BBC News, Somali
U gudub qaybta macluumaadka

You’re viewing a text-only version of this website that uses less data. View the main version of the website including all images and videos.

Take me to the main website

Iiraan iyo Mareykanka oo Axadda heshiis nabadeed ku dhex mari doona magaalada Geneva

Afhayeenka Wasaaradda Arrimaha Dibadda ee Iiraan, Esmail Baghaei ayaa sheegay, in wararka sheegaya in heshiis lala galay Mareykanka aysan run ahayn, wadahadalladana aan weli la soo gabagabeyn.

Kooban

Tebin toos ah

  1. War deg deg ah, Madaxweyne Xasan oo sheegay in sawir xun la bixiyay oo ah 'Xamar waa holcee'

    Madaxweynaha Soomaaliya Xasan Sheekh Maxamuud oo ka hadalayay munaasabad ka dhacday Jowhar ayaa soo hadal qaaday dagaaladii ugu dambeeyay ee ka dhacay Muqdisho, isaga oo sheegay in sawir xun laga bixiyay magaalada, gaar ahaan dagaalkii ugu dambeeyay ee dhacay.

    ‘’Maali dhoweyd Xamar shil yaraa ka dhacay. Dadaa sawiro iyo video-yo hore oo dagaaladii dhici jiray ahaa inta soo qaatay soo galiyay,WAA TAN XAMAR WAA HOLCEE, XAMAR WAA TAN WAA GUBANEE,XAMAR WAA BURBURTAY ayaa lasoo galiyay Media-ha, daadaa lacag ku bixiyay inay waxaas faafiyaan oo caalamka gaarsiiyaan inay balaayo ka dhacday beledka, muxuu sameeyay ninkaas, ninkii soo socday oo boqlaal milyan inuu Soomaaliya galiyo uu racdeeyay.’’

  2. Liiska ciyaaraha adduunka ee ugu kaar cas badnaa iyo halka ay kaga jirto ciyaarta furitaanka 2026

    Waa markii ugu horaysay oo ciyaar furitaanka koobka addunka lagu qaatay saddex kaar oo casaan ah.

    Waa markii toddobaad ee ay dhacaan in saddex kaar oo casaan ah laga bixiyo ciyaar ka tirsan koobka adduunka, ayna tahay markii ugu horaysay oo ay ka dhex dhacdo ciyaar furitaan ah.

    Liiska

    • Mexico - South Africa 1/06/2026 - 3
    • Portugal - Netherlands 25/06/2006 - 4
    • Croatia - Australia 22/06/2006 -3
    • Italy - USA 17/06/2006 -3
    • South Africa - Denmark 18/06/1998 -3
    • Hungary - Brazil 27/06/1954 -3
    • Brazil - Czechoslovakia 12/06/1938 -3

  3. War deg deg ah, Ciyaar Saddex kaar oo casaan ah la taagay oo ugu dambayn Mexico ay guul kala hoyatay

    Mexico ayaa ku guuleysatay ciyaarta furitaanka ee Koobka Adduunka.

    Guul sahlan oo ku timid ciyaar jahawareer ahayd kadib markii saddex kaar oo casaan ah lagu qaatay, iyada oo ku dhammaatay 2:0.

    Mexico ayay u tahay bilow wanaagsan oo ay hoggaanka ugu qabatay Group A

  4. War deg deg ah, GOAL - Mexico 2-0 South Africa

    Ciyaaryahanada Koonfur Afrtika ee 10-ka ciyaaryahan ah ayaa la kulmay niyad jab kale, kadib markii goolkii labaad ee ciyaarta ay dhaliyeen xulka Mexico daqiiqadii 67aad ee ciyaarta.

    BBC SPORTS oo falanqaynaysa goolka ayaa tiri "Gool qurux badan. Dhammaystir iyo farsamo heer sare leh. Taabasho yar oo uu sameeyay Julian Quiñones, waa yaab."

  5. War deg deg ah, Mexico oo 1:0 ku hoggaaminaysa ciyaarta lagu bilaabay koobka adduunka

    Ciyaarta lagu furay koobka adduunka oo dhex maraysa dalalka Mexico iyo Koonfur Afrika ayaa xulka martida loo yahay uu ku hoggaaminayaa 1:0.

