Facal Oirbh, BBC Radio nan Gàidheal, 17 Samhain 2009

Creideasan

Àirne Mhoire

Bha creideas aig cuid nam biodh Àirne Mhoire aca nan làimh aig an àm, gu robh e a' cur dìon oirre aig àm leanabh a thoirt don t-saoghal.

Currac streafoin

Nuair a bhiodh leanabh air a bhreith agus currac streafoin, caul, air, bhathas a' meas gu robh a' leanabh a bha sin air leth sònraichte, agus air leth fortanach. Gu h-àraidh nam b' e balach a bhiodh ann, bhiodh iad a' cumail a-mach nach deigheadh a bhàthadh gu bràth.

Sgeulachd: A' bleith falamh

Bha Tormod MacLeòid, An t-Òb, a' cuimhneachadh air an fhear seo nach robh buileach aig a dhòigh fhèin. Bha e rud beag faoin, 's dòcha. A' latha a bha seo, bha e air a' rathad mhòr 's bha a' spliuchan aige falamh. Chaidh a' ministear seachad, 's bha cuideigin còmhla ris. Bha sin ceart gu leòr, ach bha toit mhath a' falbh à pìob a' mhinisteir.

Thuirt an duine bochd ris, as an dol seachad "Chan eil sibh fhèin ga bleith falamh, a' Mhinistear!"

Tha e coltach gum biodh na daoine bochda a' bleith na brà mur a robh ach beagan sìol aca, 's bhite a' cantainn gu robh iad ga bleith falamh.