Help / Taic

Facal Oirbh, BBC Radio nan Gàidheal, 08 Sultain 2009

Tobraichean

Tobar agus fuaran

Bhiodh an tobar a' dol cho ìseal nam biodh tiormachd mhòr ann as t-samhradh, ach bhiodh na fuarain làn fad an t-siubhail. Cha bhiodh iad a' tiormachadh idir.

Tobar

Dh'fheumte an tobar a dhìon bho bheathaichean chionns gu robh iad buailteach a bhith a' dol ann. Bhiodh iad a' togail an-àrd na tobrach le leacan agus talamh, agus bhiodh iad a' cur mar gum biodh uachdar fiodh oirre agus bha sin ga cumail tèarainte bho bheathaichean, ach cuideachd a' dìon choigrich nach biodh eòlach as an àite bho dhol innte.

Bha tobraichean pailt ach bha fuarain doirbh an lorg an Griomasaigh, agus 's ann tric gun fhios a thigeadh tu tarsainn air fear. Bhiodh an t-uisge a' tighinn bhon ghrunnd agus bha e cho geal agus cho fuar cuideachd.

Bho Sheonaidh Ailig MacIlleathain, Griomasaigh, Uibhist a Tuath

Lìonanaich

Dh'fheumte a bhith a' glanadh nan tobraichean bhon stuth uaine a bha seo uair no dhà a h-uile samhradh.

Eich

Gill'-àigich

Seo an gille a bhiodh a' falbh nam bailtean leis an àigeach, dìreach mar a bha gille uair a' falbh le tarbh.

Each ag obair

Uair a thìde an eich

Bha na daoine a bha ag obair le eich ag obair bho mhoch gu dubh, a' tòiseachadh 's dòcha aig còig uairean sa mhadainn. Bhiodh biadh aca eadar sia is seachd, agus an uair sin biadh eile aig meadhan-là. Bhiodh iad an-còmhnaidh ag ràdh gu robh uair a thìde aig an each, abair bith dè bha an duine a bha a' pàigheadh ag iarraidh.

Dh'obraicheadh iad an uair sin fad an fheasgair, cha mhòr gu fàsadh e dorcha.

Bha Facal nan Each mar password leis an aithnicheadh buill na buidhne càch a chèile. Bha an fheadhainn a bha as a' bhuidheann a' cumail a-mach gu robh iad tòrr na b'fhiosraich, 's tòrr na bu chomasaich, air eich a làimhseachadh 's obair fhaighinn asta na bha daoine eile.

Ach bha cuid nach robh as a' bhuidheann a' cumail a-mach nach robh càil sònraichte mun deidhinn idir, agus gu faigheadh duine a bha math dhan an each, agus eòlach air is tuigseach mu dheidhinn, obair a cheart cho math às.

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.