    Ciyaaryahanka Yaya Sithole ee Koonfur Afrika ayaa qaatay kaarka cas, kadib markii uu hor istaagay kubbad gool ay suurtagal u ahayd oo Mexico fursad ahaan ay ka faa'iideysan kartay.

  6. War deg deg ah, Weeraryahanka Soomaaliga ee qaybta ka ciyaaraha koobka adduunka

    Weeraryahanka ka ciyaara garabka midig ee hadda u ciyaara kooxda Al-wakrah sc ee dalka Qadar Yuusuf Cabdirizaaq Yuusuf ayaa qayb ka ah ciyaartooyda xulka Qadar ku matalaysa koobka adduunka ee haatan sida rasmiga ah u furmay ee sannadka ay sida wadajirka ah u martigalinayaan Canada, Mexico iyo Maraykanka.

    Yuusuf ayaa ku dhashay magaalada Muqdisho caasimada Soomaaliya, sannadkii August 5, 1999, waxaana uu kamid noqday weeraryahanada loo xushay inay ku matalaan Qadar koobka adduunka.

    Waxaa uu kamid noqonayaa ciyaartooyda fara-kutiriska ah ee Soomaalida ah ee haatan dalal ka tirsan Yurub iyo Asia ku matalaya koobka adduunka.

  7. War deg deg ah, Duqa magaalada Toronto oo Garsoore Cumar Cartan martiqaaday

    Garsooraha heerka caalami ee u dhashay Soomaaliya Cumar Cabdiqaadir Cartan ayaa soo dhoweyn ballaaran kala kulmay caalamka, kadib markii dowlada Maraykanka ay u diiday inuu galo dalkeeda.

    Duqa magaalada Toronto Oliva Chow ayaa ku martiqaaday Garsoore Cumar inuu yimaado magaaladeeda ayna soo dhoweynayaan.

    Xiriirka kubbada cagta ee qaarada Yurub ayaa sheegay inuu garsoore Cumar dhexdhexaadin doono ciyaar UEFA SUPER CUP oo ay isaga hor imaanayaan labada kooxood ee horyaalka UEFA Champions League iyo UEROPE League ku kala guulaystay, waa PSG iyo Aston villa

  8. War deg deg ah, Trump oo maanta baajiyay duqeymo la qorsheeyay inuu ka fuliyo Iran

    Madaxweynaha Mareykanka Donald Trump ayaa hadda soo dhigay barta bulshada ee Truth:

    Anigoo ka duulaya in wada-hadallo lala yeeshay Jamhuuriyadda Islaamiga ah ee Iran la gaadhsiiyay heerkii ugu sarreeyay ee hoggaanka Iiraan, lana ansixiyay, waxaan aniga oo ah Madaxweynaha Maraykanka, joojiyay duqaymo loo qorsheeyay Iiraan caawa fiidkii.

    Wada-hadalladii iyo qodobbadii ugu dambeeyay, labadaba fikrad oo tafatiran, ayaa lagu ansixiyay dhammaan dhinacyada ay khuseyso, oo ay ku jiraan Mareykanka, Israa'iil, Sacuudi Carabiya, UAE, Qadar, Turkiga, Pakistan, Bahrain, Kuwait, Jordan, Masar, iyo kuwa kale.

    Xayiraadda Badda waxay ahaan doontaa mid si buuxda u dhaqan gasha ilaa laga dhammeeyo tan - Waqtiga iyo goobta saxiixa oo lagu dhawaaqi doono waqti yar.

    DONALD J. TRUMP

    MADAXWEYNAHA DALKA MAREYKANKA

    Warar dheeraad ah:

    Trump oo yiri 'Waan jeclahay sicir-bararka' iyadoo qiimaha badecadaha Maraykanku uu aad sare ugu kacay saddex sano gudahood

    Garsooraha Soomaaliyeed ee Cumar Cartan oo loo xushay inuu dhexdhaadiyo kulan dhex mari doona PSG iyo Aston Villa

  9. Madaxa Qaramada Midoobay oo 'aad uga walaacsan' weerarrada Mareykanka iyo Iran

    Xoghayaha Guud ee Qaramada Midoobay Antonio Guterres ayaa "aad uga walaacsan" sii socoshada xiisadda ka taagan Bariga Dhexe, oo ay ku jiraan weerarrada Mareykanka iyo Iran, ayuu yiri afhayeenkiisa.

