Magaalo ku taala Iiraan oo "weerar xooggan" lala eegtay iyadoo qiiq qabsaday hawada xarun gantaal

Tebin toos ah

1. 2 Abriil 2026Iiraan iyo Mareykanka yuu hubka kahor dhamaan karaa?

   

   Xigashada Sawirka, Getty Images

   Iyadoo dagaalka ay Mareykanka iyo Israel kula jiraan Iran uu galay maalintiisii lixaad, saadaasha badan ee ku saabsan suurtagalnimada xabbad-joojin ama degganaansho ayaa inta badan diiradda saaray awoodda milatari ee dhinacyada dagaallamaya si ay dagaalka u sii wadaan, halkii ay xoogga saari lahaayeen waddooyinka diblomaasiyadeed.

   Borobagaandada dagaalka waxay ku khasabtaa labada dhinac inay aad uga taxaddaraan sida ay u soo bandhigayaan awooddooda difaac iyo weerar, mararka qaarkoodna xitaa way buunbuuniyaan.

   Warbixintan waxay isku dayaysaa inay dib u eegto xaaladda, kana gudubto hal-ku-dhegyada iyo borobagaandada labada dhinac ee dagaalka, si ay uga jawaabto qaar ka mid ah su'aalaha weli taagan ee ku saabsan heerka iyo sii socoshada dagaalkan.

   "Ku tiirsanaanta tirooyinka ee khamaarka dagaalka."

   Jamhuuriyadda Islaamiga ah ee Iran, oo dhowr bilood ka hor ku lug lahayd waxa loogu yeero "Dagaalkii 12-ka Maalmood", isla markaana la kulantay weerarro culus, ayaa shantii maalmood ee la soo dhaafay muujisay in, inkastoo awoodda difaac iyo weerar culus ee Mareykanka iyo sidoo kale Israel, ay weli awood u leedahay inay waxyeello gaarsiiso danaha Mareykanka iyo xulafadiisa.

   Hay'adda sirdoonka difaaca ee Mareykanka, Defense Intelligence Agency, ayaa sanadkii 2019 ku dhawaaqday in Iiraan ay haysato kaydka gantaallada ugu weyn ahna noocyo kala duwan ee Bariga Dhexe oo dhan. Ku dhawaad toddobo sano ayaa ka soo wareegay markaas, inkastoo Iiraan ay isticmaashay qayb ka mid ah gantaalladeeda muddadan, haddana waxaa la aaminsan yahay in kayd badan uu weli jiray ka hor bilowga dagaalkan.

   Sii akhri

2. 2 Abriil 2026Putin iyo Bin Salmaanka Sacuudiga oo farriin diray

   

   Xigashada Sawirka, Getty Images

   Madaxweynaha Ruushka, Vladimir Putin ayaa Khamiistii wacay dhaxal sugaha boqortooyada Sacuudiga, Maxamed Bin Salmaan, si uu u xoojiyo dadaallada siyaasadeed iyo diblomaasiyadeed ee lagu soo afjarayo dagaalka.

   "Wadahadalkan taleefanka, labada dhinacba waxay ku nuuxnuuxsadeen baahida loo qabo in si degdeg ah loo joojiyo colaadaha iyo xoojinta dadaallada siyaasadeed iyo kuwa diblomaasiyadeed si loo gaaro heshiis waqti dheer ah si loo xalliyo khilaafka," ayay Kremlin ku tiri hadal ay soo saartay.

   Sida ay sheegayaan wararka, Vladimir Putin iyo Mohammed bin Salman, ayaa sidoo kale ka wada hadlay "dhibaatooyinka la xiriira wax soo saarka tamarta iyo isu socodka oo ay sababeen dhibaatada ka socota Bariga Dhexe, taas oo si xun u saameysa amniga tamarta adduunka"

   Waxay sidoo kale ku nuuxnuuxsadeen "muhiimadda iskaashiga wadajirka ah ee lala yeesho Ruushka iyo Sacuudi Carabiya iyadoo la raacayo qaab-dhismeedka OPEC+ si loo xasiliyo suuqa saliidda adduunka"

   Qiimaha saliidda ayaa Khamiistii kor u kacay ka dib markii Madaxweynaha Mareykanka, Donald Trump, uu ku hanjabay in weerarro culus lagu qaadi doono Iiraan, taasoo wiiqday rajadii laga qabay in xiisadda la dejiyo.

