Am facal goistidh
- a' ciallachadh athair leanaibh no oide leanaibh (Bho Iain Mac a' Phì às an Leth Mheadhanaich, Uibhist a Deas a tha san dealbh)
- gossip, godfather, father of a child to whom one is a godfather (Faclair Dwelly)
- caraid (Bhon t-Urr. Uilleam MacMhathain)
- chanadh na Hiortaich "Sin thu fhèin, a ghoistidh", a' ciallachadh "Sin thu fhèin, a charaid"
- ceangal aige ris an t-seann Bheurla gossip (Bho Dhòmhnaill Eardsaidh Dòmhnallach, Uibhist a Tuath)
- cha chleachdadh tu goistidh airson boireannach.
Thàinig post-dealain bho Mhaighread Stiùbhart ag ràdh gam bithear a' cleachdadh am facal goiste ann an Èireann airson godparent.
Seanfhacail mu ghoistidh
Failt' ort fhèin, a ghoistidh ùr, Sop air sùil mo sheann ghoistidh
Bhon bhàrdachd: Duan na Bainnse
Ann am madainn 's i ro fhuar;
Chòmhdhalaich mo ghoistidh mi,
E fhèin is Lochlann Ruadh;
Ghabh sinn chum an tulaich
Far 'n robh cruinneachadh math sluaigh:
Ma rinn iad dearmad buideil oirnn
Seo m' uirsgeul dhuibh ga luaidh.
Le Iain MacFhearchair, (Iain MacCodrum)
B' e Duan na Bainnse a' chiad òran a rinn Iain MacFhearchair, Iain MacCodrum, a rugadh mu dheireadh na seachdamh linn deug ann an Uibhist a Tuath. Ged nach d' fhuair e fiathachadh chun na bainnse, chaidh e fhèin 's a ghoistidh, a charaid, ann co-dhiù... ach cha b' e an fhàilte a b' fheàrr a fhuair iad. Tha a' bhàrdachd slàn agus bàrdachd eile le MacCodrum ri fhaighinn anns an leabhar Òrain Iain MhicFhearchair , deasaichte le Uilleam MacMhathain (Oliver and Boyd, Dun Èideann 1939 )
BBC iD
BBC iDStiùireadh a’ BhBC
Ceangalaichean BBC
BBC © 2014 Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.