    Guterres waxa uu ku boorrinayaa dhinacyada inay ku soo laabtaan "dhammaan fulinta xabbad joojinta" oo ay ilaaliyaan waajibaadka hoos yimaada sharciga caalamiga ah ee ilaalinta rayidka.

    Afhayeenkiisu wuxuu intaas ku daray inuu ugu baaqayo Mareykanka iyo Iran inay "laba jibbaaraan dadaallada ku aaddan heshiis nabadeed, dhammaystiran oo waara" ee nabadda gobolka iyo tan caalamiga ah.

    Warar dheeraad ah:

    Trump oo yiri 'Waan jeclahay sicir-bararka' iyadoo qiimaha badecadaha Maraykanku uu aad sare ugu kacay saddex sano gudahood

    Garsooraha Soomaaliyeed ee Cumar Cartan oo loo xushay inuu dhexdhaadiyo kulan dhex mari doona PSG iyo Aston Villa

  10. War deg deg ah, Iran oo uga digtay Mareykanka 'gariir aan dhammaad lahayn'

    Sarkaal sare oo Iiraani ah oo uga digay Maraykanka in la gelin doono "qariir aan dhammaanayn".

    Mohammad Bagher Ghalibaf, afhayeenka baarlamaanka Iran ahna madaxa gorgortanka, ayaa ku sheegay qoraal uu soo dhigay barta X in "xeeladaha khaldan iyo go'aamada degdegga ah ay dib u dejin doonaan dhammaan guddiga oo dhan si ka xun sidii hore".

    Waxa uu sheegay in go'aamadan ay "qarxi karaan kaabayaasha tamarta iyo suuqyada", abuurista "gariir aan dhammaad lahayn oo aad ku xayirnaan doonto sannado badan".

    "Waxaad arki doontaa Iran oo sidii hore ka ka duwan," ayuu hadalkiisa ku soo gabagabeeyay.

    Waxay timid ka dib markii madaxweynaha Mareykanka Donald Trump uu ku hanjabay in Mareykanka uu Iran u weerari doono si "aad u adag caawa" uuna qabsan doono jasiiradda Kharg.

    Warar dheeraad ah:

    Trump oo yiri 'Waan jeclahay sicir-bararka' iyadoo qiimaha badecadaha Maraykanku uu aad sare ugu kacay saddex sano gudahood

    Garsooraha Soomaaliyeed ee Cumar Cartan oo loo xushay inuu dhexdhaadiyo kulan dhex mari doona PSG iyo Aston Villa

  11. Mareykanka: Iiraan way gudi doontaa waxyeellada ay u geysatay xulafadeenna

    Waxyeello kasta oo Iran ay u geysato xulafada Mareykanka waxaa lagu bixin doonaa dhaqaale "laga soo saaro akoonnada Iran", ayuu yiri xoghayaha maaliyadda ee Mareykanka Scott Bessent.

    Qoraal uu soo dhigay X, Bessent waxa uu ku sheegay in lacag kasta oo la siiyo Maamulka Gacanka Faaris – oo ah hay’ad cusub oo ay Iran u dejisay in ay maamusho marin biyoodka Hormuz – “waxaa laga jari doonaa dhaqaalaha [Iran]”.

    Isagoo hadalka sii wada wuxuu yiri: "Weerar kasta oo Iran ay qaaddo wuxuu sii kordhin doonaa cawaaqibka dhaqaale iyo maaliyadeed ee ay la kulanto."

    Horraantii maanta, Iran waxay bogaadisay weerarro isdaba joog ah oo ka dhan ah hantida Mareykanka ee Jordan, Bahrain iyo Kuwait. Arintaan ayaa timid kadib weerarro isdaba joog ah oo uu Mareykanku ka geystay koonfurta Iran.

    Warar dheeraad ah:

    Trump oo yiri 'Waan jeclahay sicir-bararka' iyadoo qiimaha badecadaha Maraykanku uu aad sare ugu kacay saddex sano gudahood

    Garsooraha Soomaaliyeed ee Cumar Cartan oo loo xushay inuu dhexdhaadiyo kulan dhex mari doona PSG iyo Aston Villa

  12. Kooxda wada-xaajoodka Qadar oo ka soo laabatay Tehran

    Koox wada-xaajood ah oo ka socotay Qadar ayaa kulamo ku qabatay caasimadda Iran ee Tehran ilaa saacadaha hore ee subaxnimadan, sida ay sheegayaan warar soo baxay.

