Facal Oirbh, BBC Radio nan Gàidheal, 24 Samhain 2009

Seanfhacail agus Abairtean

Gheibh fear na coise fluiche rudeigin

Ma tha thu a-muigh agus am measg dhaoine, cluinnidh tu rudeigin no gheibh thu rudeigin.

A' rud is fhiach a ghabhail, is fhiach e iarraidh

Ma tha rud ann a tha thu a' miannachadh dhut fhèin, agus tu a' faicinn luach ann, 's fhiach dhut iarraidh am faigh thu e, seach dìreach falbh leis.

Cadal nan con, 's na mnathan a' fuine

Saoil an robh seo a' ciallachadh gu robh na fir nan tàmh fhad 's a bha na boireannaich ag obair?

Ceannaich ri grèin is reic ri coinneal

Seo na h-amannan is fheàrr airson reic agus ceannach.

Buille ma seach, buille gun dreach

Tha seo co-cheangailte ri iomradh, far a' feum an dà ràmh a bhith ag obair còmhla. Ann a' suidheachaidhean eile, mur a dèan sgioba rud còmhla gu dòigheil, cha tig mòran adhartais air an obair.

A Shàbaid 's a sheachdain

Chante seo mu rud a bha ann an còmhnaidh.

A Luan 's a Dhòmhnach

Dòigh eile air bruidhinn mu rud a bha ann an còmhnaidh.