BBC News, Somali
U gudub qaybta macluumaadka

Halka arrin ee ka dhiman ku dhawaaqista qofka noqday Madaxweynaha Cusub ee Kenya

Tebin toos ah

Tebin toos ah

  1. Tirinta codadka doorashada Kenya oo weli socota

    .

    Xigashada Sawirka, Getty Images

    Waxaa dalkan Kenya ka socota tirinta codadka laga dhiibtay doorashadii shalay dhacday iyadoo ay si weyn isugu dhaw yihiin labada musharrax ee Raila Odinga iyo William Ruto.

    Guddiga doorashooyinka Kenya ayaa sheegay in 60% dadka isu diiwaangeliyay doorashada ay shalay codkooda dhiibteen, taasoo ah tiro hoosaysa marka loo eego doorashooyinkii hore.

    Deegaanka Eldas ee ka tirsan Wajeer maanta waxaa ka dhaceysaa doorashada oo shalay u baaqatay sababo amni darro.

    Korjoogayaasha caalamiga ah iyo kuwa maxalliga ah ee doorashadii shalay ka dhacday Kenya ayaa ammaanay qaabka loo maareeyay, gaar ahaan in cillad weyn aan lagala kulmin hannaanka dijitaalka ah ee lagu keydiyay xogta codbixiyayaasha.

    Shacabka Kenya waxay si weyn isha ugu hayaan cidda noqon doonta Madaxweynaha xiga.

    Waxaana doorashada si weyn isugu hayaa Ra'iisul Wasaarihii hore ee Kenya, Raila Odinga iyo madaxweyne ku xigeenka William Ruto.

    Sidoo kale dadka waxay ka war sugayaan natiijada doorashada guddoomiyeyaasha gobollada iyo xildhibaanada.

  2. Ilhaan Cumar oo guul weyn ka gaartay Mareykanka

    .

    Xigashada Sawirka, ILHAN OMAR

    Ilhaan Cumar oo ka tirsan Aqalka Koongareeska ee baarlamaanka Maraykanka ayaa codad kooban uga adkaatay Don Samuels oo kula tartamayay doorashada isreereebka ee xisbiga Dimuqraadiga.

    Ilhaan Cumar waxay heshay boqolkiiba 50.5 codadkii la dhiibtay halka Don Samuels uu helay 48.2.

    Doorashadan ayaa aheyd mid si weyn loo hadal hayay isla markaana lagu tilmaami karo tii ugu adkeyd, sida uu kusoo warramayo weriye Siyaad Saciid Saalax.

    Waxay ka dhigan tahay in Ilhaan Cumar ay xisbiga Dimuqraadiga uga qeybgeli doonta doorashada Mareykanka ka dhaceysa bisha November.

    Ilhaan ayaa haatan ku fadhidaa kursiga degmada shanaad ee aqalka koongareeska ee Minnesota.

    Ilhaan Cumar ayaa barta Twitter-ka ku sheegtay in guusha ay weyn u tahay dadka ku nool degmada ay matasho.

    Ka bood X boggan
    Oggolow X macluumaadka

    Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

    Digniin: BBC macluumaadka ku qoran bog kale masuul kama ahan

    Dhammaadka X boggan