    Mas’uul ka tirsan Qdtar ayaa u sheegay CBS News, in kooxda wada-xaajoodka ay tan iyo markaas ku laabteen Dooxa, iyadoo dadaallada diblomaasiyadeed ay sii socdaan.

    Qadar ayaa cambaareysay weerarrada Iran ee ka dhanka ah Jordan, Bahrain iyo Kuwait, kuwaas oo yimid kadib duqeymo Mareykanku ka fuliyay Iran. Qadar waxay dhexdhexaadiye ka ahayd xiriirka u dhexeeya Mareykanka iyo Iran, waxayna ku baaqday in la sii wado dadaallada lagu dejinayo xiisadda.

    Afhayeen u hadlay wasaaradda arrimaha dibadda ee Pakistan ayaa sidoo kale saxaafadda u sheegay horraantii maanta in wasiirka arrimaha gudaha ee dalkaas uu toddobaadkan Tehran kula yeeshay “kulamo muhiim ah” hoggaamiyeyaal sare oo Iran ka tirsan.

    Warar dheeraad ah:

    Trump oo yiri 'Waan jeclahay sicir-bararka' iyadoo qiimaha badecadaha Maraykanku uu aad sare ugu kacay saddex sano gudahood

    Garsooraha Soomaaliyeed ee Cumar Cartan oo loo xushay inuu dhexdhaadiyo kulan dhex mari doona PSG iyo Aston Villa

  13. Trump oo aan hubin in Mareykanku “u adkaysan karo” qabashada Jasiiradda Kharg

    Waxaan hadda idiin soo gudbinaynaa faallooyin dheeraad ah oo ka yimid Madaxweynaha Mareykanka Donald Trump, oo la hadlayay warbaahinta Mareykanka kuna saabsanaa dagaalka Iran.

    Wuxuu u sheegay Fox & Friends in Mareykanku “xalay ku tuuray Iran bambooyin qiimahoodu gaarayo $250 milyan (£187 milyan)” wuxuuna ku celiyay hanjabaaddiisa ku aaddan inuu la wareegayo Jasiiradda Kharg.

    Si kastaba ha ahaatee, wuxuu muujiyay shaki ku saabsan in Mareykanku “u adkaysan karo” fulinta hawlgal milatari oo noocaas ah.

    “Ma hubo in waddanku uu leeyahay rabitaanka taas, inkastoo ay aad u wanaagsan tahay,” ayuu ku yiri wicitaan telefoon.

    Sidoo kale akhri:

    Garsooraha Soomaaliyeed ee Cumar Cartan oo loo xushay inuu dhexdhaadiyo kulan dhex mari doona PSG iyo Aston Villa

  14. War deg deg ah, Qaraxyo laga maqlay meel u dhow Marinka Hormuz – warbaahinta Iran

    Qaraxyo ayaa laga maqlay agagaarka magaalada Sirik ee Iran, oo ku taalla xadka Marinka Hormuz, sida ay sheegtay wakaaladda wararka ee Iran ee Mehr.

    BBC ma aysan si madax-bannaan ah u xaqiijin warbixintan, sidoo kalena Maraykanka iyo Iran midkoodna si toos ah ugama hadlin in weerarro la fuliyay iyo in kale.

    Warar dheeraad ah:

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda

  15. War deg deg ah, Trump oo sheegay in Maraykanku uu Iran “si aad u daran u garaaci doono caawa.”

    Donald Trump wuxuu sheegay in Maraykanku Iran “si aad u daran u weerari doono caawa” qoraal cusub oo uu ku qoray Truth Social.

    Wuxuu madaxweynuhu yiri:

    “Maraykanku wuxuu garaaci doonaa Iran (oo Ciidamadeeda Badda, Ciidanka Cirka, radaar-keeda, difaaca lidka diyaaradaha, iyo dhammaan awooddeeda difaac, iyo sidoo kale inta badan awooddeeda weerar ay GABEEN!), si aad iyo aad u daran caawa.

    “Waqti aan aad u fogayn, waxaan la wareegi doonnaa Jasiiradda Kharg, iyo goobo kale oo ka tirsan kaabayaasha shidaalka, waxaanan si buuxda u maamuli doonnaa suuqyada shidaalka iyo gaaska, si la mid ah sida aan ku sameynay Venezuela, taasoo si aad u fiican uga shaqeyneysa Venezuela iyo Maraykanka.”

