Aliyepaka mlango kwa rangi ya pinki aamriwa na mamlaka kubadili rangi

Mwanamke mmoja wa Edinburgh anasema "anahuzunishwa na kutamaushwa" baada ya kulazimishwa kupaka rangi ya mlango wake wa mbele ya pinki.

Miranda Dickson aliamriwa kubadili rangi mwaka jana baada ya malalamiko yasiyojulikana kwa Halmashauri ya Jiji la Edinburgh.

Mamlaka ya eneo hilo iliamua kwamba mlango wa waridi haukuwa "unaolingana na tabia ya kihistoria" ya jengo lililoorodheshwa katika eneo la Mji Mpya wa jiji.

Sasa Bi Dickson, 49, amepaka rangi ya kijani kwenye mlango baada ya kushindwa kutengua notisi ya utekelezaji.

Alikuwa ameanza ukarabati wa miezi 18 wa nyumba ya ghorofa tatu ya Georgia wakati wa Covid baada ya kurithi mali hiyo kutoka kwa wazazi wake.

Alibadilisha nyumba hiyo baada ya kuhama kutoka Marekani, ambako alikuwa mkurugenzi wa chapa ya kimataifa ya kampuni ya vinywaji.

Kazi ya mwisho ilikuwa kupaka rangi mlango wa mbele mnamo Desemba 2021 - lakini miezi tisa baadaye alipokea notisi ya utekelezaji, ambayo ilisema anaweza kutozwa faini ya hadi pauni 20,000 ikiwa hatabadilisha rangi.

Aliiambia BBC Scotland kwamba bado alikuwa ameshtushwa na mshtuko ambao ulikuwa umesababishwa na mlango wake wa pinki, ambao uko katika eneo la uhifadhi wa Urithi wa Dunia.

Hadithi hiyo ilichukuliwa na mashirika ya habari kote ulimwenguni baada ya kutangazwa na BBC mnamo Oktoba.

Bi Dickson alisema: "Sielewi kwa nini imewafanya kuwa na hasira, siwezi kuelewa hisia hiyo kuhusu rangi ya mlango.

"Nyumba hizi zilijengwa kama maeneo ya burudani. Ni maeneo ya ajabu

"Nimerejesha madirisha yote na kuweka kingo za mapambo na moldings pamoja na shutters. Nimekuwa na huruma zaidi kuliko marekebisho ya kisasa zaidi.

"Na niliona mlango wa pinki kwenye kipindi cha televisheni cha Eastenders jana usiku, kwa hivyo sio ajabu sana."

Baada ya kupoteza rufaa yake dhidi ya notisi ya utekelezaji, alipewa hadi Aprili 20 kubadili rangi ya mlango.

Ilibidi aombe ruhusa ya kupanga kubadilisha rangi kuwa ya kijani, na akasema kupaka rangi upya kulimgharimu karibu £500.

"Nilipoanza maono yangu kuhusu nyumba, nilikuwa na mawazo yangu na mlango wa pinki ulikuwa maono hayo ya ubunifu," aliongeza.

"Mlango wa pinki ulikuwa maono ya nje ya nyumba yangu.

“Kwa hiyo kulazimishwa kubadilika kumeniacha nikiwa na huzuni na kukata tamaa.

"Nimesikitishwa na nguvu na maoni yote ambayo imesababisha na sasa ninahisi ninafunga ukurasa na kuiweka kitandani, ingawa sijisikii amani juu ya hilo."

Mama wa watoto wawili alikua katika nyumba hiyo, ambayo ilikuwa ya wazazi wake. Waliendesha mnyororo wa mawakala wa usafiri.

Bi Dickson alisema hajawahi kuruhusiwa kuvaa pink akiwa mtoto - lakini alianza kujionesha kwa rangi hiyo alipoanza kusomea theolojia na Egyptology katika Chuo Kikuu cha Manchester.

"Nilikuwa na nywele za rangi ya strawberry kwa hivyo mama yangu hakuwahi kunivalisha nguo ya pinki kwa kuhofia kugongana na rangi ya nywele zangu.

"Kwa hivyo nilipoenda chuo kikuu nilikuwa na kila kitu cha pink, hata rasta za pink."

Bi Dickson anasema anahisi vivyo hivyo kuhusu nyumba yake.

"Wazo kwangu lilikuwa kuunda ulimwengu wa ndoto ambao ulikuwa wa ajabu kidogo, na kila chumba kuwa na mvuto tofauti.

"Imechukua kazi nyingi lakini ninahisi nimefanikisha hilo sasa. Ninaipenda na ninahisi kuwa ni eneo langu."