Laas Caanood oo mar kale dagaal culus uu ka dhacay

Tebin toos ah

1. 14 Maajo 2023Wa tumaa haweeneyda loo magacaabay madaxa fulinta Twitter-ka?

   

   Xigashada Sawirka, Getty Images

   Elon Musk ayaa magacaabay madaxa fulinta ee Twitter-ka, wax ka yar lix bilood ka dib markii uu muran ka dhashay la wareegitaankiisa shirkadda baraha bulshada.

   Maalqabeenka ayaa sheegay in Linda Yaccarino, madaxii hore ee xayaysiinta ee NBCUniversal, ay dusha kala socon doonto howlaha ganacsiga ee goobtaas oo la daalaa dhacaysay lacag sameyso.

   Waxa uu sheegay in ay shaqada bilaabi doonto lix toddobaad gudahood. Mr Musk waxa uu sii ahaan doonaa gudoomiyaha iyo madaxa tignoolajiyada.

   Ms Yaccarino waxa ay waxay ka soo jeedaa qoys Talyaani-Maraykan ah, abbaheed wuxuu ahaan jiray sarkaal booliis ah halka hooyadeedna aysan waligeed jaamacad dhigan.

   Waxay sidoo kale xiriir ka dhistay warbaahinta cusub sida Apple News, Snapchat iyo YouTube.

   Claire Atkinson oo la socotay xirfaddeeda Ms Yaccarino muddo ku dhaw labaatan sano ayaa sheegtay in khibrada ay u leedahay xayeysiinta ay caawin karto shirkada Twitter-ka.

   WARAR KALE OO DHEERAAD AH

   Twitter oo xiri doona baraha aan la isticmaalin

   Maxay tahay barta Mastodon ee ay ku yaaceen dadka ka soo jabay Twitter?

2. 14 Maajo 2023Garmalka ooTaangiyo iyo diyaarado u diraya Ukraine

   

   Xigashada Sawirka, Getty Images

   Jarmalka ayaa ku dhawaaqay inuu siin doono Ukraine xirmo gargaar oo ku dhow $ 3 bilyan si loo xoojiyo difaaca dalka, taasoo calaamad u ah ballanqaadkii Berlin ee ugu weynaa ee gargaarka milatari tan iyo bilowgii dagaalka.

   Wasaaradda difaaca Jarmalka ayaa bayaan ay soo saartay ku sheegtay in xirmadan ay ka mid noqon karaan agabyo kala duwan oo milateri, oo ay ku jiraan gawaarida gaashaaman, 30 taangiyada Leopard, diyaaradaha wax basaasa iyo rasaas.

3. 14 Maajo 2023Israa'iil iyo maleeshiyada Falastiin Islamic Jihad (PIJ) oo ku heshiiyey xabad joojin

   

   Xigashada Sawirka, Reuters

   Waxaa jirta rajo ah in xabbad joojin ay qabsoonto si loo soo afjaro dagaalka shanta maalmood ee u dhexeeya Israa'iil iyo maleeshiyada Falastiin Islamic Jihad (PIJ) ee Gaza.

   Ugu yaraan 33 falastiiniyiin ah ayaa tan iyo talaadadii lagu dilay Gaza, halkaas oo Israel ay sheegtay in ay duqeysay bartilmaameedyada maleeshiyada PIJ.

   Gantaal ay Falastiiniyiintu ku garaaceen Israa’iil ayaa dilay laba qof oo mid Israa’iili yahay iyo mid Falastiini ah oo ka shaqaynayey dalkaas.

   Dadaallada dhex dhexaadinta ah waxaa garwadeen ka ahaa Masar, taasoo ku boorisay labada dhinac inay u hoggaansamaan heshiiska xabbad joojinta.

   Washington ayaa soo dhaweysay ku dhawaaqista xabbad joojinta, waxayna sheegtay in saraakiisha Mareykanka ay kala shaqeeyeen saaxiibada gobolka si loo gaaro qaraarka.

4. 14 Maajo 2023Dhawaqa rasaasta oo laga maqlayo Caasimad Suudaan ka hor wadahalada maanta la filayo

   

   Xigashada Sawirka, EPA

   Dagaal culus oo u dhaxeeya dhinacyada isku haya dalka Suudaan ayaa weli ka socda caasimadda Suudaan ee Khartoum iyo magaalooyin kale ka hor wadahadallada xabbad joojinta ee maanta la filayo.

   Dadka deegaanka ayaa sheegaya in ciidamada Suudaan ay duqeeyeen goobo ay dad rayid ah degan yihiin, halka ciidamada (RSF) ay qabsadeen hanti shacab.

   Dhinacyada dagaallamaya ayaa Khamiistii saxeexay "inay diyaar u yihiin inay fulin doonaan waxa lagu heshiiyo", ka dib toddobaad wadahadal ah oo ay dhexdhexaadinayeen Sucuudiga martida loo yahay iyo Maraykanka.

   Wadahadallada xabbad joojinta ee u dhexeeya wakiillada dhinacyada dagaallamaya ayaa maanta dib uga bilaaban doona Jeddah.

   WAXAAD SIDOO KALE AKHRISAN KARTAA

   Soomaali qaxooti ku ah Sudan oo doonaysa in dal seddexaad loo qaado

   Saddex natiijo oo dagaalka Sudan ku dambeyn karo

5. 14 Maajo 2023Tirada dadka xaqa u leh inay ka codeeyaan dorashada Turkiga

   

   Xigashada Sawirka, Getty Images

   Dalka Turkiga ayaa maanta waxaa ka dhici doonta codbixinta doorashada madaxweynaha iyo ku xigeenadiisa.

   Sanaadiiqda cod bixinta waxay furmi doonaan 08.00 wakhtiga Turkiga waxayna xidhmi doonaan 17.00.

   In ka badan 191,000 oo sanaadiiqada cod bixinta ayaa laga dhigi doonaa ilaa 1,094 degmooyin ee dalka.

   60 milyan 697 kun oo codbixiyayaal ah ayaa xaq u leh inay dalka ka codeeyaan.

   Tirada musharixiinta u taagan doorashada madaxweynaha ayaa ah 4 musharax, tirada xisbiyadu waa 24, halka xildhibaanada madaxa banaan ay yihiin 151 musharax.

   Waxa kale oo mamnuuc ah in la saadaaliyo ama laga faallooda natiijada doorashada ilaa laga gaarayo 18.00 .

   Warar kale oo dheeraadka ah

   "Madaxweyne Erdogan wuxuu mar waddooyinka ku iibin jiray rooti"

   Maxay yihiin danaha u dhaxeeya Afrika iyo Turkiga?

6. 14 Maajo 2023Doorashada Turkiga oo maanta dhaceysa

   

   Xigashada Sawirka, TUNAHAN TURHAN/SOPA VIA GETTY

   Turkiga ayaa maanta u codeynaya , doorashada ugu muhimsan taariikhdooda casriga ah, si ay go'aan uga gaaraan haddii Recep Tayyip Erdogan uu sii ahaanayo madaxweyna hooda ka dib 20 sano oo uu xukunka hayay.

   Ninka ay sida weyn u xafiiltamaan, Kemal Kilicdaroglu, ayaa ballan qaaday in uu meesha ka saari doono awoodo badan oo uu helay madaxweyne Erdogan kaddib markii uu ka badbaaday afgambigii dhicisoobay ee 2016-kii.