    Tan iyo bilowgii dagaalka, Trump wuxuu marar badan hanjabaad ku sameeyay inuu la wareegi doono Jasiiradda Kharg, oo ah jasiirad yar oo ku taal xeebaha Iran, halkaas oo ay ku taallo xarun weyn oo shidaal lagu dhoofiyo.

    Warar dheeraad ah:

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda

  16. Maraykanka oo xaqiijiyey in weerar lagu qaaday markabkii saddexaad oo marayay Gacanka Cumaan

    Maraykanka ayaa xaqiijiyey inuu weerar ku qaaday markabka Jalveer, oo ku diiwaangashan calanka dalka Guinea-Bissau.

    Taliska Dhexe ee Ciidamada Maraykanka ayaa sheegay in markabku uu “jebiyey xannibaadda” isagoo isku dayayey inuu saliid Iiraan ka timid ka gudbiyo marinka Gacanka Cummaan.

    Sida ay sheegtay CENTCOM, kani waa markabkii saddexaad ee ay ciidamada Maraykanku ku weeraraan toddobaadkan gudaha Gacanka kadib weerarro lagu qaaday maraakiibta Marivex iyo Settebello.

    Warar dheeraad ah:

    Dadka ay tahay in aysan u dhawaan oo ay cunin Canbaha

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda

  17. 1,655 Itoobiyaan oo ku xirnaa Sacuudiga oo loo fidiyey cafis

    Wasaaradda Arrimaha Dibadda ayaa sheegtay in 1,655 muwaadiniin Itoobiyaan ah oo ku xirnaa dalka Sacuudiga la hakiyey dacwadahoodii, isla markaana loo fidiyey cafis.

    Waxay wasaaraddu sharraxday in cafiska loo fidiyey Itoobiyaanka uu ka dhashay dadaallo diblomaasiyadeed oo ay hormuud ka ahayd wasaaraddu, iyadoo iskaashi la samaynaysay Safaaradda Itoobiya ee Riyadh iyo Qunsuliyadda Guud ee Jeddah.

    Wasaaraddu waxay sidoo kale tilmaantay in natiijadan lagu gaaray iyadoo dowladda ay mudnaan gaar ah siisay diblomaasiyadda ku salaysan danaha iyo daryeelka muwaadiniinta ee xiriirrada arrimaha dibadda.

    Sidoo kale waxaa la sheegay in, marka laga hadlayo diblomaasiyadda ku wajahan muwaadiniinta, arrimaha weli u baahan dadaallo diblomaasiyadeed oo dheeraad ah gudaha Sacuudiga si dhow loola socdo.

    Dowladdu waxay shacabka ugu baaqday inay ka feejignaadaan xogaha been abuurka ah iyo kuwa marin-habaabinta ah ee ay faafinayaan dadka ka ganacsada tahriibinta dadka, kuwaas oo lagu baahiyo baraha bulshada iyo kanaallo kale, kuna saabsan safarrada dibadda.

    Wasaaradda Arrimaha Dibadda ayaa sheegtay in la sii xoojin doono dadaallada lagu horkeenayo sharciga dadka ku lugta leh tahriibinta sharci darrada ah.

    Sii akhri:

    Messi iyo Ronaldo: xifaaltanka bedelay taariikhda kubadda cagta

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda

  18. Rabshado dheeraad ah ayaa ka dhacay Waqooyiga Ireland inkastoo qoyska dhibbanaha uu ku baaqay in la dejiyo

    Ka dib qalalaasihii habeenimadii Talaadada ee Waqooyiga Ireland, qoyska dhibbanaha toorida Stephen Ogilvie Arbacadii ayaa ku baaqay in la xakameeyo.

    "Waxaan rabnaa inaan si buuxda u cadeyno in rabshado dhaca xilliga habeenimo ah aan la soo dhaweynayn, mudaaharaad nabadeedna uu yahay dariiqa kaliya ee loo mari karo," ayya ku yiraahdeen qoyska dhibanayaasha.

    "Waxaan haynaa muhaajiriin badan oo si qoto dheer wax ugu soo kordhinaya waddankeena, oo ay ku jiraan nidaamkayaga daryeelka caafimaadka iyo qaybta martigelinta waxaanan ku tiirsanahay iyaga si aan waddankeena uga dhigno mid shaqeeya."

