Musharrixiinta u gudbay wareega labaad
Waxaa wareega labaad u gudbay sida uu shaaciyay guddoomiyaha baarlamaanka
- Xasan Sheekh maxamuud
- Maxamed Cabdullahi Farmaajo
- Sheekh Shariif Sheekh Axmed
- Cumar Cabdiriashiid Sharmarke
Tebintii tooska ahayd ee doorashada madaxweynaha
Ra'iisal wasaarihii hore ee Soomaaliya maxamed cabdullaahi Farmaajo ayaa loo doortay madaxweyne ka dib markii xassan Sheekh uu qirtay guul darro markii uu dhammaaday wareegii labaad ee codbixinta. Haddba waa kuma Farmaajo?.
Tebin toos ah
Tirinta codadka ayaa socota
Waxaa socota tirinta codadkii lagu dhiibtay wareega koobaad. Haddii la waayo murashax hela 2/3 codadka oo ah 219 cod, waxaa loo gudbayaa wareegga labaad, waxaana u gudbaya afarta murashax ee ugu codka badan.
Wareegii koobaad ee codaynta oo dhamaaday
Waxaa la soo gabogabeeyay wareegii koobaad ee codaynta, waxaana billaaban doonta tirinta codadkii la dhiibtay.
Musharixiinta oo sugaya natiijada wareega koobaad
21 musharrixiin ayaa soo hartay ka dib markii seddax musharrax ay tanaasuleen.
Qoraalka sawirka, Qaar ka mid ah msuahrrixiinta oo fadhiyo safka hore 
Xigashada Sawirka, BBc
Halkan ayaad si toos ah uga dawan kartaa codeynta xildhibaanada
Halkan ayaad si toos ah uga daawan kartaa wareega koobaad codeynta xildhibaanada oo wali socota
Ka bood YouTube bogganOggolow Google YouTube macluumaadkaDigniin: BBC macluumaadka ku qoran bog kale masuul kama ahan YouTube Waxaa laga yaabaa inay ku jirta xayasiisMacluumaadkan waxaa daabacay Google YouTube. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri Google YouTube xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.
Dhammaadka YouTube boggan
Talow ma lagu kala bixi doonaa wareega koobaad?
Weriyaha BBC-da Faaarax lamaane oo ku sugan goobta codeynta wuxuu leehay haddii la waayo murashax hela 2/3 codadka oo ah 219 cod, waxaa loo gudbayaa wareegga labaad, waxaana u gudbaya afarta murashax ee ugu codka badan.
Xigashada Sawirka, UNSOM
Codeynta wareega koobaad ayaa socota
Weli codbixinta wareegga 1aad ayaa socota. 328 xildhibaan oo labada gole ka tirsan ayaa hoolka ku sugan oo codaynaya.
, Jawaari oo noqday qofkii u horeeyay ee codeeya
Gudoomiyaha baarlamaanka Maxamed Cusmaan Jawaari ayaa noqday qofkii u horeeyay ee codka dhiibtay
Codaynta oo billaabanaysa
Gudoomiyaha gudiga doorashada Cabdiraxmaan Bayle ayaa sheegay in ay billaabayaan codaynta
328 xildhibaan ayaa xaadir ku ah hoolka codeynta
Guddoomiyaha baarlamaanka Maxamed Cusmaan Jawaari ayaa sheegay in 328 xildhibaan ay joogana hoolka oo uu hal xidhibaan oo xanuusan uu maqan yahay.
Qoraalka sawirka, 328 xildhibaan ayaa xaadir ku ah hoolka codeynta 
, Faroole oo xildhibaanada ka hor cadeeyay in uu tartanka ka haray
Madaxwaynihii hore ee Puntland Cabdiraxmaan Faroole oo xildhibaanada la hadlay ayaa caddeeyay in uu ka haray doorashada madaxtinimada.
21 musharax oo isu soo haray
21 Murashax ayaa isugu soo haray loolanka doorashada madaxtinimada ka dib markii ay tanaasuleen saddex ka mid ah murashaxiinta, sida uu sheegay Afhayeenka baarlamaaanka Maxamed Cusmaan Jawaari.
Magaca Ilaahay lacag ha ku gadaninina
Sheekh Bashiir Axmed Salaad oo ah guddoomiyaha Hay'adda Culumada Soomaaliyeed ayaa kalmad wacdi ah u jeedinaya xildhibaanada. Wuxuu ugu baaqay inay dalka u dooreen hoggaan fiican. Wuxuu xasuusiyay xildhibaanada dhaartii ay u dhaarteen inay umadda u shaqeyn doonaan, wuxuna ugu baaqay in dhaartii ay magaca eeba ku dhaarteen aysan ku gadanin lacag.
Ololaha doorashada waxaa hareeyay eedaymo Musuqmaasuq
Intii lagu guda jiray ololaha musharixiinta waxaa soo baxayay warar sheegayay in codadka la kala iibsanayay. Halkan ka daawo warbixin uu Faarax lamaane ka diyaariyay doorashadan.
Qoraalka Muuqaalka, Daawo:Ololaha doorashada waxaa hareeyay eedaymo Musuqmaasuq Waddooyinka Muqdisho ayaa xiran
Magaalada Muqdisho waxaa ka dhaqan galay go'aan lagu joojiyay socodka gaadiidka ee wadooyinka waawayn, iyadoo ay maanta dhacayso doorashada madaxtinimada ee Soomaaliya
Qoraalka sawirka, Weriyaha BBCda ee magaalada Muqdisho Ibraahim Maxamed Aadan wuxuu ku soo waramayaa in hadalhayntu u badan aysan ahayn gaadiidka istaagay ee ay tahay cidda masiirka umadda qaban doonta Kurastii way buuxsameen
Hoolka ayaa iminka buuxsamay, kuraasta fadhiga loogu tala galayna way buuxaan, welina dad ayaa soo galaya kuwaasoo inay istaagaan mooyee aan fadhi haysan.
Lamaane oo ku sugan hoolka doorashada
Weriayayaal ka tirsan BBC-da oo uu ku jira Faarax Lamaane ayaa ku sugan hoolka ay ka dhaceysa doorasahada.
8 xildhibaan ayaan wali imaanin
321 xildhibaan ayaa ilaa hadda saxiixday liiska is xaadirinta. 8 xildhibaan ayaa ka dhiman tirada guud ee labada gole oo ah 329
Murashaxiinta qaar ayaan weli soo gaarin hoolka
Murashaxiinta qaar ayaan weli soo gaarin hoolka, waxaana socota nidaaminta iyo kala hufka goobta shirka. Ugu yaraan ilaa 4 bar koontarool ayaa adadka oo dhan lagu baarayey ayadoo aan la kala soocin. Waxaa dhici karta in qorshaha doorashada la bilaabo marka kooramku buuxsamo.
Wali ma billaabanin doorashada
Weli waxaa socota imaatinka ka qayb galayaasha doorashada, kuwaasoo isugu jira xidhibaannada, saxafiyiinta iyo korjoogtada caalamiga ah.
��.
Qoraalka sawirka, Qaar ka mid ah xildhibaanada Soomaaliya 
Qoraalka sawirka, Guddiga qabanqabaada doorashada oo ka codsanaya xildhibaanada inay fariistaan