   Tan iyo markii Mareykanka iyo Israa'iil ay weerareen Iiraan oo ay xireen Marinka Hormuz, qiimaha shidaalka wuxuu ahaa mid sii kordhaya.

   Sidoo kale akhriso:

   Muxuu yahay walwalka soo foodsaaray hogaamiyaha Kuuriyada Waqooyi?

   Muxuu Trump ugu oggolaaday Pakistan inay dhexdhexaadiso dagaalka Iran?

   Sidee istaraajiyada dagaalka ee Iiraan uga yaabsatay Maraykanka iyo Israa'iil

   Khatar intee le'eg ayaa ku jirta in Maraykanku la wareego Yuraaniyamka Iiraan

3. 2 Abriil 2026Weerar mindi loo adeegsaday oo ka dhacay Uganda

   

   Xigashada Sawirka, Booliska Uganda

   Afar carruur ah - hal gabar iyo saddex wiil - ayaa si arxan darro ah loogu dilay iskuul ku yaal caasimadda Uganda ee Kampala, sida ay sheegeen booliiska.

   Nin 34 jir ah oo la tuhunsan yahay ayaa la xiray laakiin "ujeeddada ka dambeysa dilalka wali baaritaan ayaa lagu hayaa", ayay ciidamada booliiska Uganda ku sheegeen qoraal ay soo dhigeen bartooda X.

   iskuulkan waxaa lagu magacaaba Ggaba Early Childhood Development program, wuxuuna ku yaala deegaanka Makindye oo hoos yimaada caasimadda Kampala.

   Baarayaasha ayaa goobta ku sugan, afhayeen u hadlay booliiska ayaa sheegay in faahfaahin dheeraad ah la bixin doono gelinka dambe ee maanta.

   Taliyaha booliiska Abas Byakagaba iyo saraakiil kale oo sare ayaa sidoo kale ku sugnaa iskuulka, waxaana la siiyay warbixin ku saabsan waxa dhacay.

   Byakagaba wuxuu ku boorriyay dadweynaha inay is dejiyaan inta booliisku ay sii wadaan howlahooda.

   Wargeyska Daily Monitor ee ka soo baxa Uganda ayaa soo xiganaya dadka deegaanka oo sheegaya in qofka la tuhunsan yahay uu iska dhigay waalid , iskuulka ayuu gudaha u galay, ka dib markii uu la hadlay maamulaha waxaa uu uu weeraray carruurta dhiganeysa iskuulka.

   Dhibanayaasha ayaa da'doodu u dhaxaysay laba ilaa saddex sano, sida uu wargeysku qoray.

   Dhacdadan naxdinta leh ayaa argagax gelisay guud ahaan dalka, taasoo keentay walaac xooggan oo ku saabsan badqabka ardayda wax ku barata dalka Bariga Afrika.

4. 2 Abriil 2026Imaaradka oo maanta weerar la kulantay

   Waxaan helnay war cusub oo ka yimid Wasaaradda Difaaca ee Imaaraadka,taas oo sheegtay inay “la tacaaleen” 19 gantaal iyo 26 diyaarado aan duuliye lahayn (drones) oo maanta laga soo tuuray Iran.

   Wasaaraddu waxay sidoo kale ku sheegtay qoraal ay ku daabacday X in tan iyo markii dagaalku bilaabmay, difaacyada cirka ee Imaaraadka ay ka hortageen qiyaastii:

   • 457 gantaallo ballistic ah
   • iyo 2,038 drones

   Tani waxay muujinaysaa baaxadda weerarrada joogtada ah iyo sida ay Imaaradka u adeegsato nidaamyadeeda difaaca si ay uga hortagto hanjabaadaha cirka.

5. 2 Abriil 2026Iiraan oo ka yaabstay Mareykanka iyo Israa’iil

   

   Xigashada Sawirka, Getty Images

   Markii Maraykanka iyo Israa'iil ay weerarro wadajir ah ku qaadeen Iiraan 28-kii Febraayo, su'aasha ugu weyn ee xilligaas waxay ahayd intee in le'eg ayuu dagaalkani socon doonaa?

   Markaa arrintu waxay u muuqatay inay jiitamayso maalmo, toddobaadyo, iyo hadda bilo, waxayna u muuqatay in aanu jirin waqti cad oo lagu soo afjarayo dagaalkan.

