Lampaichean
Ann an cuid a dh'àiteachan bhite a' cur salainn dhan a' pharaffin. Bhiodh e a' glanadh a' cheò a bha a' tighinn às a' lasair. Bhiodh a' lasair agus a' solas an uairsin tòrr na bu ghile.
Eich
Facal nan each
Bha cuid a dhaoine ann a bha a' ceannsachadh eich le bhith ag èigheach riutha 's gam bualadh. Bha feadhainn eile ann a bhiodh a' bruidhinn gu socair, ciùin riutha agus 's e facal nan each a chante ri sin. Glè thric bha sgil ann an làimhseachadh nan each a' ruith ann an teaghlaichean bho athair gu mac.
Seanfhacail agus Abairtean
Mo chuip fhìn is each fear eile
An rud a bha agad air iasad dh'fheuchadh tu ri na b' urrainn dhut de dh'fheum fhaighinn às.
Bho Thormod MacLeòid, An t-Òb, Na Hearadh
Streap a' chait ris a' chàlaidh
B' e an càlaidh am balla a bha eadar dà rum ann an taigh.
Nuair a tha cat a' streap thèid e suas a' chiad phìos de bhalla gu math luath ach, mar as aìrde a tha e a' dol, 's ann as slaodaiche a tha e a' fàs.
Chante seo ri duine sam bith a bha a' sàs ann a' rud a bha duilich dha.
Chan iarr am broc na shloc ach e fhèin
Tha seo a' ciallachadh gu bheil duine a' taghadh a chuideachd. Chan eil e ag iarraidh ach a sheòrsa fhèin.
BBC iD
BBC iDStiùireadh a’ BhBC
Ceangalaichean BBC
BBC © 2014 Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.