Koh-i-Noor: Simulizi ya almasi yenye utata ambayo Ufalme wa Uingereza ulikataa kuitumia katika kumtawaza mfalme Charles III

Tarehe 6 mwezi Mei itakuwa tarehe ya kihistoria kwa familia ya kifalme ya Uingereza: Mfalme Charles wa Tatu atatawazwa kuwa mfalme wa ufalme kama mama yake alivyokuwa miaka 70 iliyopita.

Buckingham Palace imekuwa ikifichua maelezo ya hafla hiyo: sherehe ya siku tatu ambayo itaanza na ibada ya kanisa huko Westminster Abbey, ambapo mfalme atapokea taji na alama za utawala wake, na itajumuisha maandamano na tamasha la wanamuziki wa kimataifa na nyota wa kisasa".

Kila kitu kinapangwa kwa uangalifu, si tu kwa ajili ya likizo, lakini kwa usahihi kusawazisha sherehe na furaha bila kusababisha aibu, ambayo inaweza kuvutia upinzani wakati ambapo taifa linajitahidi kiuchumi.

Lakini tangazo lililotolewa wiki hii lilikuwa na mwonekano wa kidiplomasia zaidi:

Camilla, mke wa mfalme, atavikwa taji la Malkia Mary, na sio lile la Mama wa Malkia, Ikulu ya Kifalme ilifafanua.

Taji la Mama la Malkia liliundwa kwa ajili ya Malkia Elizabeth, mama wa Elizabeth II ili kutawazwa kwa Mfalme George VI mnamo Mei 12, 1937.

Mbali na kuliivaa taji hilo wakati wa ufunguzi wa Bunge wakati wa utawala wa mumewe, alivaa kwa ajili ya kutawazwa kwa binti yao, Malkia Elizabeth II, mwaka wa 1953.

Ndio maana lilidhaniwa kuwa ndilo litakalowekwa juu ya kichwa cha mke wa Charles III.

Lakini haitafanya hivyo, kwa sababu ya kile kilicho kwenye msalaba wa katikati wa mbele: almasi ya Koh-i-Noor.

Uingereza inataka kuepuka matatizo ya kidiplomasia na India, ambayo inadai kuwa mmiliki halali wa jiwe hilo.

Almasi ya ajabu

Haiwezekani kujua ni lini au wapi Koh-i-Noor ilipatikana, licha ya nadharia na hadithi tofauti juu ya asili yake.

Wengine wanasema ni Syamantaka . kito cha hadithi chenye nguvu za kichawi kutoka kwa hadithi za Bhagavad Purana za Krishna, mmoja wa miungu maarufu katika jamii ya Wahindu.

Hii ilirekodiwa na Theo Metcalfe wa Uingereza katika historia rasmi ya Koh-i-Noor kwamba aliamriwa kukusanya huko Delhi mwaka wa 1849, akibainisha kuwa, kulingana na jadi, "almasi hii ilichimbwa wakati wa maisha ya Krishna."

Kinachojulikana kwa hakika ni kwamba haikuchimbwa, kwani almasi za India hazikuwahi kuchimbwa ilipatikana katika amana za alluvial katika mito kavu.

Na kwamba ingawa leo kuna vito vingine vyenye thamani 2,800 kati ya vito vya taji, haijawahi kuwa hapo kila wakati.

Almasi hiyo ya thamani haijapitishwa tu kutoka kwa kizazi hadi kizazi cha familia zenye nguvu, lakini imeibiwa, imepigwa vita, imepitia kila aina ya hila na udanganyifu kwa karne nyingi.

Mlima wa mwanga

Uzuri wake ulikuwa wa kuvutia sana hivi kwamba mnamo 1635 ilipamba kiti cha enzi cha mtawala wa Mughal Shah Jahan katikati ya bahari inayometa iliojaa marijani, zumaridi na lulu.

Akina Mughal walishika madaraka nchini India kwa karne moja baada ya kiti cha enzi kuundwa, lakini hivi karibuni utajiri mkubwa wa nchi hiyo ulijulikana na mtawala wa Uajemi Nader Shah aliamua kuivamia.

Mnamo 1739, aliingia Delhi na kuiba hazina kubwa sana hivi kwamba inasemekana kwamba ilichukuwa tembo 700, ngamia 4,000, na farasi 12,000 kuibeba. Kiti cha enzi kilikuwa sehemu ya ngawira yake.

Kwa mara ya kwanza katika uwepo wake, almasi hiyo yenye kung'aa iliondoka India. Na ilipata jina lake: Koh-i-Noor ambalo linamaanisha "Mlima wa Nuru" kwa Kiajemi.

