Donald Trump oo noqday madaxweynaha 45 ee Mareykanka

Tebin toos ah

1. 20 Jannaayo 2017Didbedbaxayaal jabiyay daaqad

   Xiisada ayaa ka taagan caasimadda Washington. Dibedbaxayaal madow ah  oo wato burar ayaa jbaiyay daaqadaha dukaamo ku yaalla Washington.

   Dibedbaxayaasha ayaa ku qeylinayay hakudhagyo ka dhan ah Trump. Booliska ayaa kala  dhexgalay taagerayaasha trump iyo kuwa diidan Trump

2. 20 Jannaayo 2017Saameynta Trump uu ku yeelan karo ganacsiga furan ee xorta ah

   Siyaasadaha ganacsiga e Donald Trump waxay noqon kartaa mid ka mid ah is bedelka ugu weyn ee ku dhaca habka ganacsiga Mareykanka uu ula sameeyo qeybaha kale ee caalamka. 

   Wuxuu ku caga jugleeyay inuu ka baxaayo heshiiska ganacsiga xorta ah ee Waqooyiga Aemrika, kaas oo u dhexeeya Mareykanka, Kanada, iyo Mexico. Wuxuu ku eedeeyay inuu shaqo la'aan sababay. 

   Sidoo kale wuxuu soo jeediyay in Mareykanka uu ka baxo ururka ganacsiga dunida ee WTO. 

   Tan iyo markuu ku guuleystay doorashada, wuxu u hanjabay shirkado, gaar ahaan kuwa telefoonada sameeya. 

   Shiinaha si gaar ah ayuu madaxa ugula jiraa ee ganacsiga oo keli ah iskuma maandhaafin.

   

   Xigashada Sawirka, Reuters

3. 20 Jannaayo 2017Hillary Clinton ayaa gaartay US Capitol

   Hillary Clinton,oo ahayd musharrixii xisbiga Dimuqraadiga ee uu Trump uga adkaaday doorashada ayaa gaartay goobta lagu dhaarin doono Donald Trump. Waxay dagaal adag u gashay sidii ay u noqon lahayd qofka maanta xilkan loo dhaarinaya balse way ku guuldarreysatay

4. 20 Jannaayo 2017Caqabadaha NATO ay Trump kala kulmi karto

   Mr Trump ayaa si aad ah uga soo hor jeedo NATO, oo Mareykanka uu ka mid ahaa in ka badan 60 sano. 

   Wuxuu weerar afka ah ku qaaday gaashaan-buurta sida ay u dhaqanto, wuxuuna ku sheegay inay yihiin mahad laawayaal ka faa'iida Mareykanka. 

   Maalmo ka hor dhaarintiisa, wuxuu markale ku celyay eedaha wuxuuna yiri "Dalalka NATO ee 28-da ah ma bixinayaan saamiga laga doonayo taas oo xaqdaro ku ah Mareykanka". 

    Arrintaas ayaa ka dhalatay 3,000 oo askar Mareykan ah oo la geeyay Poland, taas oo qeyb ka ah qorshaha Obama uu sheegay inuu kaga hortagaayo daandaansiga Ruushka. 

   Ayadoo hadalladaas uu sheegay ayuu marar badan tilmaamay in NATO muhiim ay u tahay asiga. 

   Hase yeeshee, taasi ma aysan keenin kalsooni, waxaana Yurub oo dhan ay shaki ka qabtaa hadalladiisa.

   Wasiirka arrimaha dibadda ee Jarmalka wuxuu sheegay in hadalka Trump uu sababay walaac ka dhex taagan isbeheysiga.

   

   Xigashada Sawirka, EPA

5. 20 Jannaayo 2017Shan arrimood oo Trump uu ku sheegay Soomaalida

   Donald Trump ayaa intii uu ku jiray ololaha doorashada wuxuu jeediyay haddallo badan oo ku saabsanaa Soomaalida iyo Muslimiinta.  Waxaan halkan ku soo koobeyna shan arrimood oo Soomalida ka sheegay

   Shan arrimood oo Trump uu ku sheegay Soomaalida

   

   Xigashada Sawirka, Reuters

6. 20 Jannaayo 2017Ruushka: Trump anaga ma wadano

   Asigoo la hadlaayay wakaaladda wararka ee Ruushka, afhayeenka madaxweyne Putin wuxuu beeniyay in dalkiisa uu door ka ciyaaray guushii Trump ee doorashada.

   Wuxuu dalalka reer galbeedka ku eedeeyay inay marin habaabinayaan dadka.

   "Ninkaan anaga ma wadano, waxaa wato Mareykanka," ayaa laga soo xigtay asigoo sidaas u sheegaya wakaaladda.

   

   Xigashada Sawirka, Reuters

7. 20 Jannaayo 2017Diyaargarawgii u dambeeyay oo ka socda Capitol Hill

   Kuraas badan ayaa la diyaariyay iyadoo aan ku sii siqayno xalfadda caleemo saarka madaxwaynaha la doortay ee dalka Maraykanka Donald Trump.

   

   Xigashada Sawirka, Getty Images

8. 20 Jannaayo 2017Qoysaska Trump iyo Obama oo kulmay

   Trump ayaa soo galay Aqalka Cad  waxaana salaamay madaxweynaha xilka banneynaya iyo qoyskiisa.

   Madaxweynaha la doortay ayaa salaam sharafeed ka guddoomay asker ka tirsan ciidammada Marines-ka  oo ku sugan Aqalka cad. Hadda waxay ku suganyihiin Aqalka Cad.

9. 20 Jannaayo 2017Ku soo dhawaada wararka caleema saarka Donald Trump

   • Trump wuxu ka qayb gelay  duco lagu dhigi doono kaniisadda St John's Episcopal oo u dhaw Aqalka Cad.
   • Trump iyo afadiisa Melania ayaa shaaha aroornimo la qabi doona madaxweyne Obama iyo marwada koowaad Michelle Obama. Ka dibna labada qoys waxa kolonyo baabuur ah lagu geyn doonaa Capitol.
   • 9:30 subaxnimo (14.:30 GMT) ayaa xafladda caleemo saarku ku bilaabmi doontaa bandhig muusig ah.
   • 1:30 (16:30 GMT) Trump wuxu ku dhaaran doonaa dhaarta dastuuriga ah, waxaana dhaarin doona gudoomiyaha maxkamadda sare Roberts. Ka dibna wuxu jeedin doonaa khudbadiisa caleemo saarka.
   • 3-5 galabnimo (20:00 -22:00 GMT) Trump iyo Pence waxay billaabi doonaan socod 1.5 mayl ah (2.4km) oo ay ku mari doonaan wadda weyn ee Pensnsylvania Avenue halkaas oo dad taageersan iyo kuwo ku mudaharaadayaaba tubnaan doonaan.
   • 7-11 galabnimo (00:00-4:00 SGA) Trump iyo Pence iyo xaasaskooda ayaa ka qayb gali doonaa saddex xafladood oo caleemo saar ah.