ਤਸਵੀਰ ਸਰੋਤ, Getty Images
ਪਾਕਿਸਤਾਨ 'ਚ ਪੀਐੱਮਐੱਲ-ਐੱਨ ਦੀ ਆਗੂ ਮਰੀਅਮ ਨਵਾਜ਼ ਨੇ ਪ੍ਰਧਾਨ
ਮੰਤਰੀ ਇਮਰਾਨ ਖ਼ਾਨ ਨੂੰ ਟਵੀਟ ਕੀਤਾ ਹੈ ਕਿ 'ਜੇਕਰ ਭਾਰਤ ਇੰਨਾ ਹੀ ਪਸੰਦ ਹੈ ਤਾਂ ਉੱਥੇ ਹੀ ਸ਼ਿਫਟ ਹੋ ਜਾਓ ਤੇ ਪਾਕਿਸਤਾਨ ਦੀ ਜਾਨ ਛੱਡੋ'।
ਮਰੀਅਮ ਦੀ ਇਹ
ਪ੍ਰਤੀਕਿਰਿਆ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੇ ਸ਼ੁੱਕਰਵਾਰ ਨੂੰ ਦੇਸ਼ ਨੂੰ ਕੀਤੇ ਸੰਬੋਧਨ 'ਤੇ ਆਈ ਹੈ, ਜਿਸ 'ਚ ਖ਼ਾਨ ਨੇ ਸੰਸਦ
ਨੂੰ ਬਹਾਲ ਕਰਨ ਦੇ ਸੁਪਰੀਮ ਕੋਰਟ ਦੇ ਫੈਸਲੇ ਦੀ ਆਲੋਚਨਾ ਕੀਤੀ ਸੀ। ਇਸ ਦੌਰਾਨ ਉਨ੍ਹਾਂ ਨੇ
ਵਿਰੋਧੀ ਧਿਰ 'ਤੇ ਗੰਭੀਰ ਦੋਸ਼
ਲਗਾਉਂਦੇ ਹੋਏ ਭਾਰਤ ਦੀ ਪ੍ਰਸ਼ੰਸਾ ਵੀ ਕੀਤੀ ਸੀ।
ਖ਼ਾਨ ਨੇ ਕਿਹਾ ਸੀ
ਕਿ 'ਕਿਸੇ ਵੀ ਵਿਦੇਸ਼ੀ ਤਾਕਤ ਦੀ
ਹਿੰਮਤ ਨਹੀਂ ਹੈ ਕਿ ਉਹ ਭਾਰਤ ਦੀ ਵਿਦੇਸ਼ ਨੀਤੀ 'ਚ ਦਖ਼ਲ ਦੇ ਸਕੇ। ਭਾਰਤ ਇੱਕ ਖੁੱਦਾਰ ਦੇਸ਼ ਹੈ'।
ਉਨ੍ਹਾਂ ਕਿਹਾ,
"ਭਾਰਤ ਦੀ ਵਿਦੇਸ਼ ਨੀਤੀ
ਸੁਤੰਤਰ ਹੈ ਅਤੇ ਹਰ ਦਬਾਅ ਨੂੰ ਦਰਕਿਨਾਰ ਕਰਕੇ ਉਹ ਰੂਸ ਤੋਂ ਤੇਲ ਲੈ ਰਿਹਾ ਹੈ''।
ਤਸਵੀਰ ਸਰੋਤ, Imran Khan/Facebook
ਇਮਰਾਨ ਖ਼ਾਨ ਦੇ ਇਸ ਸੰਬੋਧਨ ਤੋਂ ਬਾਅਦ ਮਰੀਅਮ ਨਵਾਜ਼ ਨੇ ਟਵੀਟ ਕਰਕੇ ਉਨ੍ਹਾਂ 'ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ 'ਜਿਸ ਭਾਰਤ ਦੀ ਤੁਸੀਂ ਪ੍ਰਸ਼ੰਸਾ ਕਰ ਰਹੇ ਹੋ, ਉੱਥੇ ਕਈ ਪ੍ਰਧਾਨ ਮੰਤਰੀਆਂ ਖਿਲਾਫ਼ ਬੇਭਰੋਸਗੀ ਮਤਾ ਲਿਆਉਣ ਦਾ ਇਤਿਹਾਸ ਹੈ'।
'ਕਿਸੇ ਇੱਕ ਨੇ ਵੀ ਸੰਵਿਧਾਨ, ਲੋਕਤੰਤਰ ਅਤੇ ਨੀਤੀ ਨਾਲ ਅਜਿਹਾ ਖਿਲਵਾੜ ਨਹੀਂ ਕੀਤਾ। ਵਾਜਪਾਈ ਇੱਕ ਵੋਟ ਨਾਲ ਹਾਰੇ, ਘਰ ਚਲੇ ਗਏ। ਤੁਹਾਡੇ ਵਾਂਗ ਦੇਸ਼, ਸੰਵਿਧਾਨ ਅਤੇ ਜਨਤਾ ਨੂੰ ਬੰਧਕ ਨਹੀਂ ਬਣਾਇਆ'।
ਆਪਣੇ ਅਗਲੇ ਟਵੀਟ 'ਚ ਮਰੀਅਮ ਨੇ ਲਿਖਿਆ, 'ਤਾਕਤ ਲਈ ਇਸ ਤਰ੍ਹਾਂ ਕਿਸੇ ਨੂੰ ਰੋਂਦੇ ਹੋਏ ਪਹਿਲੀ ਵਾਰ ਦੇਖਿਆ ਹੈ। ਰੋ ਰਹੇ ਹਨ ਕਿ ਕੋਈ ਮੇਰੇ ਲਈ ਬਾਹਰ ਨਹੀਂ ਆਇਆ। ਓ ਭਾਈ, ਅੱਖਾਂ ਖੋਲ੍ਹ ਕੇ ਦੇਖੋ, ਜਿਸ ਤਰ੍ਹਾਂ ਤੁਸੀਂ ਉਨ੍ਹਾਂ ਸਾਢੇ ਤਿੰਨ ਸਾਲਾਂ ਵਿੱਚ ਗਰੀਬਾਂ ਨੂੰ ਰੁਆਇਆ ਹੈ, ਤਿਲ-ਤਿਲ ਕੇ ਮਾਰਿਆ ਹੈ, ਉਹ ਸ਼ੁਕਰਾਨੇ ਦੀ ਨਫ਼ੀਲ ਪੜ੍ਹ ਰਹੇ ਹਨ ਕਿ ਤੇਰੇ ਵਰਗੇ ਤੋਂ ਜਾਨ ਛੁਟੀ। ਜਾਂਦੇ-ਜਾਂਦੇ ਸੰਵਿਧਾਨ ਵੀ ਤੋੜ ਗਏ'।
Skip X postX ਸਮੱਗਰੀ ਦੀ ਇਜਾਜ਼ਤ?ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ। 
