambia shirika la habari la AFP kuwa ameona "miili mingi yenye damu kwenye vumbi na moshi".

"Nilimwona mwanamke akiangalia miili na kumwita binti yake," Reza alisema. "Kisha akapata mkoba wa binti yake uliokuwa na damu baada ya hapo akazimia .''

Zaidi ya watu 100 walijeruhiwa katika shambulio hilo. Ripoti kutoka Kabul zinasema jiji lilikuwa na shughuli nyingi na wanunuzi kabla ya sherehe za mwaka huu za Eid al-Fitr wiki ijayo.

Najiba Arian, msemaji wa wizara ya elimu, aliliambia shirika la habari la Reuters kwamba shule inayoendeshwa na serikali ilikuwa wazi kwa wavulana na wasichana. Wengi wa wale walioumizwa walikuwa wasichana, ambao wanasoma katika Awamu ya pili kati ya awamu tatu za madarasa, kulingana na Bi Arian.

Hali ikoje?

Afghanistan inashuhudia kuongezeka kwa vurugu wakati Marekani na Nato wanajiandaa kutoa vikosi vyote vilivyobaki kutoka nchini Afghanistan ifikapo Septemba 11.

Jumamosi idara ya Mambo ya nje ililaani "shambulio la kinyama".

Msichana atumia bunduki ya AK-47 kunusuru familia yake

'Wauaji walijaribu kumuua mama yangu mara mbili mbele yangu'

"Tunatoa wito wa kukomeshwa mara moja kwa vurugu na kulengwa kwa watu wasio na hatia," ilisema.

Ujumbe wa Jumuiya ya Ulaya huko Afghanistan ulisema kwenye Twitter kwamba "kulenga wanafunzi wa shule ya wasichana, inafanya hii kuwa shambulio kwa mustakabali wa Afghanistan".

Jirani katika magharibi mwa Kabul ambapo milipuko hiyo ilitokea ni nyumbani kwa watu wengi kutoka jamii ndogo ya Hazara, ambao ni wa asili ya Mongolia na Asia ya Kati na haswa ni Waislamu wa Shia.

Karibu mwaka mmoja uliopita, kitengo cha uzazi katika hospitali ya eneo hilo kilishambuliwa, na kusababisha wanawake 24, watoto na watoto wachanga kufa.

Heather Barr, ambaye anafanya kazi katika shirika la Human Rights Watch, alituma video na picha mfululizo za kile alichosema ni shule ya Kabul - pamoja na ziara ya wavuti iliyotolewa na mmoja wa wanafunzi. Bi Barr alisema kikundi hicho kilitengeneza makal huko mwaka 2017.

Makumi wameuawa kwa mabomu hasa kwenye kumbi za michezo, vituo vya kitamaduni, na maeneo ya elimu.

Mwaka jana, na mnamo mwaka 2018, washambuliaji wa kujitoa mhanga wa IS walishambulia vituo vya masomo katika eneo hilo na kuua zaidi ya watu 70. IS si sehemu ya mazungumzo ya amani kati ya serikali ya Taliban na serikali ya Afghanistan, ambayo kwa hali yoyote imekwama kwa sasa.

Kufikia sasa, hakukuwa na madai ya shambulio hilo Jumamosi. hatahivyo, IS inaendelea kutekeleza mauaji na ulipuaji wa mabomu huko Kabul na mji wa Jalalabad, licha ya kuwa hivi karibuni imepoteza eneo kubwa ambalo ilidhibiti mashariki mwa nchi.