   Khudbadii ugu dambeysay ee uu u jeediyay shacabka Mareykanka, Madaxweyne Trump, ayaa si ka duwan sidii la filayay, waxa uu awoodi waayay inuu soo bandhigo qorshe cad, balse waxa uu sheegay in "Mareykanku uu ku dhow yahay inuu gaaro hadafkiisa istiraatijiyadeed ee Iiraan" iyo in "weerarro ba'an lagu qaadi doono Iiraan labada ilaa saddexda toddobaad ee soo socda".

   Waxa uu sidoo kale ku hanjabay "in uu Iiraan dib ugu riixayo Casrigii Dhagaxa".

   Suuqyada Shidaalka iyo Suuqyada saamiyada oo rajo ay ka qabey khudbadii uu shacabka u jeediyey ayaa markiiba ka falceliyay, mana aha oo kaliya in sicirka saliidda si xawli ah kor ugu kacay caalamka, balse suuqyada Aasiya oo kuwa Maraykankuna ku jiraan ayaa iyaguna hoos u dhacay.

   Safiirkii hore ee Maraykanka u fadhiyay NATO Ivo Dalder oo ka jawaabayay khudbada ayaa sheegay in hadalka Trump uu keenay "shaki laga qabo ujeedooyinka dagaalka" wuxuuna ka tagay dhowr su'aalood oo muhiim ah oo aan laga jawaabin, oo ay ku jiraan sababta Maraykanku uu weli u sii wado hawlgallada milatari ee Iiraan haddii sida uu sheegay Trump la burburiyo awoodda Nukliyeerka ee Iiraan, ciidamada badda iyo gantaalaha.

   Hal shay ayaa ku cad hadalka madaxweyne Trump: dagaalku wuu sii socon doonaa.

   Inkasta oo khasaare culus uu billowgii hore dhacay, Iiraan weli si xooggan ayay u dagaallamaysaa oo ay dagaalka u sii waddaa.

   Sii akhri

6. 2 Abriil 2026Iiraan oo farriin ku saabsan hubkeeda nukliyeerka u dirtay Mareykanka iyo Israa'iil

   

   Xigashada Sawirka, TASNIM NEWS AGENCY

   Afhayeen u hadlay militariga Iiraan ayaa ka digay in Mareykanka iyo Israa'iil ay "cawaaqib xumo kala kulmi doonaan" weerarada ay ka geysteen dalkooda, isagoo sheegay in Iiraan ay ballaarin doonto weerarradeeda ka dib markii Trump uu ku hanjabay inuu sii wadi doono weerarrada ka dhanka ah Iiraan.

   War qoraal ah oo ay baahiyeen wargeyska Tasnim iyo ilo wareedyada Fars, afhayeenka militariga ayaa sheegay in labada dal aysan haysan macluumaad dhammaystiran oo ku saabsan awoodaha iyo qalabka milatari ee Iiraan.

   Waxa uu sidoo kale sheegay in soo saarista hubka Iiraan "uu ka dhacayo meelo aadan haba yaraatee ka warqabin," isagoo meesha ka saaray sheegashada Trump ee ah in Iiraan ay ka sii dhamaaneyso hubka.

   Waxaad sidoo kale akhrisan kartaa:

   Muxuu Trump ugu oggolaaday Pakistan inay dhexdhexaadiso dagaalka Iran?

   Sidee istaraajiyada dagaalka ee Iiraan uga yaabsatay Maraykanka iyo Israa'iil

   Khatar intee le'eg ayaa ku jirta in Maraykanku la wareego Yuraaniyamka Iiraan

7. 2 Abriil 2026Su'aasha ay adag tahay in laga jawaabo ee ku aadan dagaalka Iiran

   Frank Gardner, oo ah wariye amniga u qaabilsan xafiiska siyaasadda arrimaha dibadda UK, ayaa is weydiinaya:

   Sidee marinka Strait of Hormuz dib loogu furi karaa si ganacsigu caadi ugu socdo iyadoo la adeegsanayo diblomaasiyad?

   Su’aashan ayaa maanta lagu falanqeynayaa shir khadka internetka ah oo ay leeyihiin wasiirrada arrimaha dibadda, kaas oo ay martigelinayso Wasiirka Arrimaha Dibadda ee Britain, Yvette Cooper, kana dhacaya xafiiska Westminster.

   Jawaabo sahlan ma jiraan.

   Madaxweyne Donald Trump iyo dagaalka Israel uu kula jiro Iran ayaa si lama filaan ah u xoojiyay awoodda wadahadal ee nidaamka Iiraan marka loo eego sidii uu ahaa ka hor dagaalka.

