Seanfhacail is Abairtean
Fiachan air duine na gheallas e
Ma gheallas tusa rud do dhuine sam bith, tha e mar fhiachan ort an gealladh sin a choilionadh.
Trian galair ri oidhche
Ma tha thu tinn agus tu as an leabaidh 's muinntir an taigh uile nan cadal ach thusa nad dhùisg tha thu buailteach a bhith faireachdainn nas miosa. Saoilidh tu an còmhnaidh gu bheil tinneas sam bith nas miosa tron oidhche.
Cha robh na bhodach nach robh na bhalach, ach 's lìonmhor iad a bha nam balaich nach robh nam bodaich
Cha do leig an leisg dha dheòin duine gu slighe a' chòir a-riamh
Bho Iain MacAmhlaigh, Rathanais, Leòdhas
Am facal murag
B' e seo rud sam bith a thigeadh air a' chladach gun dùil ris.
Bho Cheit NicAoidh, Borgh na Sgiotaig, An t-Eilean Sgiathanach
BBC iD
BBC iDStiùireadh a’ BhBC
Ceangalaichean BBC
BBC © 2014 Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.