Shah aliiondoa almasi kutoka kwenye kiti cha enzi na kuiweka katika bangili ambayo alibeba pamoja naye kila alipoenda.

Kwa miongo kadhaa, almasi ilikaa katika nchi ambayo ingekuwa Afghanistan, ikipita kutoka kwa mtawala hadi mtawala katika vita vilivyojaa umwagikaji wa damu.

Mnamo 1813 ilirudi India.

Hapo pia, ilipitia maelfu ya nasaba, wavamizi au viongozi walioanzisha falme na milki zao katika nchi hizo.

Hatimaye ilikuja mikononi mwa Sikh Maharaja Ranjit Singh, ambaye alianzisha Milki ya Sikh huko Punjab mnamo 1799.

Na kisha Waingereza wakaja.

"Zawadi"

Kampuni ya British East India, ambayo ilikuwa imeteka maeneo mengi ya India, ilisikia fununu za hazina ya thamani iitwayo Koh-i-Noor na kuanza kuitafuta ili kuichukua.

Kwa Lord Dalhousie, Gavana Mkuu wa ubeberu wa India, almasi ilikuwa ishara kuu ya mamlaka.

Alitaka Uingereza imiliki Jewel of India, pamoja na nchi yenyewe.

"Alijua historia yake. Alijua alikuwa anafaa kuwa malkia na kwamba alionyesha utawala bora wa Uingereza kwa raia wake," mwandishi na mchambuzi wa masuala ya kisiasa Saurav Dutt aliiambia BBC Reel.

Nafasi ya Lord Dalhousie hatimaye ilikuja mnamo 1849

Lakini Anita Anand, mwandishi wa habari wa BBC na mwandishi mwenza wa kitabu kuhusu Koh-i-Noor, alisema: "Sijasikia 'zawadi' nyingi zikitolewa kwenye eneo la bayonet."

Alikuwa akimaanisha toleo jingine.

Ranjit Singh alikufa mwaka wa 1939, na licha ya kusaini mikataba ya urafiki naye, Waingereza walianza kupeleka askari kuzunguka mpaka, Anand alisema.

Hili lilizingatiwa kama kitendo cha wazi cha uchokozi na Masinga na vita vilizuka ambapo Waingereza waliibuka washindi.

Kwa sharti kwamba watakuwa na "mamlaka kamili ya kuongoza na kudhibiti mambo yote katika idara zote za Serikali", walisisitiza kumwachia Maharaja kwenye kiti cha enzi, ambaye wakati huo, baada ya kifo cha kaka yake, alikuwa Duleep Sing, mwana mdogo wa Ranjit.

Kufutwa kwa mama yake, Regent, kulizusha vita vya pili vya Anglo-Sikh, ambavyo viliiacha ile milki yenye nguvu iliyodhoofika kabisa, ikiwa na mfalme mvulana kichwani mwake.

Akiwa na umri wa miaka 10 tu, Duleep Singh alikabidhi ufalme wake na Koh-i-Noor kwa Waingereza.

Almasi hiyo maarufu "ililetwa Uingereza kwa heshima ya utukufu wa silaha zetu nchini India, kama mojawapo ya ishara za ushujaa wetu wa kijeshi," Delhi Gazette la Uingereza liliripoti.

Prince Albert aliifanya ikatwe tena miaka ya 1850 ili kuifanya iangaze zaidi na iliwekwa kwenye broochi ya Malkia Victoria. Hatimaye iliingizwa kwenye vito vya taji.

Koh-i-Noor kwenye Twitter

Almasi hiyo ilionekana hadharani mnamo 2002 juu ya jeneza la Mama wa Malkia.

lakini, ilikuwa kifo cha Malkia Elizabeth II mnamo 2022 ambacho kilisababisha Koh-i-Noor kuanza kuvuma kwenye Twitter, huku Wahindi wengi wakitaka irudishwe.

"Kama mtu binafsi, hakukuwa na chochote ila heshima kwa malkia kwa sababu kila mara alijipa daraja na hadhi, na hilo lilikuwa jambo lisilopingika," Dutt alieleza.

"Lakini (kifo chake) pia kiliashiria jambo la wazi katika fahamu ndogo ya Kihindi: huu ni mwisho wa enzi inayohusishwa na sura za giza zaidi za India."

"India ilikuwa tajiri na kustaajabishwa lakini ilisambaratishwa na tawala nyingi za kifalme, na kuacha ardhi iliyogawanyika, ambayo inatilia shaka lugha zake, urithi wake, na kwamba kiwewe kinachukua miaka mingi kushinda na kuweka vipande hivyo pamoja."

"Nadhani kwa Wahindi inawakilisha fursa ya kuchora mstari chini ya karne nyingi za historia za giza."