   Iyadoo hanjabaad u jeedinaysa maraakiibta maraya marinkan muhiimka ah, Iiraan waxay si wax ku ool ah u qabsan kartaa dhaqaalaha caalamka.

   Iyadoo boqolaal maraakiib ah ay ku xanniban yihiin labada dhinac ee marinka, qiimaha shidaalka, gaaska iyo naaftada ayaa si weyn u kacay.

   Madaxweyne Trump ayaa mararka qaar ka labalabaynayay mowqifkiisa—mar wuxuu u hanjabay Iiraan inuu ku qasbi doono inay dib u furto marinka, mar kalena wuxuu muujiyay inuu gebi ahaanba ka bixi karo arrinta.

   Hadda, wuxuu sheegay in dalalka u baahan badeecadaha ka imanaya Gacanka ay iyagu xal ka gaaraan arrintan.

8. 2 Abriil 2026Macron oo weerar culus oo afka ah ku qaaday Trump

   

   Xigashada Sawirka, EPA

   Madaxweynaha Donald Trump ayaa si adag u weeraray France, isagoo ku eedeeyay inaysan ka caawin dagaalka ka dhanka ah Iran, isla markaana si gaar ah u weeraray Madaxweynaha Emmanuel Macron.

   Trump ayaa Arbacadii sheegay in xaaska Macron, Brigitte Macron, “ay si aad u xun ula dhaqanto”.

   Macron ayaa sheegay in hadalladaas ay yihiin kuwo aan habboonayn oo aan istaahilin in laga jawaabo.

   Arrimaha istaraatiijiga ah, Madaxweynaha Faransiiska ayaa sheegay in maamulka Trump uu si joogto ah u bixiyo fariimo iska soo horjeeda.

   “Hadalku aad buu u badan yahay,” ayuu yiri, isagoo raaciyay: “wax walba waxay u socdaan jihooyin kala duwan. Laakiin dhammaanteen waxaan u baahan nahay xasillooni, deggenaansho, iyo ku laabashada nabadda. Tani ma aha riwaayad.”

   “Haddii aad rabto inaad dhab ka noqoto, ma sheegi kartid maalin kasta wax ka soo horjeeda wixii aad sheegtay maalintii ka horreysay.”

9. 2 Abriil 2026Laftagareen ma wuxuu ku adkeysanayaa in uu yahay madaxweynaha KGS?

   

   Xigashada Sawirka, Getty Images

   Tan iyo markii dowladda federaalka Soomaaliya ay magaalada Baydhabo kala wareegtay maamulka Koonfur Galbeed isla markaana uu bartiisa Facebook ku shaaciyay Cabdicasiis Xasan Maxamed Laftagareen, in uu xilkii iska casilay, waxaa soo baxayay is waydiimo ku saabsan tallaabooyinka la filan karo iyo in xaaladdu sidaa ku soo afjarantay.

   Haddaba BBC-da ayaa su'aalahaasi iyo kuwa kale hor-dhigtay afhayeenka mamaulka Koonfur Galbeed Ugaas Xasan Cabdi Maxamed oo aan la yeelanay waraysi dheer oo ku saabsan xaaladda guud.

   Wuxuu sheegay in wixii ka dhacay Isniintii Baydhabo oo ahaa dagaalkii dhexmaray ciidamada dowladda federaalka iyo Koonfur Galbeed ay ahaayen nasiib darro lagan abaaqsan karay.

   Wuxuu sheegay in dhankooda ay go'aan ku gaareen in ay kala bad-baadiyaan ciidamada isla markaana ay keentay arrintaasi go'aankii madaxweynihii ku dhawaaqay inuu is casilay uu kaga baxay magaalada Baydhabo oo ugu duulay Nairobi, oo hadda uu ku suganyahay.

   Ugaas Xasan Cabdi Maxamed oo BBC-d waydiisay in ciidamo iyo gawaari dagaal oo maamulku lahaa ay hadda joogaan duuleedka Baydhabo, waxaa uu ku jawaabay: "Ciidamadu waxey sugayaan amniga maadama gudaha lagu dagaallamay amniga bannaanka ayaa meesha ka bixi kara oo halis gali kara marka sidaa ayay bannaanka u joogaan".