    Waxay sheegeen in aanay doonayn in "musiibadan foosha xun loo adeegsado in dadka lagu kala qaybiyo ama lagu huriyo colaad".

    Ogilvie oo 40-sano jir ah ayaa waxaa waxyeelo ka soo gaartay isha bidix, iyadoo ay wehliyaan dhaawacyo ka soo gaaray qoorta iyo dhabarka.

    Haadi Alodiid, oo 30 jir ah asal ahaan ka soo jeeda Sudaan, ayaa Arbacadii ka soo muuqday maxkamad, isaga oo lagu eedeeyay isku day dil.

    Sii akhri:

    Messi iyo Ronaldo: xifaaltanka bedelay taariikhda kubadda cagta

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda

  19. Madaxwaynaha Colombia oo ka hadlay kiiska Cumar Cartan

    Madaxwaynaha dalka Colombia ayaa ka fal-celiyay talaabada dowladda Maeykanka ay ugu diiday garsoore Cumar Cartan in uu galo dalkooda.

    Madaxwayne Gustavo Petro ayaa qoraal uu soo dhigay barta uu ku leeyahay X waxaa uu ku sheegay in amrka ay timaado ciyaaraha Koobka aduunka ay tahay in cidna ana la midib-takoorin.

    Waxaa uu si gaar ah farta ugu fiiqay kiiska Cumar Cartan iyo go'aanka Mareykanka.

    "Marka ay timaado koobka aduunka ee kubadda cagta, waa in aan qofna looga reebin sababtoo ah midibka jirkiisa sida ku dhacday garsoore Cumar Cartan oo kale" ayuu ku yiri qoraakiisa madaxwayanah Colombia Gustavo Petro.

    Sii akhri:

    Messi iyo Ronaldo: xifaaltanka bedelay taariikhda kubadda cagta

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda

  20. Saddex badmaax oo Hindi ah ayaa la la'yahay ka dib markii Maraykanku sheegay inuu weeraray Markab

    Saddex badmaax oo u dhashay dalka Hindiya ayaa la la'yahay ka dib markii Maraykanku sheegay in ay ku dhufteen markab nooca shidaalka qaada ah ah oo marayey gacanka Cumaan

    Milatariga Maraykanka ayaa curyaamiyay markab shidaal oo marayay gacanka Cumaan oo ay ku eedeeyeen in uu ku xad gudbay go'doominta Mareykanka isagoo isku dayay inuu Shidaal ka soo qaado Iran.

    Qoraal ay soo dhigeen X, Taliska Dhexe ee Mareykanka ayaa sheegay in diyaarad ay ku gantay qolka matoorka ee Settebello oo ka babanayay calanka Palau "ka dib markii shaqaaluhu ay si isdaba joog ah u fulin waayeen awaamiirta ciidamada Mareykanka".

    Dowladda Hindiya ayaa sheegtay in saddex badmaax oo u dhashay dalka Hindiya la la'yahay 21-shaqaale ah oo u dhashay dalka Hindiyana la soo badbaadiyay kadib weerarkii lagu qaaday xeebta Settebello ee xeebaha dalka Cumaan.

    Waxay tiri "bartilmaameedka maraakiibta ganacsiga iyo kaabayaasha rayidka ee gobolka waa in la soo afjaraa".

    Milateriga Maraykanka ayaa xannibay gelitaanka dekedaha Iran ka dib markii Tehran ay xirtay marin biyoodka Hormuz, kaas oo 20% ka mid ah shidaalka iyo gaaska adduunka ay maraan.

    Ciidamada Mareykanka ayaa waxyeeleeyay siddeed markab waxayna hor-istaageen134 kale tan iyo markii ay billaabeen xannibaadda 13-kii April, sida ay sheegtay Centcom.

    Ka dib dhacdadii u dambeysay, dowladda Hindiya ayaa u yeertay ku xigeenka madaxa howlgalka Mareykanka ee Delhi, sida ay saraakiisha u sheegeen BBC.

    Sii akhri:

    Messi iyo Ronaldo: xifaaltanka bedelay taariikhda kubadda cagta

    Halkee ciidamada Mareykanka kaga sugan yihiin bariga dhexe, sababtu se maxay tahay?

    FIFA oo ka hadshay diidmada uu Mareykanka u diiday Cumar Cartan inuu galo dalkooda