ਅਮਰੀਕੀ ਸਿਹਤ ਵਿਭਾਗ ਦੇ ਇੱਕ ਸਾਬਕਾ ਅਫ਼ਸਰ ਰਿਕ ਬ੍ਰਈਟ ਨੇ ਕਾਂਗਰਸ
ਨੂੰ ਦੱਸਿਆ ਹੈ ਕਿ ਅਮਰੀਕਾ ਕੋਰੋਨਾਵਾਇਰਸ ਕਾਰਨ ਆਧੁਨਿਕ ਇਤਿਹਾਸ ਦੇ ਸਭ ਤੋਂ ਭਿਆਨਕ ਸਮੇਂ ਵਿੱਚ ਹੈ।
ਰਿਕ ਉਸੇ ਏਜੰਸੀ ਦੀ ਅਗਵਾਈ ਕਰ ਰਹੇ ਹਨ ਜੋ ਕੋਰੋਨਾਵਾਇਰਸ ਦੀ ਵੈਕਸੀਨ
ਬਣਾਉਣ ਵਿੱਚ ਲੱਗੀ ਹੋਈ ਹੈ।
ਪਿਛਲੇ ਮਹੀਨੇ ਅਹੁਦੇ ਤੋਂ ਹਟਾਏ ਜਾਣ ਮੌਕੇ ਉਨ੍ਹਾਂ ਕਿਹਾ ਸੀ ਕਿ
ਉਨ੍ਹਾਂ ਨੇ ਟਰੰਪ ਦੇ ਸਾਹਮਣੇ ਕੋਰੋਨਾਵਾਇਰਸ ਬਾਰੀ ਉਨ੍ਹਾਂ ਦੀਆਂ ਨੀਤੀਆਂ ਦਾ ਵਿਰੋਧ ਕੀਤਾ ਸੀ।
ਜਿਸ ਕਾਰਨ ਉਨ੍ਹਾਂ ਨੂੰ ਹਟਾਇਆ ਗਿਆ ਹੈ। ਟਰੰਪ ਪ੍ਰਸ਼ਾਸਨ ਦਾ ਕਹਿਣਾ ਸੀ ਕਿ ਇਸ ਦੀ ਵਜ੍ਹਾ ਰਿਕ
ਦਾ 'ਚਿੜਚਿੜਾ' ਸੁਭਾਅ ਹੈ।
ਉਨ੍ਹਾਂ ਨੇ ਹਾਊਸ ਆਫ਼ ਰਿਪਰਿਜ਼ੈਂਟੇਟਿਵ ਦੀ ਸਿਹਤ ਬਾਰੇ ਬਣੀ ਸਬ
ਕਮੇਟੀ ਨੂੰ ਇਹ ਵੀ ਕਿਹਾ ਕਿ ਅਮਰੀਕੀ ਲੋਕ ਇਸ ਲਈ ਮਰ ਰਹੇ ਹਨ ਕਿਉਂਕਿ ਸ਼ੁਰੂ ਵਿੱਚ ਸਰਕਾਰ ਨੇ
ਕੋਈ ਕਾਰਵਾਈ ਨਹੀਂ ਕੀਤੀ।
ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਜਨਵਰੀ ਵਿੱਚ ਉਪਕਰਣਾਂ
ਦੀ ਕਮੀ ਦੀ ਗੱਲ ਕੀਤੀ ਸੀ। ਜਿਸ ਵੱਲ ਕੋਈ ਧਿਆਨ ਨਹੀਂ ਦਿੱਤਾ ਗਿਆ।
ਉਨ੍ਹਾਂ ਨੇ ਕਿਹਾ, “ਮੈਂ ਚੇਤਾਵਨੀ ਦਿੱਤੀ ਸੀ ਕਿ ਕੋਰੋਨਾਵਾਇਰਸ ਦੇ ਅਸਰ
ਨੂੰ ਸ਼ੁਰੂ ਵਿੱਚ ਹੀ ਘਟ ਕਰ ਸਕਦੇ ਹਾਂ ਅਤੇ ਇਹੀ ਮੌਕਾ ਹੈ ਪਰ ਕਿਨੇ ਨੇ ਨਹੀਂ ਸੁਣਿਆ। ਬਿਨਾਂ
ਕਿਸੇ ਯੋਜਨਾ ਦੇ 2020 ਨੂੰ ਆਧੁਨਿਕ ਅਮਰੀਕਾ ਦੇ ਇਤਿਹਾਸ ਦਾ ਸਭ ਤੋਂ ਭਿਆਨਕ ਸਾਲ ਹੋ ਸਕਦਾ ਹੈ।
ਅਸੀਂ ਸ਼ੁਰੂ ਵਿੱਚ ਹੀ ਕੋਰੋਨਾਵਾਇਰਸ ਬਾਰੇ ਹਰ ਪੱਧਰ ਤੇ ਗੱਲ ਕੀਤੀ ਪਰ ਕਿਸੇ ਨੇ ਨਹੀਂ ਸੁਣੀ।”
ਅਮਰੀਕਾ ਵਿੱਚ ਕੋਰੋਨਾਵਾਇਰਸ ਨਾਲ ਹੁਣ ਤੱਕ 85 ਹਜ਼ਾਰ ਲੋਕ ਆਪਣੀ ਜਾਨ
ਗਵਾ ਚੁੱਕੇ ਹਨ। ਸਿਰਫ਼ ਨਿਊ ਯਾਰਕ ਵਿੱਚ ਹੀ ਇਸ ਕਾਰਨ 27,607 ਜਾਨਾਂ ਜਾ ਚੁੱਕੀਆਂ ਹਨ।
ਤਸਵੀਰ ਸਰੋਤ, AFP