   Saacadihii la soo dhaafay waxaa jiray warar la isla dhex marayay oo sheegayay in Cabdicasiis Xasan Laftagareen uu weli ku adkeysanayo inuu yahay madaxweynaha Koonfur Galbeed isla markaana sida dowladda federaalku u wajahaday mamaulkiisa aaney sax ahayn arrintaas.

   Hase yeeshee Ugaas Xasan Cabdi Maxamed oo ah afhayeenka Koonfur Galbeed ayaa ka gaabsaday arrintaas, isagoo sheegay in go'aanadaasi ay Laftagareen gaar u yihiin, oo xilliga ku habboon uu sheegi doono qorshihiisa.

   Marka kale ayaa BBC-du waydiisay in go'aankii is casilaadda uu ka laabtay iyo in kale, balse mar kale ayaa Ugaas Xasan ka gaabsaday in si waafi ah uu arrintaa uga jawaabo. Wuxuuna carrabka ku adkeyay in aanu bixi karin xog ku saabsan go'aanka iyo qorshaha madaxweynihii hore ee Koonfur Galbeed.

   Itoobiya iyo Laftagareen

10. 2 Abriil 2026Waxaan soo ridnay diyaarad aan duuliye lahayn - Iiraan

    

    Xigashada Sawirka, Getty Images

    Ciidamada ilaalada Kacaanka Iiraan, ayaa xaqiijiyay in ciidamadoodu ay soo rideen diyaarad aan duuliye lahayn oo Hermes 900 ah oo lagu soo riday.

    Ciidanku waxay sheegeen inay soo rideen drone-ta xili ay mareysay magaalada Shiraz saaka.

    Dagaalka u dhexeeya Iiraan, Mareykanka, iyo Israa'iil ayaa sii xoogeysanaya, iyadoo labada dhinacba ay sii wadaan inay isku weeraraan gantaallo iyo diyaaradaha aan duuliyaha lahayn.

    Mar sii horreysay oo maanta ah. Tehran ayaa uga digtay Mareykanka iyo Israa'iil weeraro "baabi'in ah," xilli duqeymuhu ay galene toddobaadkii shanaad oo xiriir ah.

    Digniintan ayaa timid saacado yar uun ka dib markii Madaxweyne Donald Trump uu ku hanjabay in Mareykanku uu Iran uu “si adag u” garaaci doon labada ilaa saddexda toddobaad ee soo socda, waana is-dhaafsigii ugu dambeeyay ee hanjabaadaha labada dal dhexmaraya.

    21-kii Maarso: Trump wuxuu sheegay in ciidamada Mareykanka ay "tirtiri doonaan" warshadaha korontada ee Iran haddii Tehran ay furi weydo Marinka Hormuz muddo 48 saac gudahood ah. Iran waxay kaga jawaabtay weerar ay ku garaacday magaalada Dimona ee Israa'iil.

    Waxaad sidoo kale akhrisan kartaa:

    Muxuu Trump ugu oggolaaday Pakistan inay dhexdhexaadiso dagaalka Iran?

    Sidee istaraajiyada dagaalka ee Iiraan uga yaabsatay Maraykanka iyo Israa'iil

    Khatar intee le'eg ayaa ku jirta in Maraykanku la wareego Yuraaniyamka Iiraan

11. 2 Abriil 2026Trump iyo Iran oo dib u cusboonaysiiyay hanjabaadaha ku saabsan inay xiisaddu sii kororto

    

    Xigashada Sawirka, Reuters

    Mar sii horreysay oo maanta ah. Tehran ayaa uga digtay Mareykanka iyo Israa'iil weeraro "baabi'in ah," xilli duqeymuhu ay galene toddobaadkii shanaad oo xiriir ah.

    Digniintan ayaa timid saacado yar uun ka dib markii Madaxweyne Donald Trump uu ku hanjabay in Mareykanku uu Iran uu “si adag u” garaaci doon labada ilaa saddexda toddobaad ee soo socda, waana is-dhaafsigii ugu dambeeyay ee hanjabaadaha labada dal dhexmaraya.

    21-kii Maarso: Trump wuxuu sheegay in ciidamada Mareykanka ay "tirtiri doonaan" warshadaha korontada ee Iran haddii Tehran ay furi weydo Marinka Hormuz muddo 48 saac gudahood ah. Iran waxay kaga jawaabtay weerar ay ku garaacday magaalada Dimona ee Israa'iil.

    23-kii Maarso: Trump ayaa sheegay inay Iiran yeesheen wada hadal "aad u wanaagsan oo miro-dhal ah," wuxuuna dib u dhigay duqeymihii lagu qaadi lahaa kaabayaasha tamarta muddo shan maalmood ah.

    26-kii Maarso: Hakadkaas ayaa lagu kordhiyay 10 maalmood, ka dib markii uu sheegay in dowladda Iran ay codsatay.

    31-kii Maarso: Ilaalada Kacaanka Iran (IRGC) ayaa dib u cusboonaysiiyay hanjabaadaha ka dhanka ah shirkadaha tiknoolajiyadda Mareykanka ee ka hawlgala Bariga Dhexe sida Microsoft, Apple, iyo IBM. Trump ayaa hanjabaaddaas iska indha-tiray, isagoo su'aal ka keenay waxa ay Iran samayn karto, wuxuuna yiri "ma qoryaha carruurta ayay isticmaali doonaan?"

12. 2 Abriil 2026Iiraan oo war cusub ka sheegtay marinka Hormuz

    

    Xigashada Sawirka, Anadolu via Getty Images

    Af-hayeenka wasaaradda arrimaha dibadda ee Iiraan ayaa sheegay inay oggolaanayaan in maraakiibtu ay maraan Marinka Hormuz oo ah marin muhiim u ah dhoofinta saliidda kuwa aan ahayn "aanay lahayn kuwa gardarrada wada, xiriirna la lahayn."

    Isaga oo wareysi siinayay kanaalka telefishanka ee Newzroom Afrika, Esmail Baghaei ayaa sheegay in maraakiibta loo oggolaan doono inay maraan marinkaas "ka dib marka ay isku dubarid lagama maarmaan ah la sameeyaan mas'uuliyiinteenna."

    Isaga ka hadlay colaadda baahsan, Baghaei wuxuu sheegay in Iiraan aysan aqbali doonin “wareeg gurracan oo dagaal, wadahadal, joojin dagaal ah.” Bishii Juun, dagaal 12-maalmood ah oo u dhexeeyay Iiraan iyo Israa’iil ayaa ku lug lahaa Maraykanka oo weeraray dhowr goobood oo nukliyeer iyo milateri oo Iiraan ah.

    “Waxay yiraahdeen aan joojino, markaas ayaan joojinnay, kaddib sagaal bilood, waxay mar kale bilaabeen,” ayuu yiri Baghaei.

13. 2 Abriil 2026Taliyaha Ciidada Iiraan oo hanjabaad adag soo saaray, yeyse ku socotaa

    

    Xigashada Sawirka, Getty Images

    Taliyaha guud ee ciidamada qalabka sida ee Iiraan, Janaraal Amir Hatami, ayaa xaqiijiyay in weerar kasta oo dhulka ah oo ay soo qaadaan kuwa uu ku tilmaamay "cadowga" uu ka dhalan doono jawaab kama dambays ah oo xooggan.

    Wuxuu carrabka ku adkeeyay baahida loo qabo in "aanu hal askari" ka badbaadin ciidamada soo weeraraya haddii ay dhacdo in la isku dayo fulinta qorshahaas oo kale.

    Janaraal Hatami ayaa hadalkiisa ku sharrahay in ujeeddada istiraatiijiyadeed ee Tehran ay tahay in dalka laga fogeeyo "Ruuxda dagaalka", laguna soo dabbaalo ammaan dhammaystiran oo qof walba taabanaya; isagoo sheegay inay tahay wax aan la aqbali karin in gobollada kale ay ammaan ku raaxaystaan halka dadka Iiraaniyiinta ah ay wajahayaan khataro.

14. 2 Abriil 2026War cusub oo hadda Sacuudigu soo saaray

    Saacaddii u dambaysay, afhayeen u hadlay Wasaaradda Gaashaandhigga ee Sacuudi Carabiya ayaa sheegay in dalka uu ka hortagay weeraro mowjad cusub ah oo loo adeegsaday diyaarado aan duuliye lahayn

    Waxay sheegeen in afar diyaaradood oo aan duuliye lahayn la qabtay lana burburiyay.

    Horey, wasaaraddu waxay sidoo kale sheegtay inay soo rideen gantaal ballistic ah oo ku wajahnaa gobolka bari ee dalka.

15. 2 Abriil 2026Wiil uu dhalay Osama Bin Ladin oo bixiyay xog la yaab leh oo ku saabsan aabbihiis

    

    Xigashada Sawirka, Getty Images

    “Inkasta oo dhaqashada eyda ay Muslimiinta dhexdooda xumaan u arkaan, ninkayga Osama Bin Laden waxa uu Yurub ka soo dhoofsaday labo eey oo lagu kala magacaabi jiray Safir iyo Zair.

    Waan la yaabay markii Cumar uu ii sheegay in Khartuum aabbihii uu eey ku dhaqan jiray. Waan la yaabay sababtoo ah Muslimiinta ayaa aad uga fogaada eyga iyaga oo u arka in uu nijaas yahay.

    Xaaska koowaad ee Usama Bin Laden, Najvi Ghanem (Najvi Bin Laden), ayaa sida u sheegtay Jean Sassoon, oo ay buuggeeda ku qortay. Najvi waxay intaa ku dartay in mid ka mid ah eygooda la xaday, halka midkii kalana uu xanuun la soo darsay, ka dibna si lama filaan ah uu u dhintay.

    Toddoba sano kadib markii buugga la daabacay, ayaa wiilka uu dhalay Osama Bin Laden, Cumar Bin Laadin oo wareysi siiyay wargeyska The Sun wuxuu ku sheegay in aabbihii Usama Bin Laden uu hub kiimiko ah ku tijaabiyay eeygiisa. Cusaama Bin Laden ayaa lagu dilay howlgal ciidamada Mareykanka ay ka fuliyeen magaalada Abbottabad ee dalka Pakistan.

    Wixii intaa ka dambeeyay waxaa soo baxayay warbixinno dhowr ah oo sheegaya in Usama Bin Laden oo ah ninka loogu doonista badnaa caalamka uu hub kiimiko ah ku tijaabiyay eey.

    Halkan ka sii akhri sheekada

16. 2 Abriil 2026Iiraan oo soo saartay digniin adag

    Af-hayeen u hadlay millatariga Iiraan ayaa sheegay in Maraykanka iyo Israa'iil ay garaacayeen bartilmaameedyo "aan muhiim ahayn," isagoo isla markaana ka digay weeraro soo socda oo ah kuwo "wax burburiya, ka ballaaran kuwii hore, isla markaana baabi'in hantiyeed geysta."

    Bayaan ay ciidmaadu la wadaageen wakaaladda wararka ee Tasnim oo xiriir la leh ilaalada kacaanka Iiraan iyo wakaaladda Fars, ayuu af-hayeenku ku sheegay in labada dal ay haystaan xog "aan dhammaystirnayn" oo ku saabsan awoodda millatari iyo qalabka ay leedahay Tehran.

    Af-hayeenka ayaa intaas ku daray in wax soo saarka millatariga Iiraan uu ka dhaco "goobo aadan marnaba aqoon u lahayn" isagoo gaashaanka ku dhuftay sheegashadii Trump ee ahayd in kaydka hubka Iiraan uu aad u yaraaday.

    Wuxuu sheegay in Maraykanka iyo Israa'iil ay "waajib tahay inay bixiyaan khasaaraha gardarradii aad bilowdeen."

17. 2 Abriil 2026Sida ay tahay inaad uga digtoonaato hotelada la dego marka ay xaaskaga kula socoto

    

    Xilli Habeennimo ah sanadkii 2023, Eric wuxuu ku guda jiray bog uu si joogto ah ugu booqdo baraha bulshada si uu u daawado filimada galmada. Ilbiriqsi gudahood markii uu fiidiyowga bilaabay, wuu istaagay.

    Wuxuu ogaaday in lamaanaha uu daawanayay oo gudaha qolka galay, boorsooyinkooda dhigay, ka dibna galmo sameeyay ay yihiin isaga iyo saaxiibtiisa.

    Saddex toddobaad ka hor, waxay ku qaateen habeenka huteel ku yaal Shenzhen, koonfurta Shiinaha, iyaga oo aan ka warqabin inaysan kali ahayn oo la weheliyo.

    Waxaa kamarada ay qabatay iyaga oo sameynaya galmada waxaa-na qabtay kaamirad qarsoon oo ku jirtay qolkii huteelka, muuqaalkaasna waxaa loo soo bandhigay kumanaan qof oo kale oo galay bogga uu Ericadeegsaday si uu u daawado filimada galmada.

    Eric (magaciisu ma aha kan dhabta ah) ma ahayn oo kaliya ah isticmaale ka tirsan goobaha laga daawado filimada qaawan ee kaamiradaha qarsoon ee Shiinaha, balse wuxuu noqday dhibane.

    Halkan ka sii akhriso sheekada oo dhamaystiran

18. 2 Abriil 2026Dhaawac wasiir hore, mowjado duqaymo ah oo la is waydaarsaday iyo wararkii ugu dembeeyey ee dagaalka Bariga Dhexe

    

    Xigashada Sawirka, Reuters

    Iiraan ayaa sii waday weerarradeeda ka dhanka ah Israa’iil iyo deriskeeda Khaliijka. Saddex mowjadood oo gantaallo ah ayaa lagu beegsaday Israa’iil Khamiistii, iyadoo weerarkii saddexaad uu dhacay daqiiqado kaddib markii Madaxweyne Trump uu soo gabagabeeyay khudbaddiisii telefishinka laga sii daayay.

    Dhaawacyo fudud ayaa laga soo sheegay Tel Aviv. Isutagga Imaaraadka Carabta ayaa sheegay in nidaamyadooda difaaca cirka ay ka hortageen weerar gantaal iyo diyaarado aan duuliye lahayn (drones) ah.

    Horey, warbaahinta Iiraan ayaa sheegtay in wasiirkii hore ee arrimaha dibadda, Kamal Kharrazi, si xun loogu dhaawacay duqeyn cirka ah oo dishay xaaskiisa. (Mr Kharrazi waxaa loo arkaa inuu yahay siyaasi isbeddel-doon ah gudaha nidaamka siyaasadeed ee Iiraan, waxaana la isweydiin doonaa sababta loo bartilmaameedsaday.)

19. 2 Abriil 2026Qodob la filayey inuu Trump kaga hadlo khudbadiisa xalay basle uusan soo qaadin

    

    Xigashada Sawirka, EPA

    Hal arrin oo uusan kusoo qaadin khudbaddii Madaxweyne Trump ayaa ahayd gaashaanbuurta NATO, taas oo sii muuqatay ka dib markii waraysi uu siiyey Telegraph ku sheegay inuu tixgelinayo inuu Maraykanka ka baxo isbahaysigas.

    Madaxweynaha ayaa u sheegay wargayska in isbahaysigu yahay "shabeel warqadah", markii la weydiiyay inuu dib u eegis ku samayn doono xubinimada Maraykanka ee isbahaysiga ka dib colaadda Bariga Dhexe, wuxuu yiri: "Haddaba, waxaan dhihi lahaa dib-u-eegis way ka sii gudubtay."

    Sida uu horay u tilmaamay weriyaha Aqalka Cad ee BBC-da, madaxweynuhu wuxuu la kulmi doonaa caqabado sharci oo waaweyn haddii uu ku dhaqaaqo go'aanka ka bixitaankan.

    marka la eego in Trump uu khudbaddiisa xilliga muhiimka ah ku soo celceliyay qodobbo badan oo uu hore uga hadli jiray, waa wax xusid mudan in isbahaysigu uusan ka mid noqon qodobbadaas.

20. 2 Abriil 2026Ra’iisul Wasaaraha Australia oo sheegtay inaan lagala tashan dagaalka Iiraan

    

    Xigashada Sawirka, EPA

    Ra’iisul Wasaaraha Australia, Anthony Albanese, ayaa sheegay in inkastoo Australia ay taageersan tahay ujeeddada ah "in laga hortago in Iran ay waligeed hesho hubka nukliyeerka," haddana uusan hadda caddayn "waxa kale oo loo baahan yahay in la gaaro ama sida uu noqon doono dhammaadka arrintan."

    Hadalkiisa ayuu ka sheegay khudbad uu ka jeedinayay Naadiga Saxafiyiinta Qaranka (National Press Club), taas oo ku soo beegantay xilli uu Trump jeedinayay khudbad kale.

    Ra’iisul wasaaraha ayaa sidoo kale si gaar ah wax looga weydiiyay muddada uu Trump u qabtay soo afjaridda colaadda, isagoo ku jawaabay "in aan Australia lagala tashan ka hor inta uusan falkan billaaban."

    "Waxa aan si cad u sheegay ayaa ah in aan doonayno in aan aragno hoos u dhac ku yimaada colaadda, waxaana doonayaa in la aqoonsado oo si weyn loo caddeeyo sida ay tani ku dhammaanayso," ayuu yiri.

    "Australia qayb firfircoon ka ma aha dagaalkan. Laakiin dhammaan dadka reer Australia waxay la ildaran yihiin sicir-barar ay tani sababtay," ayuu yiri.